ଗଞ୍ଜେଇ ଚୋରାଚାଲାଣର ନୂଆ ତରିକା,  ଟ୍ରେନ୍‌ରେ ସ୍କୁଲ ବ୍ୟାଗ୍‌ରେ ହେଉଥିଲା ଚାଲାଣ

କନକ ବ୍ୟୁରୋ: ଗଞ୍ଜେଇ ଚାଲାଣକାରୀଙ୍କ ହବ୍‌ ପାଲଟିଛି ରାଉରକେଲା ରେଳ ଷ୍ଟେସନ । ଆରପିଏଫ, ପାର୍ସଲ କର୍ମଚାରୀଙ୍କ ସହ ଭିତିରି ସଲାସୁତୁରା କରି ରାଉରକେଲାରୁ ଟ୍ରେନ୍‌ ଯୋଗେ ଦିଲ୍ଲୀ, ଝାଡ଼ଖଣ୍ଡ ଓ ବିହାର ଭଳି ରାଜ୍ୟକୁ ଚାଲାଣ ହେଉଛି ଗଞ୍ଜେଇ । ସମ୍ବଲପୁର- ଜମ୍ମୁତାୱି ଏକ୍ସପ୍ରେସ୍‌ ଟ୍ରେନ୍‌ରେ ଏକ ପାର୍ସଲରୁ ବିପୁଳ ପରିମାଣର ଗଞ୍ଜେଇ ଜବତ ହୋଇଛି । ଦୁଇଟି ପ୍ଲାଷ୍ଟିକ୍‌ ବସ୍ତାରେ ୬୪ଟି ସ୍କୁଲ ବ୍ୟାଗରେ ଗଞ୍ଜେଇ ଚାଲାଣ ହେଉଥିବା ବେଳେ ଏହାକୁ ଜବତ କରିଛି ଆରପିଏଫ୍‌ । ଜବତ ଗଞ୍ଜେଇର ମୁଲ୍ୟ ଏକ କୋଟି ଟଙ୍କା ହେବ ବୋଲି ଅନୁମାନ କରାଯାଉଛି । 
ଗଞ୍ଜେଇ ଚାଲାଣର ନୂଆ ଫର୍ମୁଲା: କେତେବେଳେ ମାଛଗାଡ଼ି ତ କେତେବେଳେ ପରିବା ଗାଡ଼ି

ଏପଟେ ମଦ ବିକ୍ରିକୁ ବିରୋଧ କରି ତାତିଲେ ମହିଳା । ରାୟଗଡ଼ା ଜିଲ୍ଲା ମୁନିଗୁଡା ଥାନା ଅନ୍ତର୍ଗତ ବକ୍ସି ଶିରିପୁର ଛକରେ ବହୁସଂଖ୍ୟାରେ ମହିଳା ଏକାଠି ହୋଇ ବେଆଇନ ମଦ ବିକ୍ରିକୁ ବିରୋଧ କରିଛନ୍ତି । ଖବର ପାଇ ମୁନିଗୁଡା ପୁଲିସ ପହଞ୍ଚି ମଦ ଜବତ କରିଛି । ଦୋକାନୀକୁ ଥାନାକୁ ଉଠାଇ ନେଇଛି । ଏହି ମହିଳାମାନେ ମଦବିକ୍ରି ବନ୍ଦ ପାଇଁ ପୂର୍ବରୁ ପୁଲିସ ନିକଟରେ ଅଭିଯୋଗ କରିଛନ୍ତି । ତାସତ୍ୱେ ମଦ ବିକ୍ରି ବନ୍ଦ ନହେବାରୁ ଉତ୍ତ୍ୟକ୍ତ ମହିଳା ମାନେ ମଦ ଧରି ପୁଲିସକୁ ଖବର ଦେଇଥିଲେ। ତେବେ ମଦ ବ୍ୟବସାୟିଙ୍କୁ ଥାନାକୁ ନେବା ସମୟରେ ମହିଳା ମାନେ ପୁଲିସ ଗାଡିକୁ ଘେରାଉ କରିଥିଲେ। ଫଳରେ ପୁଲିସକୁ ନାକେଦମ ହେବାକୁ ପଡିଥିଲା ।