ବାପାଙ୍କୁ ପଛରେ ପକାଇଲେ ପୁଅ

କନକ ବ୍ୟୁରୋ: ବାପାଙ୍କୁ ପଛରେ ପକାଇଲେ ପୁଅ । ରାଜେନ୍ଦ୍ର ଢୋଲକିଆଙ୍କୁ ଟପିଲେ ଜୟ ଢୋଲକିଆ । ଗତ ସାଧାରଣ ନିର୍ବାଚନରେ ଜୟ ଢୋଲକିଆଙ୍କ ବାପା ରାଜେନ୍ଦ୍ର ଢୋଲକିଆ ୬୧ ହଜାର ୮୨୨ ଭୋଟ୍ ପାଇଥିଲେ । ହେଲେ ଉପ ନିର୍ବାଚନରେ କିନ୍ତୁ ତାଙ୍କ ପୁଅ ଜୟ ଢୋଲକିଆ ବାପାଙ୍କୁ ଟପି ମାତ୍ର ୧୪ ରାଉଣ୍ଡ ସୁଦ୍ଧା ୬୮ ହଜାରରୁ ଅଧିକ ଭୋଟ୍ ପାଇସାରିଲେଣି । ଟ୍ରେଣ୍ଡରୁ ମିଳିଥିବା ସୂଚନା ମୁତାବକ, ୧୪ ରାଉଣ୍ଡ ସୁଦ୍ଧା ବିଜେପି ପ୍ରାର୍ଥୀ ୬୮ ହଜାର ୫୬୪ ଖଣ୍ଡ ଭୋଟ୍ ପାଇଛନ୍ତି । ଯାହାକି ତାଙ୍କ ରାଜେନ୍ଦ୍ର ଢୋଲକିଆଙ୍କ ୨୦୨୪ ଭୋଟ୍ ଠାରୁ ଢେର୍ ଅଧିକ ।

ଆହୁରି ପଢ଼ନ୍ତୁ : ’ବିହାର ମାନେ ନୀତୀଶ କୁମାର’ , ପାଟଣାରେ ଲାଗିଲା ପୋଷ୍ଟର

ଗତ ସାଧାରଣ ନିର୍ବାଚନରେ ବିଜେଡି ପ୍ରାର୍ଥୀ ରାଜେନ୍ଦ୍ର ଢୋଲକିଆ ନୂଆପଡ଼ାରୁ ୩୩.୬୫ ପ୍ରତିଶତ ଭୋଟ୍ ପାଇବା ସହିତ ନିର୍ବାଚନ ଜିତିଥିଲେ । ସେତେବେଳେ ସ୍ୱାଧୀନ ପ୍ରାର୍ଥୀ ଘାସିରାମ ମାଝୀ ପାଖାପାଖି ୫୦ ହଜାରରୁ ଅଧିକ ଭୋଟ୍ ପାଇଥିଲେ । ହେଲେ ଏଥର ବାଏ-ଇଲେକ୍ସନରେ କିନ୍ତୁ ବିଜେପି ବାଜି ମାରିନେଇଛି । ବାପାଙ୍କୁ ଟପି ଜୟ ଢୋଲକିଆ ୬୮ ହଜାରରୁ ଅଧିକ ଭୋଟ୍ ପାଇଛନ୍ତି, ଆଉ ତାହା ବି ପୁଣି ମାତ୍ର ୧୪ ରାଉଣ୍ଡ ସୁଦ୍ଧା ।

ଆହୁରି ପଢ଼ନ୍ତୁ : ଘାସିରାମ ମାଝୀଙ୍କ ବଡ଼ ଅଭିଯୋଗ: କଂଗ୍ରେସର ଏଜେଣ୍ଟଙ୍କୁ କିଣିନେଲା ବିଜେପି

୧୪ ରାଉଣ୍ଡ ସୁଦ୍ଧା କାହାକୁ କେତେ ଭୋଟ୍ ?

• ବିଜେପି- ୬୮, ୫୬୪
• ବିଜେଡି-୨୧,୮୫୧
• କଂଗ୍ରେସ-୨୧,୪୬୦
• ୪୬,୭୧୩ ଭୋଟରେ ବିଜେପି ପ୍ରାର୍ଥୀ ଜୟ ଢୋଲକିଆ ଆଗୁଆ