ସ୍କୁଲ ୟୁନିଫର୍ମ ବଣ୍ଟନରେ ଅବହେଳା ନେଇ କାର୍ଯ୍ୟାନୁଷ୍ଠାନ, ୮ ବିଇଓ ଓ ୨୩୭ ପ୍ରଧାନଶିକ୍ଷକଙ୍କ ଦରମା ବନ୍ଦ

କନକ ବ୍ୟୁରୋ : ସ୍କୁଲ ୟୁନିଫର୍ମ ବଣ୍ଟନରେ ଅବହେଳା, ବାଜିଲା ଛାଟ। ଖୋର୍ଦ୍ଧା ଜିଲ୍ଲାର ୮ ବିଇଓ ଏବଂ ୨୩୭ ପ୍ରଧାନଶିକ୍ଷକଙ୍କ ଦରମା ବନ୍ଦ ପାଇଁ ନିର୍ଦ୍ଦେଶ ଦେଇଛନ୍ତି ଜିଲ୍ଲା ଶିକ୍ଷା ଅଧିକାରୀ ବା ଡିଇଓ । ୟୁନିଫର୍ମ ନଦେବା ପର୍ଯ୍ୟନ୍ତ  ଦରମା ବନ୍ଦ ରହିବ । କନକ ନ୍ୟୁଜରେ ପ୍ରଥମେ ଏନେଇ ଖବର ପ୍ରସାରଣ ହୋଇଥିଲା। ଏହାପରେ ଏଭଳି ପଦକ୍ଷେପ ନେଇଛନ୍ତି ଖୋର୍ଦ୍ଧା ଡିଇଓ। ଜିଲ୍ଲାର ସମସ୍ତ ବ୍ଲକ ଶିକ୍ଷା ଅଧିକାରୀଙ୍କୁ ତୁରନ୍ତ ସ୍କୁଲ ୟୁନିଫର୍ମ ଯୋଗାଇ ଦେବାକୁ ଚିଠି କରିଛନ୍ତି। ୟୁନିଫର୍ମ ନଦେବା ପର୍ଯ୍ୟନ୍ତ  ଦରମା ବନ୍ଦ ରହିବ ବୋଲି ସ୍ପଷ୍ଟ ଭାବେ ଚିଠିରେ ଉଲ୍ଲେଖ ରହିଛି ।

ଖବର ବାଜିଲା ନିର୍ଦ୍ଦେଶ ଆସିଲା, ସ୍କୁଲ୍ ଛାତ୍ରଛାତ୍ରୀଙ୍କୁ ତୁରନ୍ତ ୟୁନିଫର୍ମ ଦେବାକୁ ନିର୍ଦ୍ଦେଶ

ସ୍କୁଲ୍ ପିଲାଙ୍କୁ ୟୁନିଫର୍ମ ନମିଳିବା ନେଇ କନକ ନ୍ୟୁଜରେ ଖବର ପ୍ରସାରଣ  ହୋଇଥିଲା । ଏହାପରେ ବିଭାଗୀୟ ଅଧିକାରୀ ଆକ୍ସନମୋଡ଼କୁ ଆସିଛନ୍ତି । ଜୋରସୋରରେ ଚାଲିଛି ପୋଷାକ ବଣ୍ଟନ । ତଥାପି ୫୦ ପ୍ରତିଶତ ଟଙ୍କା ଖର୍ଚ୍ଚ ହୋଇପାରିନି । ଅନ୍ୟପଟେ କଣ ପାଇଁ ଏ ସ୍ଥିତି ଉପୁଜିଲା ତାର ଗୁମର ଖୋଲିଛନ୍ତି ଭେଣ୍ଡର ।

ଛାତ୍ରଛାତ୍ରୀଙ୍କୁ ୟୁନିଫର୍ମ ଦେବାକୁ ଟଙ୍କା ଦେଇଥିଲେ ସରକାର; ଏଯାଏଁ ଲକ୍ଷ ଲକ୍ଷ ଛାତ୍ରଛାତ୍ରୀଙ୍କୁ ମିଳିନି ପୋଷାକ

ବାଲେଶ୍ବରକୁ ୟୁନିଫର୍ମ ପାଇଁ ଆସିଥିଲା ୧୩ କୋଟିରୁ ଅଧିକ ଟଙ୍କା । ଟେଣ୍ଡର ମଧ୍ୟ ଅନେକ ଦିନରୁ ହେଲାଣି । କିନ୍ତୁ ଶିକ୍ଷା ବର୍ଷ ସରିବାକୁ ବସିଥିବା ବେଳେ ବଣ୍ଟାଯାଇନଥିଲା ଡ୍ରେସ୍ । କନକ ନ୍ୟୁଜରେ ଖବର ବାଜିବା ପରେ ଆକ୍ସନ ମୋଡ୍‌କୁ ଆସିଛି ଜିଲ୍ଲା ଶିକ୍ଷା ବିଭାଗ। ଯୁଦ୍ଧକାଳୀନ ଭିତ୍ତିରେ ଡ୍ରେସ୍ ବଣ୍ଟା ଚାଲିଛି । ତଥାପି ପୋଷାକ ବଣ୍ଟନ ପାଇଁ ଆସିଥିବା ଅର୍ଥର ୫୦ ପ୍ରତିଶତ ବି ଖର୍ଚ୍ଚ ହୋଇପାରିନି । 

ସ୍କୁଲ ପିଲାଙ୍କୁ ଧାର୍ଯ୍ୟ ସମୟରେ ୟୁନିଫର୍ମ ନମିଳିବା ପ୍ରସଙ୍ଗ, କନକ ନ୍ୟୁଜରେ ଖବର ପ୍ରସାରଣ ପରେ ଆକ୍ସନ ମୋଡ଼ରେ ପ୍ରଶାସନ

 ଏପଟେ ଭେଣ୍ଡରଙ୍କ କହିବା କଥା ସମୟ କମ୍ ଦିଆଯାଇଛି । ୫ ଶହ ଟଙ୍କାରେ ଦୁଇଟି ଡ୍ରେସ୍, ତା ସାଙ୍ଗକୁ ସବୁଠି ତ ଟଙ୍କା ମାଗୁଛନ୍ତି, କାମ କେମିତି କରିବୁ । ଅନ୍ୟପଟେ ଡ୍ରେସ୍ ବଣ୍ଟନରେ ବିଳମ୍ବର କାରଣ ଖୋଜିବାକୁ ପ୍ରଶାସନ ତଦନ୍ତ କରିବ ବୋଲି ଏଡିଏମ୍‌ କହିଛନ୍ତି ।

ମନ୍ଦିର ଆଗରୁ ସୁନା ଚେନ୍‌ ଝାମ୍ପିନେଲେ; ସିସିଟିଭିରେ କଏଦ୍‌ ଲୁଟେରାଙ୍କ ଗତିବିଧି

ସ୍କୁଲ ଛାତ୍ରଛାତ୍ରୀଙ୍କୁ କାହିଁକି ଆଜିଯାଏଁ ୟୁନିଫର୍ମ ମିଳୁନି ବୋଲି କନକ ନ୍ୟୁଜରେ ବାରମ୍ବାର ଖବର ପ୍ରସାରଣ ପରେ ସରକାରଙ୍କ ନିଦ ଭାଙ୍ଗିଛି । ତୁରନ୍ତ ଛାତ୍ରଛାତ୍ରୀଙ୍କୁ ଡ୍ରେସ ଦେବାକୁ କଡ଼ା ନିର୍ଦ୍ଦେଶ ଦେଇଛନ୍ତି ସ୍କୁଲ ଓ ଗଣଶିକ୍ଷା ବିଭାଗ ସଚିବ ଏନ.ତିରୁମାଲା ନାୟକ । ଯେତେ ଶୀଘ୍ର ସମ୍ଭବ ୟୁନିଫର୍ମ ଦେବାକୁ ଜିଲ୍ଲା ଶିକ୍ଷା ଅଧିକାରୀଙ୍କୁ ନିର୍ଦ୍ଦେଶ ଦେଇଛି ବିଭାଗ ।

 
ସ୍କୁଲ ଛାତ୍ରଛାତ୍ରୀଙ୍କୁ ତୁରନ୍ତ ଡ୍ରେସ ଦେବାକୁ ଗତ ଜୁନ୍ ମାସରେ ଡିଇଓ ମାନଙ୍କୁ ଚିଠି ହୋଇଥିଲା । ଜୁଲାଇ ୧୫ ତାରିଖ ସୁଦ୍ଧା ୟୁନିଫର୍ମ ଯୋଗାଇବାକୁ ଚିଠି କରାଯାଇଥିଲା । କିନ୍ତୁ ଆଜିଯାଏଁ କାହିଁକି ୟୁନିଫର୍ମ ମିଳିନି ବୋଲି ଗତ ୨ ଦିନ ଧରି ଖବର ପ୍ରସାରଣ ହୋଇଥିଲା । ବିଶେଷ କରି ମାଟ୍ରିକ ଛାତ୍ରଛାତ୍ରୀଙ୍କୁ କାହିଁକି ୟୁନିଫର୍ମ ମିଳିନି ବୋଲି ଆମେ ଦେଖାଇଥିଲୁ ।