ମନ୍ଦିର ଆଗରୁ ସୁନା ଚେନ୍‌ ଝାମ୍ପିନେଲେ; ସିସିଟିଭିରେ କଏଦ୍‌ ଲୁଟେରାଙ୍କ ଗତିବିଧି

କନକ ବ୍ୟୁରୋ : ମନ୍ଦିର ଆଗରୁ ସୁନାଚେନ୍‌ ଝାମ୍ପିନେଲେ ଲୁଟେରା । ସିସିଟିଭିରେ କଏଦ୍‌ ହୋଇଛି ଲୁଟେରାଙ୍କ ଗତିବିଧି । ଭୁବନେଶ୍ୱର ଉପକଣ୍ଠ ବାଲିପାଟଣାରେ ଏହି ଛିନତାଇ ହୋଇଛି । ବନମାଳୀପୁର ଫାଣ୍ଡି ଅନ୍ତର୍ଗତ ଆମେଣେଇ ମନ୍ଦିର ନିକଟରେ ମହିଳାଙ୍କ ନିକଟରୁ ଝାମ୍ପି ନେଇଛନ୍ତି ସୁନା ଚେନ୍‌ । ଆଜି ସକାଳେ ସନ୍ଧ୍ୟାରାଣୀ ମହାନ୍ତି ନାମକ ମହିଳା ମନ୍ଦିରକୁ ପୂଜା କରିବାକୁ ଆସିଥିଲେ । ସେହି ସମୟରେ ଗୋଟିଏ ନାଲି ରଙ୍ଗର ବାଇକରେ ୨ ଦୁର୍ବୃତ୍ତ ଆସି ମହିଳାଙ୍କୁ ଏକାକୀ ଦେଖି ଅଟକି ଯାଇଥିଲେ । ସେମାନଙ୍କ ମଧ୍ୟରୁ ଜଣେ ଗାଡ଼ିରୁ ଓହ୍ଲାଇ ସନ୍ଧ୍ୟାରାଣୀଙ୍କ ପାଖକୁ ଆସିଥିଲେ । ସେ କିଛି ବୁଝିବା ଆଗରୁ ହଠାତ ବେକରୁ ଦେଢ଼ ଭରି ଓଜନର ସୁନା ଚେନ ଝାମ୍ପି ନେଇଥିଲେ ।

ଅଧିକ ପଢ଼ନ୍ତୁ : ବୃଦ୍ଧାଙ୍କ ମୃତ୍ୟୁ ପରେ ୨୦ ଘଣ୍ଟା ହେଲା ପଡ଼ିରହିଛି ମୃତଦେହ; ସାମାଜିକ ବାସନ୍ଦ ଉଠାଇବାକୁ ଅଡ଼ିବସିଛନ୍ତି ମୃତକଙ୍କ ପରିବାର

 ଚେନ ଝାମ୍ପିବା ପରେ ଆଖି ପିଛୁଳାକେ ବାଇକରେ ଫେରାର ହୋଇଯାଇଥିଲେ ଲୁଟେରା । ଖବର ପାଇ ବନମାଳିପୁର ଫାଣ୍ଡି ପୁଲିସ ପହଞ୍ଚି ଘଟଣାର ତଦନ୍ତ ଜାରି ରଖିଛନ୍ତି । ବାଲିପାଟଣା ଥାନା ଅଞ୍ଚଳରୁ ଗତ କିଛି ମାସ ହେବ ଅନେକ ଛିନତାଇ ହୋଇଛି । ହେଲେ ପୁଲିସ ଲୁଟେରାଙ୍କ ଟେର୍ ପାଉନି ।