ଆସୁଛନ୍ତି ପୁଟିନ

କନକ ବ୍ୟୁରୋ :ଭାରତ ଆସୁଛନ୍ତି ରୁଷ ରାଷ୍ଟ୍ରପତି ଭ୍ଲାଦିମୀର ପୁଟିନ । ଏନେଇ ସମସ୍ତ ପ୍ରକାର ପ୍ରସ୍ତୁତି ଶେଷ ପର୍ଯ୍ୟାୟରେ । ଦିଲ୍ଲୀକୁ କଡ଼ା ସୁରକ୍ଷାରେ ବ୍ୟବସ୍ଥା ଭିତରେ ରଖାଯାଇଛି । ଡିସେମ୍ବର ୪ ଓ ୫ ତାରିଖ ପାଇଁ କି କି ପ୍ରସ୍ତୁତି କରାଯାଇଛି ।

Advertisment

ଅଧିକ ପଢ଼ନ୍ତୁ : ଆକାଶରେ ଦମ ଦେଖାଇଲେ ରୁଷ ରାଷ୍ଟ୍ରପତି । ମିସାଇଲ ଓ ବୋମା ବର୍ଷଣକାରୀ ଟିୟୁ-୧୬୦ଏମ ଯୁଦ୍ଧ ବିମାନ ଉଡାଇଲେ ଭ୍ଲାଦିମୀର ପୁଟିନ

କାଲିଠୁ ଦୁଇଦିନ ପର୍ଯ୍ୟନ୍ତ ଦିଲ୍ଲୀରେ ରହିବେ ରୁଷ ରାଷ୍ଟ୍ରପତି ଭ୍ଲାଦିମୀର ପୁଟିନ । ରୁଷରୁ ଉଡାଣ ଭରିବାଠୁ ଦିଲ୍ଲୀରେ ଦୁଇଦିନ ରହଣୀ ଯାଏଁ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ସୂଚନା ଅନୁସାରେ ପୁଟିନ ଯେଉଁ ବିମାନରେ ଆସୁଛନ୍ତି ସେଥିରେ ବହୁସ୍ତରୀୟ କ୍ଷେପଣାସ୍ତ୍ର ଜାମିଂ ସିଷ୍ଟମ ବ୍ୟବସ୍ଥା ରହିଛି । ଶତ୍ରୁଙ୍କ ବିଭ୍ରାନ୍ତକାରି ଆକ୍ରମଣକୁ ବିଫଳ କରିପାରେ । ସେପଟେ ଦିଲ୍ଲୀରେ ଲ୍ୟାଣ୍ଡ କରିବାପରଠୁ ପୁଟିନଙ୍କ ଉପରେ ତୀକ୍ଷ୍ମଣ ନଜର ରଖିବେ ଭାରତ ସରକାର, ପୁଟିନଙ୍କ ବ୍ୟକ୍ତିଗତ ସୁରକ୍ଷାକର୍ମୀ ।

ଅଧିକ ପଢ଼ନ୍ତୁ : ଦୁନିଆର ସବୁଠୁ ଧନୀ ରାଜନେତା ହେଲେ ରୁଷ ରାଷ୍ଟ୍ରପତି । ଭ୍ଲାଦିମୀର ପୁଟିନଙ୍କ ପାଖରେ ରହିଛି ସର୍ବାଧିକ ୧୬ଲକ୍ଷ ୬୦ହଜାର କୋଟି ମୂଲ୍ୟର ସମ୍ପତି

ପୁଟିନଙ୍କ ସୁରକ୍ଷା କବଚ

ପୁଟିନଙ୍କ ବିଦେଶ ଗସ୍ତରେ ୪ସ୍ତରୀୟ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥାଏ
ପୁଟିନଙ୍କ ସହ ଆସିବେ ୫୦ଜଣ ବ୍ୟକ୍ତିଗତ ସୁରକ୍ଷାକର୍ମୀ
ଆଣ୍ଟି ମିସାଇଲ୍‌ ପ୍ରୁଫ୍‌ ବିମାନରେ ରୁଷରୁ ଉଡ଼ାଣ ଭରିବେ
ସୁରକ୍ଷା ଦୃଷ୍ଟିରୁ ଆଉ ଦୁଇଟି ବିମାନ ମଧ୍ୟ ପଛକୁ ପଛ ଉଡ଼ାଣ ଭରିବ
ପୁଟିନଙ୍କ ସୁରକ୍ଷା ଦାୟିତ୍ବ ସମ୍ଭାଳିବ ଫେଡେରାଲ୍‌ ପ୍ରୋଟେକ୍ଟିଭ୍‌ ସର୍ଭିସ୍‌
ପ୍ରେସିଡେଣ୍ଟାଲ୍‌ ସିକ୍ୟୁରିଟି ସର୍ଭିସ୍‌ ୪ସ୍ତରୀୟ ସୁରକ୍ଷା ବ୍ୟବସ୍ଥା କରିବ
ସୁରକ୍ଷାକର୍ମୀଙ୍କ ପାଖରେ ଥାଏ ବୁଲେଟ୍‌ପ୍ରୁଫ ସୁଟକେସ୍‌, ଏପିଏସ୍‌ ପିସ୍ତଲ
ପିପି-୨୦୦ ସବମେରାଇନ୍‌ ଗନ୍, ନାଇଟ୍‌ ଭିଜନ ସ୍କାନ୍‌, ଥର୍ମାଲ ସ୍କାନ୍‌ ରହେ
ସ୍ନାଇପରର୍ସ, କେ-୯ ୟୁନିଟ୍‌, ଡ୍ରୋନ୍‌ କାଉଣ୍ଟର ଟିମ୍‌ ଓ ସର୍ଭିଲାନ୍ସ ଟିମ୍‌ ରହିଥାନ୍ତି
ଏଥିସହ ପୋଟେବୁଲ ଲ୍ୟାବ୍‌ ଓ ପର୍ସନାଲ ସେଫ୍‌ ବି ସାଥୀରେ ରହିବେ

ସେପଟେ ଦିଲ୍ଲୀରେ ବହୁ ସ୍ତରୀୟ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ଯେତେବେଳେ ପୁଟିନ୍ ବିଦେଶ ଯାତ୍ରା କରନ୍ତି, ତାଙ୍କ ସୁରକ୍ଷା ତଦାରଖ କରୁଥିବା ଟିମ ସେହି ଦେଶରେ ଆଗୁଆ ପହଞ୍ଚି ରହଣୀ ଠୁ କାର୍ଯ୍ୟକ୍ରମସ୍ଥଳରେ ଟିକିନିକ ଯାଂଚ କରନ୍ତି । ଏହି କ୍ରମରେ ଦିଲ୍ଲୀରେ ପହଞ୍ଚିସାରିଛନ୍ତି ସୁରକ୍ଷା ଟିମ । ହୋଟେଲଠୁ ନେଇ ରୋଷେଇ ଘର । ଏଥିସହ ଖାଦ୍ୟର ତ୍ରିସ୍ତରୀୟ ଯାଂଚ କରିବ ଟିମ ।

ଅଧିକ ପଢ଼ନ୍ତୁ : ଭ୍ଲାଦିମୀର ପୁଟିନଙ୍କ ବୟାନ, ଖୁବଶୀଘ୍ର ୟୁକ୍ରେନ ଉପରେ ଆକ୍ରମଣ ବନ୍ଦ କରିବାକୁ କହିଲେ ଋଷ ରାଷ୍ଟ୍ରପତି

ଆସୁଛନ୍ତି ପୁଟିନ, ଦିଲ୍ଲୀ ପ୍ରସ୍ତୁତ

କଡ଼ା ସୁରକ୍ଷା କବଚ ଭିତରେ ପୂରା ଦିଲ୍ଲୀକୁ ରଖାଯାଇଛି
କୋଣ ଅନୁକୋଣକୁ ଜଗିବ ଏଆଇ, ଡ୍ରୋନ୍‌ ଓ ସିସିଟିଭି କ୍ୟାମେରା
ଆତଙ୍କବାଦ, ବୋମା ନିରୋଧୀ ଟିମ୍‌ ସହ ଦିଲ୍ଲୀ ପୁଲିସର ସ୍ବତନ୍ତ୍ର ଟିମ୍‌ ସୁରକ୍ଷା ଦାୟିତ୍ବରେ ରହିବେ
ପୁଟିନଙ୍କ ଗସ୍ତ ପାଇଁ ଦିଲ୍ଲୀର କିଛି ରାସ୍ତାରେ କଡ଼ା ଟ୍ରାଫିକ ନିୟମ ଲାଗୁ ହେବ
ପିଏମଓଠୁ ହାଇଦ୍ରାବାଦ ହାଉସ ରୁଟରେ ସାମାନ୍ୟ ପରିବର୍ତ୍ତନ କରାଯିବ
ପୁଟିନ ଆସିବା ପୂର୍ବରୁ ସିକ୍ରେଟ୍‌ ଟିମ୍‌ ଦିଲ୍ଲୀରେ ପହଞ୍ଚିସାରିଛନ୍ତି
ରହଣିଠୁ କାର୍ଯ୍ୟକ୍ରମସ୍ଥଳର ତଦାରଖ କରିଛନ୍ତି ଫେଡେରାଲ ପ୍ରୋଟେକ୍ଟିଭ୍‌ ସର୍ଭିସ
ରହଣି ସ୍ଥଳରେ ସବୁ ସାମଗ୍ରୀ ହଟାଇ ରୁଷରୁ ଆସିଥିବା ସାମଗ୍ରୀ ରଖାଯିବ
ଖାଦ୍ୟ ଠୁ ଟୁଥ ବ୍ରସ ସବୁ କିଛି ପରୀକ୍ଷା ନିରୀକ୍ଷା କରାଯାଉଛି

ସେପଟେ ଏୟାରଲିପ୍ଟ ହୋଇ ଦିଲ୍ଲୀରେ ପହଞ୍ଚିଛି ପୁଟିନଙ୍କ ହାଇବ୍ରିଡ କାର ଔରସ ସେନାଟ ଲିମୋଜିନ । ଟ୍ରକ ପରି ଓଜନିଆ, ବଙ୍କର ପରି ସୁରକ୍ଷିତ । ସବୁ ପ୍ରକାର ଆକ୍ରମଣକୁ ପ୍ରତିହତ କରେ ଏହି କାର । ଚଳନ୍ତା ସୁରକ୍ଷା କବଚ ଭାବେ ଜଣାଯାଉଥିବା ଏହା ଦୁନିଆର ଏକମାତ୍ର କାର । ଆପଣଙ୍କ ମନେ ଥିବ ଏସସିଓ ସମ୍ମିଟରେ ପ୍ରଧାନମନ୍ତ୍ରୀ ମୋଦୀ ଓ ରୁଷ ରାଷ୍ଟ୍ରପତି ଯେଉଁ କାରରେ ଏକାଠି ଯାତ୍ରା କରିଥିଲେ ସେହି କାର ହେଉଛି ଏହି ବୁଲେଟଫ୍ରୁଫ କାର ଔରସ ସେନାଟ ।