ଟ୍ରେନ୍ ଧକ୍କାରେ ଚାଲିଗଲା ହାତୀର ଜୀବନ,  ରେଳ ଧାରଣା ଅତିକ୍ରମ କରୁଥିବା ବେଳେ ଧକ୍କା ଦେଇଥିଲା ସାଲିମାର ଏକ୍ସପ୍ରେସ

ମୟୂରଭଞ୍ଜ ଜିଲ୍ଲା ବୈଶିଙ୍ଗା ଥାନା ୧୮ ନମ୍ବର ଜାତୀୟ ରାଜପଥ ନିକଟରେ ଅଭାବନୀୟ ଘଟଣା ।

Elephant death

Elephant death Photograph: (KanaKnews)

କନକ ବ୍ୟୁରୋ: ଟ୍ରେନ ଧକ୍କାରେ ଚାଲିଗଲା ଦନ୍ତା ହାତୀର ଜୀବନ । ମୟୂରଭଞ୍ଜ ଜିଲ୍ଲା ବେତନଟୀ ରେଞ୍ଜ ତଥା ବୈଶିଙ୍ଗା ଥାନା ୧୮ ନମ୍ବର ଜାତୀୟ ରାଜପଥ ନିକଟରେ ଘଟିଛି ଅଭାବନୀୟ ଘଟଣା । ହାତୀଟି ରେଳ ଧାରଣା ପାର କରୁଥିବା ବେଳେ ସାଲିମାର ଏକ୍ସପ୍ରେସ ଦେଇଥିଲା ଧକ୍କା । ହାତୀଟି ଛିଟକି ପଡ଼ିଥିବା ବେଳେ ଘଟଣାସ୍ଥଳରେ ତା’ର ମୃତ୍ୟୁ ଘଟିଛି। ସୂଚନା ଅନୁସାରେ, ବେତନଟୀ ରେଞ୍ଜରେ ବିଭିନ୍ନ ସ୍ଥାନରେ ୨୦ରୁ ଅଧିକ ଝାଡ଼ଖଣ୍ଡି ହାତୀ ବିଚରଣ କରୁଥିବାବେଳେ ସେଥି ମଧ୍ୟରୁ ଏକ ଗୋଠ ଛଡା ଦନ୍ତା ହାତୀ ସନ୍ଧ୍ୟାରେ ଜଙ୍ଗଲରୁ ବାହାରି ଚାଷ ଜମିରେ ବୁଲୁବୁଲୁ ଗ୍ରାମ ପାର୍ଶ୍ୱବର୍ତ୍ତୀ ହୋଇଥିଲା l

ପୁଣି ଏକ ଦନ୍ତା ହାତୀ ମୃତ୍ୟୁ । ବିସ୍ଫୋଟକ ଖାଇ ମୃତ୍ୟୁ ଘଟିଥିବା ସନ୍ଦେହ ।

 ତେବେ ରାତି ପ୍ରାୟ ୧୧ଟା ୩୦ମିନିଟରେ ଦନ୍ତା ଶ୍ରବଣା ଗ୍ରାମ ଆଡୁ ଆସି ଆଗ୍ରିଆ ରେଲୱେ ଫାଟକ ନିକଟରେ ରେଳ ଧାରଣା ଅତିକ୍ରମ କରୁଥିବାବେଳେ ହଠାତ୍ ସାଲିମାରରୁ ବାରିପଦା ଅଭିମୁଖେ ଯାଉଥିବା ଦ୍ରୁତଗାମୀ ସାଲିମାର ଏକ୍ସପ୍ରେସ ସମ୍ମୁଖରେ ପଡିଯାଇଥିଲା ଓ ହାତୀକୁ ଶକ୍ତ ଧକ୍କା ଦେଇଥିଲା l ତେବେ ଘଟଣା ସ୍ଥଳରେ ହିଁ ହାତୀଟି ଜୀବନ ହାରି ଦେଇଥିଲା l ଅନ୍ୟପଟେ ଦୁର୍ଘଟଣା ପାଇଁ ଟ୍ରେନ କିଛି ସମୟ ଅଟକି ଥିଲା l ଖବର ପାଇ ବନବିଭାଗର କର୍ମଚାରୀ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି l

ପାଟିରେ ଫୁଟିଥିଲା ବୋମା, ଦୀର୍ଘଦିନ ଚିକିତ୍ସିତ ହେବା ପରେ ଭରତପୁର ଜଙ୍ଗଲରେ ଆଖି ବୁଜିଲା ଦନ୍ତା ହାତୀ ।

ସମ୍ବନ୍ଧୀୟ ପ୍ରବନ୍ଧଗୁଡ଼ିକ
Here are a few more articles:
ପରବର୍ତ୍ତୀ ପ୍ରବନ୍ଧ ପ Read ଼ନ୍ତୁ
Subscribe