ସମ୍ବଲପୁର ଧାନମଣ୍ଡିରେ ଅଲୋଡ଼ା ରେକର୍ଡ, ମଣ୍ଡି ଖୋଲିବାର ପ୍ରଥମ ଦିନରେ ଉଠିଲାନି ବସ୍ତାଟିଏ ବି ଧାନ

କନକ ବ୍ୟୁରୋ :  ପ୍ରଥମ ଦିନରେ ଧାନ କିଣା ଶୂନ। ଓଡ଼ିଶା ଇତିହାସରେ ଅଲୋଡ଼ା ରେକର୍ଡ। ମଣ୍ଡି ଖୋଲିବାର ପ୍ରଥମ ଦିନରେ ଧାନ କିଣାବିକା ବିଲକୁଲ୍‌ ହେଲାନାହିଁ। ପ୍ରଥମ ଦିନରୁ ମଣ୍ଡିରେ ଅଚଳବସ୍ଥା। ପୂର୍ଵ ବର୍ଷ ଗୁଡ଼ିକରେ ପ୍ରଥମ ଦିନରେ ଲକ୍ଷାଧିକ ବସ୍ତା ଧାନ କିଣାଯାଉଥିଲା। କିନ୍ତୁ ଚଳିତ ବର୍ଷ ଗୋଟିଏ ବସ୍ତା ଧାନ ବିକି ନାହାନ୍ତି ଚାଷୀ। ଏପଟେ ଜିଲ୍ଲା ପ୍ରଶାସନ ଓ ଚାଷୀ ମୁହାଁମୁହିଁ ହୋଇଛନ୍ତି । ଆଜି ଦିନ ୧୧ଟା ପର୍ଯ୍ୟନ୍ତ  ସ୍ଥିତି ନସୁଧୁରିଲେ ଅର୍ଥନୈତିକ ଅବରୋଧ କରିବେ ବୋଲି ଚେତାବନୀ ଦେଇଛନ୍ତି ସମ୍ବଲପୁର ଚାଷୀ। ଏପଟେ ଜିଲ୍ଲା ପ୍ରଶାସନ ସହ ଘନଘନ ବୈଠକ ପରେ ମଧ୍ୟ ଚୁକ୍ତି ସ୍ଵାକ୍ଷର କରୁନାହାନ୍ତି ମିଲର । ଆଶ୍ଚର୍ଯ୍ୟର କଥା  କଥା ଏତେ ସମସ୍ୟା ଭିତରେ ଧାନ କିଣା ଠପ ରହିଛି, ଆଉ ମନ୍ତ୍ରୀ କହୁଛନ୍ତି ସବୁ କିଛି ଠିକ୍‌ଠାକ୍‌ ଚାଲିଛି ।

ଅଧିକ ପଢ଼ନ୍ତୁ :ବିଧାନସଭାରେ ଉଠିଲା ମଣ୍ଡି ପ୍ରସଙ୍ଗ ; ବିଜେଡି କହିଲା ଧାନ ନଉଠାଇଲେ ସ୍ଥିତି ଭୟଙ୍କର ହେବ

ସେପଟେ ଏହାକୁ ନେଇ ଗତକାଲି ବିଧାନସଭାରେ ଶାସକ ବିରୋଧୀ ମୁହାଁମୁହିଁ ହୋଇଛନ୍ତି । ବହୁ ଅପେକ୍ଷା ପରେ ବରଗଡ଼ ଓ ସମ୍ବଲପୁରରେ ଖୋଲିଛି ମଣ୍ଡି । ହେଲେ ବରଗଡ଼ ଜିଲ୍ଳାରେ  ଏଯାଏଁ ଚାଷୀଙ୍କୁ ମିଳିନି ଟୋକନ । ସେପଟେ ସମ୍ବଲପୁରରେ ମିଲରଙ୍କ ସହ ଚୁକ୍ତି ହୋଇନାହିଁ । ଏଭଳି ସ୍ଥିତିରେ ଧାନ ବିକିବାକୁ ନେଇ ଚାଷୀ ଦ୍ବନ୍ଦ୍ବରେ ପଡିଛନ୍ତି । ଏପଟେ ବିଧାନସଭାରେ ମଣ୍ଡି ପ୍ରସଙ୍ଗକୁ ନେଇ ମୁହାଁମୁହିଁ ହୋଇଛନ୍ତି ଶାସକ ବିରୋଧୀ। 
ଅଧିକ ପଢ଼ନ୍ତୁ :   ବରଗଡ଼ ଓ ସମ୍ବଲପୁର ଜିଲ୍ଲାରେ ଆଜି ଖୋଲିବ ଧାନ ମଣ୍ଡି : ହେଲେ ଚାଷୀଙ୍କୁ ମିଳିନି ଏ ଯାଏଁ ଟୋକନ୍

ଓଡ଼ିଶାର ଭାତ ହାଣ୍ଡି କୁହାଯାଉଥିବା ବରଗଡ଼ ଜିଲ୍ଲାରେ ଆନୁଷ୍ଠାନିକ ଭାବେ ଖୋଲିଛି ମଣ୍ଡି  । ସମ୍ବଲପୁରରେ ବି ଆଜିଠୁ ମଣ୍ଡି ଖୋଲିଛି । ମଣ୍ଡି ଖୋଲିବା ପରେ ଚାଷୀ ଉତ୍ସାହିତ । ବିକିବା ପାଇଁ ଟ୍ରାକ୍ଟରରେ ଧାନ ଲଦି ମାର୍କେଟ ୟାର୍ଡକୁ ଆଣିଛନ୍ତି । କିନ୍ତୁ ଉଭୟ ଜିଲ୍ଲାରେ ବହୁ ଚାଷୀଙ୍କୁ ଏବେ ବି ଟୋକନ ମିଳିନି । ସେହିପରି ଚାଷୀଙ୍କ ଚୁକ୍ତି ହୋଇନଥିବାରୁ, ଧାନ କିଏ  କିଣିବ? ସେ ନେଇ ସୃଷ୍ଟି ହୋଇଛି ଦ୍ବନ୍ଦ୍ବ । 
ଅଧିକ ପଢ଼ନ୍ତୁ :   ଧର୍ମଗଡ଼ରେ ମଣ୍ଡି ଖୋଲିବାରେ ବିଳମ୍ବ ; ମାତିଲେଣି ଦଲାଲ,ଚିନ୍ତାରେ ଚାଷୀ 

 ବିଧାନସଭାରେ ଉଠିଛି ଏହି ପ୍ରସଙ୍ଗ। ମୁହାଁମୁହିଁ ହୋଇଛନ୍ତି ଶାସକ ବିରୋଧୀ। ଗୃହରେ ରାଜ୍ୟ ସରକାରଙ୍କୁ ଚେତାବନୀ ଦେଇଛି ବିଜେଡି । କଂଗ୍ରେସ ବି ସମାଲୋଚନା କରିଛି । ଅନ୍ୟପଟେ ଅଭିଯୋଗକୁ ଖଣ୍ଡନ କରିବା ସହ ଧାନ କିଣା ଆରମ୍ଭ ହୋଇଛି ବୋଲି କହିଛନ୍ତି ସମବାୟ ମନ୍ତ୍ରୀ । 

ଅଧିକ ପଢ଼ନ୍ତୁ :   ପଞ୍ଜୀକରଣ ନୀତିକୁ ନେଇ ତାତିଲେଣି ଚାଷୀ : ମନାଇବାକୁ ସରକାରଙ୍କ ଆଦର୍ଶ ମଣ୍ଡି ଭେଟି

ରାଜ୍ୟର ପାଖାପାଖି ୨୦ଲକ୍ଷ ଚାଷୀ ପଞ୍ଜୀକରଣ କରି ଧାନ ବିକିବାକୁ ଅପେକ୍ଷା କରିଛନ୍ତି । କିନ୍ତୁ ଏବେ ବି ୨୮ ଜିଲ୍ଲାରେ ମଣ୍ଡି ଖୋଲି ନଥିବାରୁ ଚିନ୍ତାରେ ପଡିଛନ୍ତି ।