ସାକ୍ଷୀଗୋପାଳ ନଡ଼ିଆର ସାଙ୍ଘାତିକ ସ୍ଥିତି, ନଡ଼ିଆ ଗଛରେ ଧଳା ପୋକଙ୍କ ଆତଙ୍କ

କନକ ବ୍ୟୁରୋ: ଇତିହାସର ସାକ୍ଷୀ ପାଲଟିଯିବ କି ସାକ୍ଷୀଗୋପାଳ ନଡ଼ିଆ । କାରଣ ନଡ଼ିଆ ଗଛରେ ଏବେ ଧଳା ପୋକଙ୍କର ଆତଙ୍କରାଜ ଦେଖିବାକୁ ମିଳିଛି । ନଡ଼ିଆ ଚାଷୀଙ୍କୁ କଲବଲ କରୁଛି ଧଳା ମାଛି ଭଳି ଦେଖାଯାଉଥିବା ଏହି ପୋକ ।  ପୁରୀ ଜିଲ୍ଲା ସାକ୍ଷୀଗୋପାଳ ଉପକୁଳିଆ ଅଂଚଳ ନଡ଼ିଆ ଚାଷ ପାଇଁ ବହୁତ ଉପଯୋଗୀ ଓ ଅର୍ଥକାରୀ । ହେଲେ କେତେବେଳେ ପୋକଙ୍କ ପାଦ୍ରୁଭାବ ତ କେତେବେଳେ ପ୍ରାକୁତିକ ବିପର୍ଯ୍ୟୟ ଦାଉ ସାଧୁଥିବାରୁ ଏବେ ନଡ଼ିଆ ଚାଷୀ ମୁଣ୍ଡରେ ଚଡକ ପଡିଛି । ଗତ କିଛି ବର୍ଷ ହେବ ନଡ଼ିଆ ଗଛକୁ ଧଳା ରଙ୍ଗର ପୋକ ଲାଗି ନଡ଼ିଆ ବରଡ଼ା ଚହଁରକୁ କଳା  ପକାଇବା ସହ ଗଛକୁ ପୂରା ନଷ୍ଠ କରିଦେଉଛି । ନିରୁପାୟ ନଡ଼ିଆ ଚାଷୀ ଏବେ ପୋକ ଦାଉରୁ ରକ୍ଷା ପାଇବା ପାଇଁ ପ୍ରଶାସନକୁ ଗୁହାରି କରୁଛନ୍ତି ।

ଅଧିକ ପଢନ୍ତୁ : ପଦାରେ ପଡିଲା ନଡ଼ିଆ ଉତ୍ପାଦନ ନେଇ ଆନ୍ତରିକତା; ଓଡିଶାରେ ବଢୁଛି କେରଳ ନଡିଆର ଚାହିଦା

ବଡ଼କଥା ହେଉଛି ୧୯୯୯ ମସିହା ମହାବାତ୍ୟା ଓ ପରେ ପରେ ଅନେକ ସାମୁଦ୍ରିକ ବାତ୍ୟା ଯେମିତି କି, ଫାଇଲିନ୍, ଫନି ,ହୁଡ୍ହୁଡ୍ କୁ ସାମ୍ନା କରି ଆସୁଛି ଉପକୂଳବର୍ତ୍ତୀ ଅଞ୍ଚଳର ଲକ୍ଷ ଲକ୍ଷ ନଡ଼ିଆ ଗଛ । ସୂଚନା ଅନୁସାରେ ବିଭିନ୍ନ ବାତ୍ୟା ପ୍ରଭାବରେ ଏଇ କିଛି ବର୍ଷ ଭିତରେ ୧୫ ଲକ୍ଷ ନଡ଼ିଆ ଗଛ କ୍ଷତି ହୋଇଛି । ହେଲେ ଫନି ବାତ୍ୟା ଠାରୁ ଉଦ୍ୟାନ ବିଭାଗ ପ୍ରାୟ ୮ ଲକ୍ଷ ନଡ଼ିଆ ଗଛ ଚାଷୀଙ୍କୁ ଦେଇଥିଲା କିନ୍ତୁ ଏହି ଧଳା ପୋକ ଏବେ ଦାଉ ସାଧିଛି ।  ଏପଟେ ଚାଷୀ ମାନଙ୍କର ପ୍ରଶ୍ନ; ଛୋଟ ଛୋଟ ଗଛକୁ ଆମେ ସ୍ପ୍ରେ କରିଦେବୁ ହେଲେ ବହୁତ ଉଚ୍ଚରେ ଥିବା ଗଛକୁ କେମିତି ମେଡିସିନ କିମ୍ବା ନିମ୍ବ ପତ୍ର ପାଣି ପକାଇବୁ ? ଏ ସମସ୍ୟାରୁ ଦୂରକରୁ ଉଦ୍ୟାନ ବିଭାଗ ବୋଲି ଚାଷୀ କହିଛନ୍ତି ।