ସୁନା ନୁହେଁ , ଏବେ ରୂପା ବନ୍ଧା ଥୋଇ ମଧ୍ୟ ଆଣିପାରିବେ ଲୋନ

କନକ ବ୍ୟୁରୋ:   RBIର  ବଡ଼ ନିଷ୍ପତ୍ତି ।  ବର୍ତ୍ତମାନ ରୂପା ଉପରେ ମଧ୍ୟ ଋଣ ମିଳିପାରିବ ।  ହଁ ଆଜ୍ଞା ପୂର୍ବରୁ  ସୁନା ବନ୍ଧା ପକାଇ ଋଣ ନେଉଥିଲେ । ଏବେ ରୂପା ଥୋଇ ଆପଣ ଋଣ ନେଇପାରିବେ ।  ଆପଣଙ୍କ ଘରେ ଯଦି ରୂପାର ଗହଣା  କିମ୍ବା  ରୁପା କଏନ ଅଛି ଏହାକୁ ଅସୁବିଧା ସମୟରେ ବନ୍ଧା ଥୋଇ ଋଣ ନେଇପାରିବେ । ଚାନ୍ଦିର ଅଳଙ୍କାର NBFCରେ ବନ୍ଧା ରଖି ତୁରନ୍ତ ଲୋନ୍‌ ଆଣିପାରିବେ ।  ଜାଣନ୍ତୁ କେବେଠାରୁ ନୂଆ ନିୟମ ଲାଗୁ ହେବ ଏବଂ କେତେ ଟଙ୍କା ମିଳିବ ।  ଏହି ନୂତନ ନିୟମ ଆର୍ଥିକ କ୍ଷେତ୍ରରେ ଏକ ବଡ଼ ପରିବର୍ତ୍ତନ ଆଣିବ ଏବଂ ଅଧିକ ଲୋକଙ୍କୁ ସହଜରେ ଋଣ ସୁବିଧା ଯୋଗାଇବ । ପୂର୍ବରୁ କେବଳ ସୁନା ଉପରେ ଋଣ ମିଳୁଥିଲା, କିନ୍ତୁ ବର୍ତ୍ତମାନ ରୂପା ମଧ୍ୟ ଏହି ତାଲିକାରେ ସାମିଲ ହୋଇଛି, ଯାହା ଗ୍ରାହକମାନଙ୍କ ପାଇଁ ଏକ ବଡ଼ ସୁବିଧା ଆଣିବ ।
RBI ଦ୍ୱାରା ଜାରି କରାଯାଇଥିବା ନୂଆ ନିର୍ଦ୍ଦେଶାବଳୀ ଅନୁଯାୟୀ, ରୂପା ଉପରେ ଋଣ ଦେବାର ନିୟମ ଆସନ୍ତା ଆର୍ଥିକ ବର୍ଷର ପ୍ରାରମ୍ଭରୁ ଅର୍ଥାତ୍ ଏପ୍ରିଲ୍ ୧, ୨୦୨୬ ଠାରୁ ଲାଗୁ ହେବ । ଏହି ନିଷ୍ପତ୍ତି ପରେ ବ୍ୟାଙ୍କ ଏବଂ ଅନ୍ୟାନ୍ୟ ଆର୍ଥିକ ପ୍ରତିଷ୍ଠାନଗୁଡ଼ିକ ରୂପାକୁ ଏକ ଜାମିନ ଭାବରେ ଗ୍ରହଣ କରି ଋଣ ପ୍ରଦାନ କରିପାରିବେ । ଏହି ପଦକ୍ଷେପ ଦ୍ୱାରା ଗ୍ରାହକମାନେ ନିଜର ଆର୍ଥିକ ଆବଶ୍ୟକତା ପୂରଣ କରିବା ପାଇଁ ଅଧିକ ବିକଳ୍ପ ପାଇବେ ।

ସରକାର ଦେଉଛନ୍ତି ୯୦ ହଜାର ଟଙ୍କା ! କେବଳ ଆଧାର କାର୍ଡରେ ମିଳିବ ଲୋନ୍‌

RBIର ଏହି ନିଷ୍ପତ୍ତି ଫଳରେ ଏବେ  ଖାଲି ସୁନା ନୁହେଁ ରୁପା ମଧ୍ୟ  ଆପଣଙ୍କର ଅସୁବିଧା ସମୟରେ ଆପଣଙ୍କା ଆର୍ଥିକ ସହୟାତା କରିପାରିବ ।  ଯେଉଁ ଲୋକମାନେ ଛୋଟ ସହର ମାନଙ୍କରେ ରହୁଛନ୍ତି  ସେମାନଙ୍କ ପାଖରେ  ସୁନା ଠାରୁ ଅଧିକ ରୂପାର ଅଳଙ୍କାର ରହିଥାଏ ।  ସେମାନଙ୍କର ବଡ଼ ଲାଭ ଏହା ଯେ  ବର୍ତ୍ତମାନ ଅତି ସହଜରେ ରୂପା ବନ୍ଧା ରଖି  ସୁଧରେ  ତୁରନ୍ତ ଋଣ ନେଇପାରିବେ ।  କିନ୍ତୁ ମନେରଖନ୍ତୁ  ଶୁଦ୍ଧ ଚାନ୍ଦି ବା ରୁପା ବାର୍‌ସରେ ଲୋନ୍‌ ମିଳି ନ ପାରେ

ଅଧିକ ପଢନ୍ତୁ : ଘର କିଣିବା ସ୍ୱପ୍ନ ହେଲା ମହଙ୍ଗା, ବଢ଼ିଲା SBI ହୋମ୍‌ଲୋନ୍‌ ସୁଧହାର

କେତେ ଟଙ୍କା ଋଣ ମିଳିବ?
ରୂପା ଉପରେ ମିଳିବାକୁ ଥିବା ଋଣର ପରିମାଣ ରୂପାର ବଜାର ମୂଲ୍ୟ ଏବଂ RBI ଦ୍ୱାରା ନିର୍ଦ୍ଧାରିତ 'ଲୋନ୍-ଟୁ-ଭାଲ୍ୟୁ' (LTV) ଅନୁପାତ ଉପରେ ନିର୍ଭର କରିବ । ପ୍ରାରମ୍ଭିକ ପର୍ଯ୍ୟାୟରେ, RBI ରୂପା ଉପରେ ସର୍ବାଧିକ ୭୫% LTV ଅନୁପାତ ନିର୍ଦ୍ଧାରଣ କରିଛି, ଯାହାର ଅର୍ଥ ହେଉଛି ରୂପାର ବର୍ତ୍ତମାନର ବଜାର ମୂଲ୍ୟର ୭୫% ପର୍ଯ୍ୟନ୍ତ ଋଣ ମିଳିପାରିବ। ଉଦାହରଣ ସ୍ୱରୂପ, ଯଦି ଆପଣଙ୍କ ରୂପାର ମୂଲ୍ୟ ୧ ଲକ୍ଷ ଟଙ୍କା, ତେବେ ଆପଣ ସର୍ବାଧିକ ୭୫,୦୦୦ ଟଙ୍କା ପର୍ଯ୍ୟନ୍ତ ଋଣ ପାଇପାରିବେ । ଏହି LTV ଅନୁପାତ ସମୟ ସମୟରେ RBI ଦ୍ୱାରା ସମୀକ୍ଷା କରାଯାଇ ପରିବର୍ତ୍ତିତ ହୋଇପାରେ, ଯାହା ରୂପାର ବଜାର ମୂଲ୍ୟର ସ୍ଥିରତା ଉପରେ ନିର୍ଭର କରିବ। ଏହା ସହିତ, ବ୍ୟାଙ୍କ ଏବଂ ଆର୍ଥିକ ପ୍ରତିଷ୍ଠାନଗୁଡ଼ିକ ମଧ୍ୟ ନିଜର ଆଭ୍ୟନ୍ତରୀଣ ନୀତି ଅନୁଯାୟୀ କିଛି ଅତିରିକ୍ତ ସର୍ତ୍ତ ଲାଗୁ କରିପାରିବେ ।
 

କେଉଁ କେଉଁ ବ୍ୟାଙ୍କ ଦେଇପାରିବେ ରୂପା ଉପରେ ଋଣ
କମର୍ଶିସାଲ ବ୍ୟାଙ୍କ, ସ୍ମଲ ଫାଇନାନ୍ସ ଏବଂ ରିଜନାଲ ରୁରାଲ ବ୍ୟାଙ୍କ,  ଅରବାନ୍‌ ଏବଂ ରୁରାଳ କୋ-ଅପରେଟିଭ୍‌ ବ୍ୟାଙ୍କ,  ନନ୍‌ ବ୍ୟାକିଙ୍ଗ ଫାଇନାନ୍ସ  କମ୍ପାନିଜ୍‌  ଏବଂ ହାଉସ୍‌ ଫାନାନ୍ସ କମ୍ପାନିଜ୍‌ । 
 ସେହିପରି କେତେ ସୁନା ଏବଂ କେତେ ରୁପା ବନ୍ଧା ଥୋଇ ପାରିବେ ? 
ସୁନା ଅଳଙ୍କାର ୧ କିଲୋ ପର୍ଯ୍ୟନ୍ତ 
 ରୁପା  ଅଳଙ୍କାର ୧୦ କିଲୋ ପର୍ଯ୍ୟନ୍ତ
ସୁନା କଏନ- ୫୦ ଗ୍ରାମ ପର୍ଯ୍ୟନ୍ତ
 ରୁପା କଏନ୍‌ ୫୦୦ ଗ୍ରାମ ପର୍ଯନ୍ତ ବନ୍ଧା ଥୋଇପାରିବେ ।  ଏହାଠୁ ଅଧିକ ଓଜନରରେ ଋଣ ମିଳିବ ନାହିଁ।  
  
ତେବେ  ଏହି ନୂତନ ନିୟମ ଲାଗୁ ହେବା ପୂର୍ବରୁ, ବ୍ୟାଙ୍କ ଏବଂ ଆର୍ଥିକ ପ୍ରତିଷ୍ଠାନଗୁଡ଼ିକ ରୂପା ମୂଲ୍ୟାଙ୍କନ (valuation), ସୁରକ୍ଷିତ ଭଣ୍ଡାରଣ ଏବଂ ଋଣ ପ୍ରଦାନ ପ୍ରକ୍ରିୟା ପାଇଁ ଆବଶ୍ୟକୀୟ ଭିତ୍ତିଭୂମି ପ୍ରସ୍ତୁତ କରିବେ। ଗ୍ରାହକମାନେ ଏହି ସୁବିଧାର ଲାଭ ଉଠାଇବା ପୂର୍ବରୁ ବିଭିନ୍ନ ବ୍ୟାଙ୍କର ସର୍ତ୍ତ ଏବଂ ସୁଧ ହାର ତୁଳନା କରିବା ଉଚିତ। ଏହି ନିଷ୍ପତ୍ତି ଭାରତୀୟ ଅର୍ଥନୀତି ପାଇଁ ଏକ ସକାରାତ୍ମକ ପଦକ୍ଷେପ ଭାବରେ ବିବେଚନା କରାଯାଉଛି।