ଏକବିଂଶ ଶତାଦ୍ଦୀରେ ବି ବିଦ୍ୟୁତ୍‌ ସେବାରୁ ବଞ୍ଚିତ ରହିଛି ଗାଁ, ଘନ ଅନ୍ଧାରରେ ବିତୁଛି ଜୀବନ

କନକ ବ୍ୟୁରୋ: ବିଂଶ ଶତାଦ୍ଦୀରେ ବିଦ୍ୟୁତ ସେବାରୁ ବଞ୍ଚିତ ଗାଁ । ଅନ୍ଧାରରେ ଜୀବନ କାଟୁଛନ୍ତି ଶହେରୁ ଅଧିକ ପରିବାର । ଏନେଇ ଅଭିଯୋଗ ହୋଇଛି । ହେଲେ ବିଦ୍ୟୁତ ବିଭାଗ ବାବୁ ଗାଁକୁ ବିଦ୍ୟୁତ ସଂଯୋଗ ପାଇଁ ଲକ୍ଷେ ଟଙ୍କା ମାଗୁଥିବା ଅଭିଯୋଗ ଆସିଛି। ଅର୍ଥ ଯୋଗାଡ଼ କରିବା ସମ୍ଭବପର ହୋଇ ପାରୁନଥିବାରୁ ଏଯାଏଁ ଗାଁକୁ ବିଜୁଳି ଯାଇନି ।  

ଆଜି ବି ଅନ୍ଧାରରେ ଜୀବନ, ବିଜୁଳି ଆଲୁଅ ସାତ ସପନ

‎
ଏମିତି କିଛି ଅଭିଯୋଗ ଆଣି ଜିଲ୍ଲାପାଳଙ୍କ ଦ୍ବାରସ୍ଥ ହୋଇଛନ୍ତି ଗ୍ରାମବାସୀ । ଗଜପତି ଜିଲ୍ଲା ସଦର ମହକୁମା ଠାରୁ ୧୧୦ କିମି ଗଲେ ପଡ଼ିବ ପାହାଡ଼ ଜଙ୍ଗଲ ଘେରା ଗାଁ ତରଭଙ୍ଗ । ଆଜି ବି ଘନ ଅନ୍ଧାରରେ ଅଭିଶପ୍ତ ଜୀବନ ବିତାଉଛନ୍ତି ଶହେରୁ ଅଧିକ ପରିବାର । ଗାଁରେ ଟ୍ରାନ୍ସଫର୍ମର ଅଛି, ୧୧ କେଭି ବି ଯାଇଛି । କିନ୍ତୁ ବିଜୁଳି ଆସିପାରୁନି । ବିଦ୍ୟୁତ ସଂଯୋଗ ପାଇଁ ବିଭାଗୀୟ ବାବୁଙ୍କୁ ଜଣାଇବାରୁ ବାବୁ ଲକ୍ଷେ ଟଙ୍କା ମାଗୁଥିବା ଅଭିଯୋଗ ଆସିଛି । ଯାହାକୁ ନେଇ ଗାଁ ଲୋକ ଜିଲ୍ଲାପାଳଙ୍କ ଦ୍ବାରସ୍ଥ ହୋଇଛନ୍ତି । 

ଚାଲିଗଲା ଫୋନି, ଛାଡ଼ିଦେଇଗଲା ଘନ ଅନ୍ଧକାର ! ଅସ୍ତରଙ୍ଗ ବ୍ଲକରେ ଅନ୍ଧାରରେ ଜୀବନ ବ୍ୟତୀତ କରୁଛନ୍ତି ଅଂଚଳବାସୀ

କିଛି ବର୍ଷ ପୂର୍ବେ ସରକାର ଗାଁରେ ସୋଲାର ପ୍ୟାନେଲ ମାଧ୍ୟମରେ ଗାଁର ସମସ୍ତ ଘରକୁ ବିଦ୍ୟୁତ ଯୋଗାଣ ପାଇଁ ବ୍ୟବସ୍ଥା କରିଥିଲେ । ହେଲେ ରକ୍ଷଣାବେକ୍ଷଣା ଅଭାବରୁ ଏହା ଖରାପ ହୋଇପଡ଼ିଛି। ‎ଫଳରେ ଲୋକ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ସରକାରଙ୍କ ପକ୍ଷରୁ ଗାଁରେ ପାଣି ଟଙ୍କା ବିସିଥିଲେ ମଧ୍ୟ ମୋଟରରେ ପାଣି ଉଠାଇ ହେଉନି । ସ୍ମାର୍ଟ ସ୍କୁଲ୍‌ରେ ସ୍ମାର୍ଟ ଶିକ୍ଷାଦାନ ହୋଇପାରୁନି । ଏନେଇ ଜଣାଇବା ପରେ ତୁରନ୍ତ ଗାଁକୁ ଖୁବଶୀଘ୍ର ବିଦ୍ୟୁତ୍ ଯୋଗାଇବା ନେଇ ପଦକ୍ଷେପ ନିଆଯିବ ବୋଲି ପ୍ରତିଶ୍ରୁତି ଦେଇଛନ୍ତି ଅତିରିକ୍ତ ଜିଲ୍ଲାପାଳ ।  ତେବେ ବିଭାଗୀୟ ବାବୁଙ୍କ ବିଜୁଳି ଟଙ୍କା ମାଗିବା ଘଟଣାର ତଦନ୍ତ କରିବା ସହ ଗାଁରେ ତୁରନ୍ତ ବିଦ୍ୟୁତ ସଂଯୋଗ କରାଗଲେ ଲୋକେ ଉପକୃତ ହୋଇପାରିବେ ।