ବିହାରରେ ବମ୍ପର ବିଜୟ ମୁହାଁ ଭାରତୀୟ ଜନତା ପାର୍ଟି,  ମୋଦୀଙ୍କ ଭବିଷ୍ୟବାଣୀ ହେଲା ଭାଇରାଲ

କନକ ବ୍ୟୁରୋ: ବିହାରରେ ଫୁଟୁଛି ପଦ୍ମ ।  ଖାଲି ବିହାର ନୁହେଁ ନୂଆପଡାରରେ ମଧ୍ୟ କମାଲ କରୁଛି  ଭାରତୀୟ ଜନତା ପାର୍ଟି । ନୂଆପଡ଼ା ଉପ ନିର୍ବାଚନରେ ବିଜେପି ପ୍ରାର୍ଥୀ ଟ୍ରେଣ୍ଡର ବହୁତ ଆଗରେ ଥିବାବେଳେ, ବିହାରରେ ବି ଏନଡିଏ ବହୁତ ଆଗରେ ରହିଛି । ତେଣୁ ଚର୍ଚ୍ଚା ହେଉଛି ଏବେ ସବୁଠି ବମ୍ପର ବିଜୟ ମୁହାଁ ଭାରତୀୟ ଜନତା ପାର୍ଟି ।

ଅଧିକ ପଢନ୍ତୁ : Nuapada Election Result: ଓଡ଼ିଶାରୁ ବିହାର ସବୁଠି ପଦ୍ମ ଫୁଟିଲା!

ଏପଟେ ବିହାରରେ ଏନଡିଏ ବମ୍ଫର  ବିଜୟ ଆଡକୁ ଅଗ୍ରସର ହେଉଛି ।  ଠିକ୍‌ ଏହି ସମୟରେ ପ୍ରଧାନମନ୍ତ୍ରୀ ମୋଦୀଙ୍କ  ପ୍ରଚାର ସମୟର ଏକ ଭିଡ଼ିଓ ଭାଇରାଲ ହେବାରେ ଲାଗିଛି । ସିତାମଢି ରେ ରାଲି  ସମୟରେ  ମୋଦୀ ଭବିଷ୍ୟବାଣୀ କରି କହିଥିଲେ  ମାତା ସୀତାଙ୍କ  ଆଶିର୍ବାଦ ମିଳିସାରିଛି ଆମକୁ  । ପୁଣି ଥରେ ଆମେ ବିହାରରେ ସରକାର ଗଠନ କରିବାକୁ ଯାଉଛ ।  ବିଜୟ ଉତ୍ସବର ପ୍ରସ୍ତୁତ କରି ନିଅନ୍ତୁ ।

ଅଧିକ ପଢନ୍ତୁ : ବାପାଙ୍କୁ ପଛରେ ପକାଇଲେ ପୁଅ

 ପିଏମ ମୋଦୀଙ୍କ ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।  ଅମିତ୍‌ ଶାହ ମଧ୍ୟ  ଭବିଷ୍ୟବାଣୀ କରି କହିଥିଲେ ଏନଡିଏ ଗଠବନ୍ଧନ  ପାଖାପାଖି ୧୬୦ ସିଟ୍‌ ଜିତିକି ଆସିବ  ।  ତେବେ ବିଜେପିର ଏହି ଚାଣକ୍ୟଙ୍କ କଥା ସତ ପ୍ରମାଣିତ ହୋଇଛି । ବିଜେପି  ୧୯୨ ସିଟ୍‌ରେ ଆଗକୁ ବଢୁଛି । ଏପଟେ  ନୂଆପଡ଼ା ଉପ ନିର୍ବାଚନରେ ୧୭  ରାଉଣ୍ଡ ସୁଦ୍ଧା ବିଜେପି ପ୍ରାର୍ଥୀ ୮୩ ହଜାରରୁ ଅଧିକ ଭୋଟରେ ଆଗୁଆ ଅଛନ୍ତି । ବିଜେଡି ପ୍ରାର୍ଥୀ ବର୍ତ୍ତମାନ ସୁଦ୍ଧା ୨୬ହଜାରରୁ ଅଧିକ ଭୋଟ୍ ପାଇଥିବାବେଳେ  କଂଗ୍ରେସ ମଧ୍ୟ ବିଜେଡିକୁ ତାଳ ଦେଇ ପାଖାପାଖି ୨୬ହଜାର ୭୫୩ ଭୋଟ୍ ପାଇଛି  । ସେପଟେ ବିହାର ନିର୍ବାଚନର ଟ୍ରେଣ୍ଡ ଦେଖିଲେ ଜଣାପଡ଼ୁଛି, ବିହାରରେ ନୀତିଶଙ୍କ ନେତୃତ୍ୱାଧୀନ ଏନଡିଏ ତେଜସ୍ୱୀଙ୍କ ମହାମେଣ୍ଟକୁ ବହୁ ପଛରେ ପକାଇଛି ।  ପୁଣି ଥରେ ବିହାରରେ ସରକାର ଗଢିବ ଏନଡିଏ ଏହା ସ୍ପଷ୍ଟ ହେଉଛି ।