‘ସୁଦର୍ଶନ’,‘ଆକାଶ’ ଟ୍ରେଲର୍ ମାତ୍ର , ଏଯାଏଁ SPYDER ଏବଂ Barak 8 ର ବଳ ଦେଖିନି ପାକିସ୍ତାନ !

ଚାଲିଲା ଶଗଡ଼ରେ ହାତ ମାରିଲା ଭଳି କାମ କରି ଭାରତ ସହ ପଙ୍ଗା ନେଇ ଏବେ ନିଜ ମୃତ୍ୟୁକୁ ନିମନ୍ତ୍ରଣ ଦେଇଛି ପାକିସ୍ତାନ । ଭାରତ ନା’ କେବଳ ଆକ୍ରମଣ କରିବାରେ ସକ୍ଷମ ଭାରତୀୟ ସେନା ପାଖରେ ମଧ୍ୟ ସୀମା ସୁରକ୍ଷା ପାଇଁ ଅତ୍ୟାଧୁନିକ ହତିଆର ଅଛି । ନିକଟରେ ହିଁ ଭାରତ ନିଜ ରକ୍ଷା କ୍ଷମତାକୁ ମଜଭୁତ କରିଛି । ଖାସ୍ କରି ଇଣ୍ଡିଆନ୍ ଏୟାର୍ ଡିଫେନ୍ସ ସିଷ୍ଟମ୍ ଏତେ ମଜଭୁତ ଯେ ବାହାର ଆକ୍ରମଣକୁ ମୁହଁ ଭଙ୍ଗା ଜବାବ ଦେଇପାରିବ । ଭାରତ ନିଜ ବାୟୁ ସୁରକ୍ଷାକୁ ମଜଭୁତ କରିବା ପାଇଁ ଋଷ୍ ଠାରୁ S-୪୦୦ ଟ୍ରାୟମ୍ଫ ଏୟାର୍ ଡିଫେନ୍ସ ସିଷ୍ଟମ୍ କିଣିଥିଲା ଯାହା ଏବେ ‘ସୁଦର୍ଶନ ଚକ୍ର’ ନାଁରେ ପରିଚିତ । ଏହି ସିଷ୍ଟମ୍ ନା’ କେବଳ ଶତ୍ରୁଙ୍କ ବିମାନକୁ ୩୮୦ କି.ମି ଦୂରରୁ ଟ୍ରାକ୍ କରି ନଷ୍ଟ କରିବାର ସାହସ ରଖେ ବରଂ ଏହାର ରାଡାର୍ ପ୍ରଣାଳୀ ଏତେ ଉନ୍ନତ ଯେ ଏହା ଷ୍ଟେଲ୍ଥ ଫାଇଟର୍ସକୁ ଚିହ୍ନିବାର ମଧ୍ୟ ସାମର୍ଥ୍ୟ ରଖେ । ଏଥିରେ ବିଭିନ୍ନ ପ୍ରକାର ରାଡାର୍ ଫ୍ରିକ୍ବେନ୍ସି ଏବଂ ଟେକନିକର ବ୍ୟବହାର କରାଯାଏ । ଯେଉଁଥିରେ F-35 ଭଳି ଅତ୍ୟାଧୁନିକ ଆମେରିକା ବିମାନକୁ ଟ୍ରାକ୍ କରିବାର ମଧ୍ୟ ସାମର୍ଥ୍ୟ ରହିଛି । ତେବେ ଭାରତ ପାଖରେ କେବଳ S-୪୦୦ ନୁହେଁ ବରଂ ଘରୋଇ ଉତ୍ପାଦନ ମଧ୍ୟ ଭାରତ ନିଜ ସ୍ଥିତିକୁ ମଜଭୁତ କରିସାରିଛି । 

‘ଆକାଶ’ ମିସାଇଲ୍ ପ୍ରଣାଳୀ ଯାହା DRDO ଦ୍ବାରା ବିକଶିତ ହୋଇଛି ଏହାର ରେଞ୍ଜ୍ ୨୫ କିଲୋମିଟର ପର୍ଯ୍ୟନ୍ତ ରହିଛି । ଯାହା ଭାରତୀୟ ବାୟୁସେନା ଦ୍ବାରା ବ୍ୟବହାର କରାଯାଏ । ଏହି ମିସାଇଲ ସବୁ ପ୍ରକାର ବିପଦକୁ ମାତ୍ ଦେବାରେ ପାରଙ୍ଗମ । ସେ ଡ୍ରୋନ୍ ଆକ୍ରମଣ ହେଉ କି ଫାଇଟର୍ ଜେଟ୍ସ , କ୍ରୁଜ୍ ମିସାଇଲ୍ ହେଉ କି ହେଲିକପ୍ଟର ମିସାଇଲ୍ ସବୁକୁ ପାଣି ପିଆଇବାର ସାହସ ରଖେ ଆକାଶ । ଏହାଛଡ଼ା, 'ବାରାକ-8' ସିଷ୍ଟମ ମଧ୍ୟ ଏକ ଗୁରୁତ୍ୱପୂର୍ଣ୍ଣ ସୁରକ୍ଷା କବଚ, ଯାହା ଭାରତ ଏବଂ ଇସ୍ରାଏଲର ମିଳିତ ଉଦ୍ୟମରେ ବିକଶିତ କରାଯାଇଛି । ଏହି MRSAM (ମିଡିୟମ ରେଞ୍ଜ ସର୍ଫେସ-ଟୁ-ଏୟାର ମିସାଇଲ) ସିଷ୍ଟମ ୭୦ କିଲୋମିଟର ପର୍ଯ୍ୟନ୍ତ ଲକ୍ଷ୍ୟକୁ ନଷ୍ଟ କରିବାରେ ସକ୍ଷମ । ନିକଟରେ ଭାରତୀୟ ସେନା ଏହି ମିସାଇଲର ସଫଳ ପରୀକ୍ଷଣ କରିଛି ଯାହା ପ୍ରମାଣିତ କରେ ଯେ ଭାରତ ପାଖରେ ଉଚ୍ଚତମ ସ୍ତରର ଏୟାର ଡିଫେନ୍ସ ଟେକ୍ନୋଲୋଜି ଉପଲବ୍ଧ ଅଛି । ଇସ୍ରାଏଲ ଦ୍ୱାରା ନିର୍ମିତ 'ସ୍ପାଇଡର' ମିସାଇଲ ସିଷ୍ଟମ ମଧ୍ୟ ଭାରତର ଶକ୍ତିକୁ ବଢ଼ାଇଥାଏ । ଏହାର ରେଞ୍ଜ ୧୫ କିଲୋମିଟର ପର୍ଯ୍ୟନ୍ତ ହୋଇଥାଏ ଏବଂ ଏହା ଶୀଘ୍ର ପ୍ରତିକ୍ରିୟା ଦେବାକୁ ସକ୍ଷମ ମିସାଇଲଗୁଡ଼ିକର ଏକ ସେଟ୍ । 'ସ୍ପାଇଡର' ପ୍ରଣାଳୀରେ ଦୁଇ ପ୍ରକାରର ମିସାଇଲ ଅଛି 'ପାଇଥନ' ଏବଂ 'ଡର୍ବି' ଯାହା ଆକ୍ଟିଭ ଅନବୋର୍ଡ ରାଡାର ସହ ସଜ୍ଜିତ । ଏହି ମିସାଇଲଗୁଡ଼ିକର ସ୍ମୋକଲେସ ପ୍ରୋପଲସନ ପ୍ରଣାଳୀ ଏହାକୁ ଶତ୍ରୁ ପାଇଁ କଷ୍ଟକର କରିଥାଏ, କାରଣ ଏହା ମିସାଇଲର ପରିଚୟ କରିବା କିମ୍ବା ଏହାର ଲଞ୍ଚିଙ୍ଗ୍ ଲୋକେସନ ଖୋଜିବାକୁ ଆହୁରି ମୁସ୍କିଲ କରିଦିଏ ।

ଏହି ସମସ୍ତ ପ୍ରଣାଳୀ ଥିବା ହେତୁ ଭାରତ ଯେକୌଣସି ଜରୁରୀ ପରିସ୍ଥିତିରେ ନିଜର ସୁରକ୍ଷାକୁ ସୁନିଶ୍ଚିତ କରିପାରିବ । ପାକିସ୍ତାନ ସହିତ ବଢ଼ୁଥିବା ଉତ୍ତେଜନା ମଧ୍ୟରେ, ଏହି ମିସାଇଲ ପ୍ରଣାଳୀଗୁଡ଼ିକ ଭାରତୀୟ ବାୟୁସେନା ଏବଂ ଭାରତୀୟ ସେନାକୁ ସେହି ସାମର୍ଥ୍ୟ ପ୍ରଦାନ କରିଥାଏ, ଯାହା ଯୁଦ୍ଧ ଭଳି ପରିସ୍ଥିତିରେ ଆବଶ୍ୟକ ହୋଇଥାଏ । ଭାରତର ଏହି ଅତ୍ୟାଧୁନିକ ପ୍ରତିରକ୍ଷା ପ୍ରଣାଳୀଗୁଡ଼ିକ ଏହା ପ୍ରମାଣ କରନ୍ତି ଯେ ଦେଶ ନିଜର ସୁରକ୍ଷାକୁ ନେଇ ସମ୍ପୂର୍ଣ୍ଣ ସଜାଗ ଏବଂ ପ୍ରସ୍ତୁତ ଅଛି ଏବଂ ଯେକୌଣସି ବାହ୍ୟ ବିପଦର ମୁକାବିଲା କରିବାରେ ସକ୍ଷମ ଅଟେ । ଆଜିକାଲିର ଜଟିଳ ଯୁଦ୍ଧ ପରିସ୍ଥିତିରେ ଏହି ଅତ୍ୟାଧୁନିକ ପ୍ରତିରକ୍ଷା ପ୍ରଣାଳୀଗୁଡ଼ିକର ମହତ୍ତ୍ଵ ଆହୁରି ବଢ଼ିଯାଏ । ଯେତେବେଳେ ଭାରତ ଏବଂ ପାକିସ୍ତାନ ମଧ୍ୟରେ ଉତ୍ତେଜନା ବଢ଼େ ସେତେବେଳେ ଭାରତୀୟ ସେନାର ଏହି ଶକ୍ତି ପ୍ରତ୍ୟେକ ଭାରତୀୟଙ୍କ ହୃଦୟରେ ବିଶ୍ୱାସ ଏବଂ ସୁରକ୍ଷାର ଭାବନା ସୃଷ୍ଟି କରିଥାଏ ।