/kanak/media/agency_attachments/2024-07-23t061209958z-vpn68eiq1eknckql8r0y.jpg)
/kanak/media/media_files/2025/11/05/road-2025-11-05-20-29-39.jpg)
କନକ ବ୍ୟୁରୋ : ଦିନକ ପରେ କମ୍ପିବ ଭୁବନେଶ୍ବର । ମଞ୍ଚ ପ୍ରସ୍ତୁତ, ଆତିଥେୟତା ପାଇଁ ସରକାର ତତ୍ପର । ସଜେଇ ହେଲାଣି ପୂରା ରାଜଧାନୀ । ଦୀର୍ଘବର୍ଷ ପରେ ଓଡ଼ିଶା ୮୪ତମ ଜାତୀୟ ରୋଡ କଂଗ୍ରେସର ଆୟୋଜକ ସାଜିଛି । କେନ୍ଦ୍ର ସଡ଼କ ପରିବହନ ମନ୍ତ୍ରୀ ନୀତିନ ଗଡକରୀଙ୍କ ଠାରୁ ଆରମ୍ଭ କରି କେନ୍ଦ୍ର ଅଧିକାରୀ, ବିଶେଷଜ୍ଞ, ଇଞ୍ଜିନିୟର ଗୋଟିଏ ମଞ୍ଚରେ ବସି ସଡ଼କ ଭିତ୍ତିଭୂମି ନେଇ ମାନସମନ୍ଥନ କରିବେ । ସାଢେ ୩ ହଜାରରୁ ଅଧିକ ପ୍ରତିନିଧି ଏହି କାର୍ଯ୍ୟକ୍ରମରେ ସାମିଲ ହେବେ । ନଭେମ୍ବର ୬ରୁ ୧୦ ତାରିଖ ଯାଏଁ ସଡ଼କ ପରିବହନ ସଂକ୍ରାନ୍ତରେ ପର୍ଯ୍ୟାୟକ୍ରମେ ଆଲୋଚନା ହେବ ।
୫ ଦିନ ଧରି ରୋଡ କଂଗ୍ରେସ ମହାକୁମ୍ଭରେ ବିଭିନ୍ନ କାର୍ଯ୍ୟକ୍ରମ ରହିଛି । ୬ରେ ବୈଷୟିକ ପ୍ରଦର୍ଶନୀ, ୭ରେ ରୋଡ କଂଗ୍ରେସର ପରିଷଦ ବୈଠକ, ୮ରେ ରାଜପଥ ଗବେଷଣା ବୋର୍ଡ ବୈଠକ, ୯ରେ ବ୍ୟବସାୟିକ ବୈଠକ, ୧୦ ତାରିଖରେ ଉଦଯାପନୀ ଉତ୍ସବ । ପ୍ରତିନିଧିଙ୍କ ସହ ସ୍ବତନ୍ତ୍ର ଅଧିବେଶନ ଜରିଆରେ ରୋଡ କଂଗ୍ରେସର ଭବିଷ୍ୟତକୁ ନେଇ ନକ୍ସା ଅଙ୍କାଯିବ । ସଡ଼କ ପରିବହନରେ ବୈଷୟିକ ଜ୍ଞାନ କୌଶଳର ବ୍ୟବହାର ଉପରେ ହେବ ତର୍ଜମା । ସଡକ ସମ୍ବନ୍ଧୀୟ ସମସ୍ୟା ଓ ଏହାର ସମାଧାନ ଦିଗରେ ନୀତି ପ୍ରସ୍ତୁତ ହେବ ।
୨୦୧୫ରେ ଓଡ଼ିଶାରେ ଶେଷଥର ପାଇଁ ଜାତୀୟ ରୋଡ କଂଗ୍ରେସର ବୈଠକ ହୋଇଥିଲା । ଦୀର୍ଘ ୧୦ ବର୍ଷ ପରେ ପୁଣିଥରେ ଓଡ଼ିଶା ମାଟିରୁ ପୂରା ଦେଶର ସଡ଼କ ସମସ୍ୟାର ସମାଧାନ ପାଇଁ ପ୍ରସ୍ତୁତ ହେବ ବ୍ଲୁ-ପ୍ରିଣ୍ଟ ।
ପରମ୍ପରା ନାଁରେ ପ୍ରଦୂଷଣ, ଚେତୁନାହାନ୍ତି ଲୋକ
ପ୍ରତିବର୍ଷ ରୋଡ କଂଗ୍ରେସର ବୈଠକ ବସୁଛି । ସଡ଼କ ପରିବହନ କ୍ଷେତ୍ରକୁ ଉନ୍ନତ ଓ ସୁଦୃଢ କରିବାକୁ ନିଷ୍ପତ୍ତି ହେଉଛି । ହେଲେ ବୈଠକର ବାସ୍ତବତା ୧୬ ନମ୍ବର ଜାତୀୟ ରାଜପଥ ବଖାଣୁଛି ।