ଦୁର୍ଗାପୁରରେ ଓଡ଼ିଆ ଛାତ୍ରୀଙ୍କୁ ଗଣଦୁଷ୍କର୍ମ ମାମଲା : ୬ ଅଭିଯୁକ୍ତଙ୍କୁ କୋର୍ଟରେ ହାଜର କଲା ପୁଲିସ

କନକବ୍ୟୁରୋ : ପଶ୍ଚିମବଙ୍ଗ ଦୁର୍ଗାପୁରରେ ଓଡ଼ିଆ ମେଡ଼ିକାଲ ଛାତ୍ରୀଙ୍କୁ ଗଣଦୁଷ୍କର୍ମ ମାମଲା ।  ଆଜି ଗିରଫ ୬ ଅଭିଯୁକ୍ତଙ୍କୁ କୋର୍ଟରେ ହାଜର କରିଛି ପୁଲିସ୍  ।  ଗତକାଲି କୋର୍ଟରେ ଚାର୍ଜସିଟ୍‌ ଦାଖଲ କରିଥିଲା ପୁଲିସ୍ ।  ଟିଆଇ ପରେଡ୍‌ର ରିପୋର୍ଟ ମଧ୍ୟ ଦାଖଲ କରାଯାଇଛି  । ଗତ ୧୦ ତାରିଖରେ ଦୁର୍ଗାପୁରର ଏକ ଘରୋଇ ମେଡିକାଲ କଲେଜରେ ଓଡ଼ିଆ ଡାକ୍ତରୀ ଛାତ୍ରୀଙ୍କୁ ଗଣଦୁଷ୍କର୍ମ କରାଯାଇଥିଲା ।  ଜଳେଶ୍ଵର ଅଞ୍ଚଳର ଓଡ଼ିଆ ଛାତ୍ରୀଙ୍କୁ ଗଣଦୁଷ୍କର୍ମ ପରେ ଗୁରୁତର ଅବସ୍ଥାରେ ତାଙ୍କୁ ମେଡିକାଲର ଭର୍ତ୍ତି କରାଯାଇଥିଲା । ଏହି ମାମଲାରେ ପୁଲିସ ମୁଖ୍ୟ ଅଭିଯୁକ୍ତ ତଥା ଯୁବତୀଙ୍କ ପୁରୁଷ ବନ୍ଧୁ ଏବଂ ଅନ୍ୟ ୫ ସହଯୋଗୀଙ୍କୁ ଗିରଫ କରିଥିବା କୋଲକାତା ପୁଲିସ ।  

ସୂଚନାଯୋଗ୍ୟ, ଓଡ଼ିଶାର ଜଳେଶ୍ୱରର  ଦ୍ୱିତୀୟ ବର୍ଷର ଛାତ୍ରୀ ଦୁର୍ଗାପୁରର ଏକ ଘରୋଇ ମେଡିକାଲ କଲେଜରେ ଏମବିବିଏସ ପାଠ୍ୟକ୍ରମ ପଢୁଛନ୍ତି। ଶୁକ୍ରବାର ରାତିରେ ସେ ଜଣେ ପୁରୁଷ ବନ୍ଧୁଙ୍କ ସହ ବାହାରକୁ ଯାଇଥିବା ବେଳେ କିଛି ଲୋକ ସେମାନଙ୍କ ପାଖକୁ ଆସିଥିଲେ। ସେମାନେ ତାଙ୍କୁ ବଳପୂର୍ବକ ଏକ ନିର୍ଜନ ସ୍ଥାନକୁ ନେଇଯାଇ ଗଣଦୁଷ୍କର୍ମ କରିଥିଲେ।
ଏହି ଘଟଣାରେ ଛାତ୍ରୀଙ୍କ ବାପା ମର୍ମାହତ ହୋଇ କହିଛନ୍ତି ଯେ, ସେ ତାଙ୍କୁ ଓଡ଼ିଶା ଫେରାଇ ଆଣିବେ ଏବଂ ପଶ୍ଚିମବଙ୍ଗରେ ତାଙ୍କ ସୁରକ୍ଷା ବିଷୟରେ ସେ ଚିନ୍ତିତ।
ମୋ ଝିଅ ଯନ୍ତ୍ରଣାରେ ଛଟପଟ ହେଉଛି। ସେ ଏବେ ଚାଲିପାରୁନାହିଁ  ।

କେବେ ଭାରତୀୟ କ୍ରିକେଟ୍ ଟିମର ଥିଲେ ଅଧିନାୟକ, ଆଜି ମନ୍ତ୍ରୀ ଭାବେ ନେଲେ ଶପଥ

ଅଧିକ ପଢନ୍ତୁ ..... 

 ସେ ଶଯ୍ୟାଶାୟୀ। ମୁଁ ଏଠାରେ ତା'ର ସୁରକ୍ଷା ବିଷୟରେ ଚିନ୍ତିତ। ସେମାନେ ତାକୁ ଯେକୌଣସି ମୁହୂର୍ତ୍ତରେ ମାରିପାରନ୍ତି। ସେଥିପାଇଁ ଆମେ ତାକୁ ଓଡ଼ିଶା ଫେରାଇ ନେବାକୁ ଚାହୁଁଛୁ। ମୁଁ ବିଶ୍ୱାସ ହରାଇଛି। ଆମେ ଚାହୁଁନାହୁଁ ଯେ, ସେ ପଶ୍ଚିମବଙ୍ଗରେ ରହୁ। ସେ ଓଡ଼ିଶାରେ ତା'ର ଶିକ୍ଷା ଗ୍ରହଣ କରିବ। ମୋ ହୃଦୟ ଭାଙ୍ଗିଯାଇଥିବା ତାଙ୍କ ବାପା କହିଛନ୍ତି।
ସେ କହିଛନ୍ତି, ଓଡ଼ିଶାର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ତାଙ୍କ ସହିତ ଯୋଗାଯୋଗ କରିଛନ୍ତି। ଓଡ଼ିଶା ମୁଖ୍ୟମନ୍ତ୍ରୀ ମୋ ସହିତ କଥା ହୋଇଛନ୍ତି । ପ୍ରଶାସନ ଆମକୁ ସାହାଯ୍ୟ କରୁଛି। ମୋ ଝିଅକୁ ଓଡ଼ିଶା ମେଡିକାଲ କଲେଜରେ ପ୍ରବେଶ କରାଇବାକୁ ମୁଁ ଅନୁରୋଧ କରିଛି । 

ରାୟଗଡ଼ା ଉତ୍କଳ ଗୌରବ ମଧୁସୂଦନ ବୈଷୟିକ ଶିକ୍ଷାନୁଷ୍ଠାନରେ ଛାତ୍ରୀଙ୍କୁ ଅସଦାଚରଣ : ପୀଡ଼ିତା ଛାତ୍ରୀଙ୍କୁ ଜିଲ୍ଲପାଳଙ୍କୁ କାର୍ଯ୍ୟାଳୟକୁ ନେଲାବେଲେ ପୁଲିସ ସହ ଧସ୍ତାଧସ୍ତି

ଅଧିକ ପଢନ୍ତୁ .... 

ଏହି ଅପରାଧରେ ସମ୍ପୃକ୍ତ ତିନି ଜଣଙ୍କୁ ଗିରଫ କରାଯାଇଛି ଏବଂ ଜଣଙ୍କୁ ଅଟକ ରଖାଯାଇଛି। ଗିରଫ ତିନି ଜଣଙ୍କୁ ଆପୁ ବାଉରୀ (୨୧), ଫିରଦୋସ ସେଖ (୨୩) ଏବଂ ସେଖ ରିଆଜୁଦ୍ଦିନ (୩୧) ବୋଲି ଚିହ୍ନଟ କରାଯାଇଛି। ପୁରୁଷ ବନ୍ଧୁ ମଧ୍ୟ ତଦନ୍ତ ଅଧୀନରେ ଅଛନ୍ତି ବୋଲି ପୁଲିସ ସୂତ୍ରରୁ ଜଣାପଡିଛି । ପଶ୍ଚିମବଙ୍ଗ ପୁଲିସ ଏହି ଘଟଣା ପାଇଁ "ଗମ୍ଭୀର ଭାବରେ ଦୁଃଖିତ" ବୋଲି କହିଛି ଏବଂ ଦୋଷୀମାନେ ଦଣ୍ଡରୁ ମୁକ୍ତ ହେବେ ନାହିଁ ବୋଲି ଆଶ୍ୱାସନା ଦେଇଛି ।  ପୀଡ଼ିତାଙ୍କର ଯନ୍ତ୍ରଣା  ଓଡ଼ିଶାର ପରି ଆମର ମଧ୍ୟ, ଏବଂ ଆମେ ଅପରାଧୀମାନଙ୍କୁ ଦଣ୍ଡ ଦେବା ପାଇଁ ସମସ୍ତ ପଦକ୍ଷେପ ଗ୍ରହଣ କରିବୁ ବୋଲି ପଶ୍ଚିମବଙ୍ଗ ପୁଲିସ ପକ୍ଷରୁ ଏକ୍ସରେ କୁହାଯାଇଛି । 

କ୍ୟାମେରା ଦେଖିଲା ବାଇକ୍ ଚୋରି: ୧୩ଦିନରେ ୩ଟି ବାଇକ୍ ଚୋରି

ଅଧିକ ପଢନ୍ତୁ .... 

ଓଡ଼ିଶା ମୁଖ୍ୟମନ୍ତ୍ରୀ  ଏହି ଘଟଣାକୁ "ଅତ୍ୟନ୍ତ ନିନ୍ଦନୀୟ ଏବଂ ଯନ୍ତ୍ରଣାଦାୟକ" ବୋଲି କହିଥିଲେ  । ଆଇନ ଅନୁଯାୟୀ ଅଭିଯୁକ୍ତଙ୍କ ବିରୁଦ୍ଧରେ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ମୁଁ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ସେ ଅନୁରୋଧ କରିଛନ୍ତି ।  ପଶ୍ଚିମବଙ୍ଗ ସରକାରଙ୍କ ସହିତ ଯୋଗାଯୋଗ କରି ଆବଶ୍ୟକ ପଦକ୍ଷେପ ନେବାକୁ ସେ ବରିଷ୍ଠ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି ।    ପୀଡିତାଙ୍କ ପରିବାରକୁ ଓଡ଼ିଶା ସରକାର ସମସ୍ତ ପ୍ରକାର ସହାୟତା ଯୋଗାଇ ଦେବେ ବୋଲି ମୁଖ୍ୟମନ୍ତ୍ରୀ କହିଛନ୍ତି ।  ସୂଚନାଯୋଗ୍ୟ , ଦୁର୍ଗାପୁରର ଏହି ଘଟଣା କୋଲକାତାର ଆରଜି କର ମେଡିକାଲ କଲେଜ ଏବଂ ହସ୍ପିଟାଲରେ ଜଣେ ଡାକ୍ତରଙ୍କୁ ନିର୍ମମ ଦୁଷ୍କର୍ମ ଏବଂ ହତ୍ୟା ଘଟଣାର ଗୋଟିଏ  ବର୍ଷ ପରେ ଏବଂ କୋଲକାତାର ଏକ ଆଇନ କଲେଜରେ ଜଣେ ଛାତ୍ରୀଙ୍କୁ ଦୁଷ୍କର୍ମ କରାଯିବାର ମାସକ ପରେ ଘଟିଛି ।