କନକ ବ୍ୟୁରୋ: କର୍ଣ୍ଣାଟକ କଂଗ୍ରେସ ଭିତରେ ମୁଖ୍ୟମନ୍ତ୍ରୀ ପଦକୁ ନେଇ ସିଦ୍ଦରମୈୟା ଏବଂ ଡିକେ ଶିବକୁମାରଙ୍କ ମଧ୍ୟରେ ବିବାଦ ଜାରି ରହିଛି। ମୁଖ୍ୟମନ୍ତ୍ରୀ ପଦକୁ ନେଇ ହେଉଥିବା ବୟାନବାଜି ଥମିବାର ନା ନେଉନି ।  ହାଇକମାଣ୍ଡ ମଧ୍ୟ ଏହି ସମସ୍ୟାର ସମାଧାନ ପାଇଁ ଚିନ୍ତାରେ । ମିଳିଥିବା ସୂଚନା ଅନୁସାରେ, ୧୦୦ ରୁ ଅଧିକ ବିଧାୟକ ସିଦ୍ଦରମୈୟାଙ୍କ ସପକ୍ଷରେ ଅଛନ୍ତି, ଯେତେବେଳେ କେବଳ କିଛି ବିଧାୟକ ଡିକେଙ୍କ ପାଇଁ ଲବି କରୁଛନ୍ତି। ତେଣୁ କଂଗ୍ରେସ ହାଇକମାଣ୍ଡ କର୍ଣ୍ଣାଟକ ପାଇଁ ଅନେକ ଯୋଜନା ଉପରେ କାମ କରୁଛନ୍ତି । କୁହାଯାଉଛି ଯେ, ସିଦ୍ଦରମୈୟା ବର୍ତ୍ତମାନ ପାଇଁ ମୁଖ୍ୟମନ୍ତ୍ରୀ ପଦ ବଜାୟ ରଖିପାରନ୍ତି। ଏହା ବ୍ୟତୀତ ତାଙ୍କ ନାତିଙ୍କୁ ବିଧାୟକ ଏବଂ ମନ୍ତ୍ରୀ ପଦ ପାଇଁ ବିଚାର କରାଯାଇପାରେ।

Advertisment

ଆହୁରି ପଢ଼ନ୍ତୁ : ଢେଙ୍କାନାଳରେ ଭୟଙ୍କର ସଡ଼କ ଦୁର୍ଘଟଣା : ଚାଲିଗଲା ୩ ଜଣଙ୍କ ଜୀବନ

କଂଗ୍ରେସ ହାଇକମାଣ୍ଡ ସିଦ୍ଦରମୈୟାଙ୍କ ସହିତ ଏହି ବିଷୟରେ ଆଲୋଚନା କରିବାକୁ ଯୋଜନା କରିଛନ୍ତି । କୁହାଯାଉଛି ତିନି ବର୍ଷ ପରେ କିମ୍ବା ଚାରି ବର୍ଷ ପରେ ଡିକେଙ୍କୁ ମୁଖ୍ୟମନ୍ତ୍ରୀ ପଦ ହସ୍ତାନ୍ତର କରାଯାଇପାରେ । ଯାହାଫଳରେ କି ସିଦ୍ଦରମୈୟା କର୍ଣ୍ଣାଟକରେ ଆଉଥରେ ସରକାର ଆଣିବାକୁ ନିଶ୍ଚୟ ଚେଷ୍ଟା କରିବେ । ଏହାସହିତ ସିଦ୍ଦରମୈୟା ତାଙ୍କ ନାତିଙ୍କୁ ମଧ୍ୟ ଏକ ଗୁରୁତ୍ୱପୂର୍ଣ୍ଣ କ୍ୟାବିନେଟ ପଦବୀ ମିଳିବ ପ୍ରତିଶ୍ରୁତି ଦିଆଯାଉଛି । 

ଡିକେ ମନେ ପକାଇଲେ ପୁରୁଣା ପ୍ରତିଶ୍ରୁତି 

ନିର୍ବାଚନ ପୂର୍ବରୁ କିଏ ମୁଖ୍ୟମନ୍ତ୍ରୀ ହେବେ ସେ ନେଇ ବିବାଦକୁ ଦୂର କରିବା ପାଇଁ ହାଇକମାଣ୍ଡ ନିଷ୍ପତ୍ତି ନେଇଥିଲେ ଯେ, ସରକାର ଗଠନ ହେବା ପରେ ସିଦ୍ଦରମୈୟା ପ୍ରଥମେ ମୁଖ୍ୟମନ୍ତ୍ରୀ ହେବେ। ତା'ପରେ, ଡିକେ ଶିବକୁମାର ଅଢ଼େଇ ବର୍ଷ ପାଇଁ ଏହି ପଦ ଗ୍ରହଣ କରିବେ। ସେପର୍ଯ୍ୟନ୍ତ ଡିକେ ଉପମୁଖ୍ୟମନ୍ତ୍ରୀ ଏବଂ ରାଜ୍ୟ ସଭାପତି ରହିବେ। ଅଢ଼େଇ ବର୍ଷ ପାଖେଇ ଆସିବା ପରେ ଡିକେ ହାଇକମାଣ୍ଡଙ୍କୁ ତାଙ୍କର ଦାବି ଜଣାଇଥିଲେ । ହେଲେ ଏହି ସମୟରେ ସିଦ୍ଦରମୈୟା ତାଙ୍କ ମନ୍ତ୍ରିମଣ୍ଡଳର ପୁନର୍ଗଠନ ଦାବି କରିଥିଲେ। ହେଲେ ରାହୁଲ ଗାନ୍ଧୀ ସେମାନଙ୍କୁ ନିଷ୍ପତ୍ତି ନ ନେବା ପର୍ଯ୍ୟନ୍ତ ସେମାନଙ୍କର କାମ ଜାରି ରଖିବାକୁ ପରାମର୍ଶ ଦେଇଥିଲେ । ସେବେଠାରୁ ଏହି ମାମଲା ରାହୁଲଙ୍କ କୋର୍ଟରେ ବିଚାରାଧୀନ ରହିଛି।