ପୁଲିସ ଏସଆଇ ନିଯୁକ୍ତି କେଳେଙ୍କାରୀ ମାମଲା, ଗ୍ରାଉଣ୍ଡରେ ପହଞ୍ଚି ସିବିଆଇ ଟିମର ତନାଘନା

କନକ ବ୍ୟୁରୋ :  ପୁଲିସ୍ ଏସ୍‌ଆଇ ନିଯୁକ୍ତି କେଳେଙ୍କାରୀ ମାମଲା । ଗ୍ରାଉଣ୍ଡରେ ପହଞ୍ଚି ସିବିଆଇ ଟିମର ତନାଘନା । ଗଞ୍ଜାମ ଜିଲ୍ଲା ଭଞ୍ଜନଗରରେ ପହଞ୍ଚି ଖୋଳତାଡ଼ କରିଛି ୨ ଜଣିଆ ସିବିଆଇ ଟିମ୍ । ଭଞ୍ଜନଗର ଥାନାରେ ପହଞ୍ଚି ମାମଲାରେ ଅଭିଯୁକ୍ତ ରହିଥିବା କିଛି ଆଶାୟୀଙ୍କୁ ଡାକି ପଚରାଉଚରା କରିଥିବା ସୂଚନା ମିଳିଛି । ତେବେ ଏନେଇ ସିବିଆଇ ଅଧିକାରୀ ମାନେ ଗଣମାଧ୍ୟମ ଆଗରେ କିଛି ପ୍ରକାଶ କରିନାହାନ୍ତି ।

ଅଧିକ ପଢ଼ନ୍ତୁ : ଏସ୍‌ଆଇ ପରୀକ୍ଷାରେ କେଳେଙ୍କାରୀ ମାମଲା ; ପ୍ରତି ପରୀକ୍ଷାର୍ଥୀଙ୍କ ପିଛା ହୋଇଥିଲା ୨୫ ଲକ୍ଷର ଡିଲ୍

ପୁଲିସ୍‌ ଏସ୍ଆଇ ପରୀକ୍ଷାରେ କେଳେଙ୍କାରୀ ଘଟଣାକୁ ନେଇା ସାରା ରାଜ୍ୟରେ ଚର୍ଚ୍ଚା । ଚାକିରି ପାଇଁ ବଡ଼ ଧରଣର କେଳେଙ୍କାରୀ ଉପରୁ ପର୍ଦ୍ଦା ଉଠାଇଛି କ୍ରାଇମ୍‌ବ୍ରାଞ୍ଚ । ଘଟଣାରେ ୧୧୭ ଜଣ ଗିରଫଦାରି ହୋଇଥିବା କ୍ରାଇମବ୍ରାଞ୍ଚ ପକ୍ଷରୁ ସୂଚନା ମିଳିଛି । ଏମାନଙ୍କ ମଧ୍ୟରୁ ୧୧୪ ଜଣ ପରୀକ୍ଷାର୍ଥୀ ରହିଥିବାବେଳେ ୩ ଜଣ ଦଲାଲ ରହିଛନ୍ତି । ତେବେ କେଳେଙ୍କାରୀରେ ଆହୁରି ଦଲାଲଙ୍କ ସମ୍ପୃକ୍ତି ଥିବା କ୍ରାଇମ୍‌ବ୍ରାଞ୍ଚ ପକ୍ଷରୁ ସୂଚନା ମିଳିଛି । ବଡ଼ କଥା ହେଉଛି ଏସ୍‌ଆଇ ପରୀକ୍ଷାରେ ଉତୀର୍ଣ୍ଣ ହେବା ପାଇଁ ହୋଇଥିଲା କୋଟି କୋଟି ଟଙ୍କାର ଡିଲ୍ । ପ୍ରତି ପରୀକ୍ଷାର୍ଥୀ ପିଛା ୨୫ ଲକ୍ଷର ଡିଲ୍ ହୋଇଥିଲା । କ୍ରାଇମବ୍ରାଞ୍ଚ ତଦନ୍ତରେ ସାଂଘାତିକ ସତ ଏବେ ସାମ୍ନାକୁ ଆସିଛି ।  

ଅଧିକ ପଢ଼ନ୍ତୁ :ଏସ୍‌ଆଇ ପରୀକ୍ଷା ଦୁର୍ନୀତିକୁ ମାମଲା : ଏବେ ବି ଫେରାର ମାଷ୍ଟରମାଇଣ୍ଡ ଶଙ୍କର ପୃଷ୍ଟି

ଏହି ଘଟଣାରେ ସରିଛି ଅଭିଯୁକ୍ତଙ୍କ ସ୍ବାସ୍ଥ୍ୟ ପରୀକ୍ଷା । ସ୍ବତନ୍ତ୍ର ଆମ୍ବୁଲାନ୍ସରେ ସେମାନଙ୍କର ସ୍ବାସ୍ଥ୍ୟ ପରୀକ୍ଷା କରାଯାଇଛି । କିଛି ଅଭିଯୁକ୍ତଙ୍କର ବ୍ରହ୍ମପୁର ରିଜର୍ଭ ପୁଲିସ ବାରାକରେ ସ୍ବାସ୍ଥ୍ୟ ପରୀକ୍ଷା କରାଯାଇଥିବା ବେଳେ କିଛି ଜଣଙ୍କୁ ବାହାରେ ପରୀକ୍ଷା କରାଯାଇଛି । ଆଉ କିଛି ସମୟ ପରେ ସେମାନେ ମାଜିଷ୍ଟ୍ରେଟଙ୍କ ଆଗରେ ହାଜର ହେବେ। ସେପଟେ ଜେରା ବେଳେ ୫ ଜଣ ଅସୁସ୍ଥ ହୋଇଥିବା ଜଣାପଡ଼ିଛି । ସ୍ବତନ୍ତ୍ର ଡାକ୍ତରୀ ଟିମ୍ ସେମାନଙ୍କର ସ୍ବାସ୍ଥ୍ୟ ପରୀକ୍ଷା କରିଛନ୍ତି । ଗୁରୁତ୍ବପୂର୍ଣ୍ଣ କଥା ହେଉଛି, ପୂରା ଘଟଣାରେ ୧୦ରୁ ୧୨ ଜଣ କାର୍ପଟଦାର ଥିବା ସୂଚନା ମିଳିଛି । ଏମାନେ ଟେଲିଗ୍ରାମ ଜରିଆରେ ପୂରା ନେଟୱର୍କ ଚଳାଇଥିଲେ । 
 ।