ଖେଳାଳିଙ୍କୁ ଧମକାଇଲା ଶ୍ରୀଲଙ୍କା କ୍ରିକେଟ ବୋର୍ଡ, ୧୨ ଜଣଙ୍କର ମୃତ୍ୟୁ ପରେ ଭୟଭୀତ ଶ୍ରୀଲଙ୍କା କ୍ରିକେଟ ଦଳ

କନକ ବ୍ୟୁରୋ: ଆଶଙ୍କାରେ ପାକିସ୍ତାନ ଟୁର । ଖେଳାଳିଙ୍କୁ ଧମକାଇଲା ଶ୍ରୀଲଙ୍କା କ୍ରିକେଟ ବୋର୍ଡ । ଇସଲାମବାଦରେ ଆତଙ୍କୀ ହମଲାରେ ୧୨ ଜଣଙ୍କର ମୃତ୍ୟୁ ପରେ ଭୟଭୀତ ଅବସ୍ଥାରେ ଶ୍ରୀଲଙ୍କା କ୍ରିକେଟ ଦଳ । ଘଟଣା ପରେ ଶ୍ରୀଲଙ୍କାର କ୍ରିକେଟ୍ ଦଳର କିଛି ଖେଳାଳି ଏବଂ କର୍ମଚାରୀମାନେ ସୁରକ୍ଷା କାରଣରୁ ପାକିସ୍ତାନ ଛାଡ଼ିବାକୁ ଅନୁରୋଧ କରିଛନ୍ତି । ଏହାର ଉତ୍ତରରେ ଶ୍ରୀଲଙ୍କା କ୍ରିକେଟ୍ ବୋର୍ଡ କଡ଼ା ବାଣୀ ଶୁଣାଇଛି । ବୋର୍ଡ କହିଛି, – ଟୁର୍ ଛାଡ଼ିବାକୁ ଚେଷ୍ଟା କରିଲେ ‘ଫରମାଲ୍ ରିଭ୍ୟୁ’ର ସାମ୍ନା କରିବେ । ଏହା ଶିଷ୍ଟାଚାର ଭଙ୍ଗର କାରଣ ହୋଇପାରେ । ଗତ ୨୦୦୯ ରେ ଶ୍ରୀଲଙ୍କା ଦଳ ଉପରେ ହୋଇଥିବା ଆକ୍ରମଣ ହମଲା ପରେ ବର୍ତ୍ତମାନ ପୁଣି ସେହି ପରିସ୍ଥିତି ସୃଷ୍ଟି ହୋଇଛି ।

ଫେବ୍ରୁଆରିରେ ଟି-ଟ୍ୱେଣ୍ଟି ବିଶ୍ୱକପ୍‌ ୨୦୨୬, ବିଶ୍ୱକପ୍‌ ପାଇଁ ଫାଇନାଲ୍‌ ହେଲା ୫ଟି ଭେନ୍ୟୁ

ପାକିସ୍ତାନକୁ ଅନ୍ତର୍ଜାତୀୟ କ୍ରିକେଟ ଫେରିଥିବା ବେଳେ ପୁଣି ଏହି ଆକ୍ରମଣ ପାଇଁ ବିଶ୍ବ ଜରବାରରେ ନିନ୍ଦିତ ହୋଇଛି । ସୂଚନା ଯୋଗ୍ୟ, ପ୍ରଥମ ଦିନିକିଆରେ ପାକିସ୍ତାନ ୬ ରନରେ ଶ୍ରୀଲଙ୍କାକୁ ପରାସ୍ତ କରିଥିଲା । ଶ୍ରୀଲଙ୍କା ବୋର୍ଡ ତରଫରୁ ଏହା ମଧ୍ୟ କୁହାଯାଇଛି ଯେ, “ପିସିବି ଓ ସୁରକ୍ଷାକର୍ମୀଙ୍କ ସମ୍ପୂର୍ଣ୍ଣ ସହଯୋଗରେ ଟୁର୍ ଚାଲୁ ରହିବ । ଖେଳାଳିମାନଙ୍କ ସୁରକ୍ଷା ନିଶ୍ଚିତ ।” ସେପଟେ ପିସିବି ଚେୟାରମ୍ୟାନ୍ ମୋହସିନ୍ ନକ୍‌ଭି ଶ୍ରୀଲଙ୍କା ଦଳକୁ ଭେଟି ସୁରକ୍ଷାର ଆଶ୍ୱାସନା ଦେଇଛନ୍ତି । ତେବେ ବଳକା ମ୍ୟାଚ୍‌ଗୁଡ଼ିକର ସମୟସୂଚୀ ପରିବର୍ତ୍ତନ କରାଯାଇଥିବା ଜଣାପଡ଼ିଛି ।

ଖେଳ ନଚେତ୍ ..
ଖେଳାଳିଙ୍କୁ ଧମକାଇଲା ଶ୍ରୀଲଙ୍କା କ୍ରିକେଟ ବୋର୍ଡ
ଆତଙ୍କବାଦୀ ହମଲା ପରେ ସ୍ବଦେଶ ଫେରିବାକୁ ବ୍ୟଗ୍ର ଖେଳାଳି
ଖେଳାଳିଙ୍କୁ ‘ଫରମାଲ୍ ରିଭ୍ୟୁ’ର ଧମକ
ନକ୍‌ଭି କହିଲେ, ସୁରକ୍ଷା ନିଶ୍ଚିତ
ବଳକା ମ୍ୟାଚ୍‌ର ସମୟ ପରିବର୍ତ୍ତନ