ପୌର ନିର୍ବାଚନ ପୂର୍ବରୁ ମହାରାଷ୍ଟ୍ର ମହାୟୁତିରେ ମହାଝଡ଼, ରାଣେ ଭାଇ ନୀତେଶ ଓ ନିଲେଶଙ୍କ ମଧ୍ୟରେ କଳି

କନକ ବ୍ୟୁରୋ: ଯେତିକି ପାଖେଇ ଆସୁଛି ମହାରାଷ୍ଟ୍ର ପୌର ନିର୍ବାଚନ, ସେତିକି ତେଜୁଛି ରାଜନୈତିକ ଦଳଙ୍କ ମଧ୍ୟରେ କଳି । ଏହା ଭିତରେ ବର୍ତ୍ତନ ମହାୟୁତି ସରକାରର ଦୁଇ ପ୍ରମୁଖ ଦଳ ଶିବସେନା ସିନ୍ଦେ ଗୋଷ୍ଠୀ ଏବଂ ବିଜେପି ମଧ୍ୟରେ ଆରୋପ ପ୍ରତ୍ୟାରୋପ ନୂଆ ମୋଡ଼ ନେଇଛି ।

ଅଧିକ ପଢ଼ନ୍ତୁ :ପୁଣେ ଜମି ଚୁକ୍ତିକୁ ନେଇ ସରଗରମ ମହାରାଷ୍ଟ୍ର ରାଜନୀତି, ଅଡ଼ୁଆରେ ଅଜିତ ପାୱାର

ନିକଟରେ ସିନ୍ଦୁଦୁର୍ଗର ବିଜେପି ନେତା ରବୀନ୍ଦ୍ର ଚୌହାନଙ୍କ ଘରେ ହଠାତ୍ ପହଞ୍ଚିଥିଲେ ଶିବସେନା ସିନ୍ଦେ ଗୋଷ୍ଠୀ ନେତା ନିଲେଶ ରାଣେ । ଭୋଟରଙ୍କୁ ପ୍ରଲୋଭିତ କରିବା ପାଇଁ ବିଜେପି ନେତା ଟଙ୍କା ବାଣ୍ଟୁଥିବା ଅଭିଯୋଗ କରିଥିଲେ । ଘରେ ଥିବା ଟଙ୍କାଭର୍ତ୍ତି ବ୍ୟାଗର ଭିଡିଓ ବନାଇଥିଲେ ଓ ସୋସିଆଲ ମିଡିଆରେ ଭାଇରାଲ କରିଥିଲେ । ବିଜେପି ନେତା ରବୀନ୍ଦ୍ର ଚୌହ୍ବାନଙ୍କ ବିରୋଧରେ ଥାନାରେ ଦ୍ବାରସ୍ଥ ମଧ୍ୟ ହୋଇଥିଲେ । ବର୍ତ୍ତମାନ ଘଟଣାକୁ ନେଇ ରାଣେ ପରିବାରର ଦୁଇଭାଇ ମୁହାଁମୁହିଁ ହୋଇଛନ୍ତି । ଯେଉଁଠି ନିଲେଶ ଭିଡିଓ ପ୍ରମାଣ ସହ ବିଜେପି ନେତାଙ୍କ ଉପରେ ଅଭିଯୋଗ ଆଣିଛନ୍ତି, ସେଠି ଏହି ଅଭିଯୋଗକୁ ଖଣ୍ଡନ କରିଛନ୍ତି ସାନଭାଇ ତଥା ବିଜେପି ବିଧାୟକ ନୀତେଶ ରାଣେ ।

ଅଧିକ ପଢ଼ନ୍ତୁ :୨୦ ବର୍ଷ ପରେ ଗୋଟିଏ ମଞ୍ଚରେ ଠାକରେ ବ୍ରଦର୍ସ, ମହାରାଷ୍ଟ୍ର ରାଜନୀତିରେ କେତେ ପଡିବ ପ୍ରଭାବ ?

 ମହାୟୁତି ମେଣ୍ଟର ଦୁଇ ସହଯୋଗୀ ଦଳ ନେତା ତଥା ରାଣେ ଭାଇଙ୍କ କଳିର ମଜା ନେଉଛି ମହାବିକାଶ ଅଘାଡ଼ି । ଏହାକୁ ଘର ଭିତରେ ଷ୍ଟିଙ୍ଗ୍ ଅପରେସନର ନାଁ ଦେଇଛି । ସେପଟେ ଭାରତୀୟ ଜନତା ପାର୍ଟି ମହାରାଷ୍ଟ୍ର ରାଜ୍ୟ ସଭାପତି ରବୀନ୍ଦ୍ର ଚାଭଣଙ୍କ ବୟାନ ନୂଆ ଝଡ଼ ସୃଷ୍ଟି କରିଛି ।  କଳେବଳେ କୌଶଳେ ଡିସେମ୍ବର ୨ ତାରିଖ ପର୍ଯ୍ୟନ୍ତ  ମେଣ୍ଟକୁ ବଞ୍ଚାଇବାକୁ ପଡ଼ିବ ବୋଲି ଚାଭଣେଙ୍କ ବୟାନ ଉପରେ ଜବାବ ରଖିଛି ଶିବସେନା । ୨ ତାରିଖ ପର୍ଯ୍ୟନ୍ତ  ଦଳ ମେଣ୍ଟରେ ରହିବାକୁ ଚାହୁଛି ନା ନାହିଁ ବିଜେପି ନେତାଙ୍କୁ ପାଲଟା ପ୍ରଶ୍ନ କରିଛି ଦଳ ।

ଅଧିକ ପଢ଼ନ୍ତୁ :ବଢିଲା ମହାରାଷ୍ଟ୍ର ମୁଖ୍ୟମନ୍ତ୍ରୀଙ୍କ ଅଡୁଆ: ନିର୍ବାଚନୀ ଟ୍ୟାମ୍ପରିଂ ଅଭିଯୋଗରେ ବମ୍ବେ କୋର୍ଟରୁ ଫଡନାଭିସଙ୍କୁ ସମନ ଜାରି

ଡିସେମ୍ବର ୨ରେ ମହାରାଷ୍ଟ୍ରରେ ହେବ ପୌର ନିର୍ବାଚନ । ମତଦାନ ପୂର୍ବରୁ ମହାୟୁତିର ଦୁଇ ସହଯୋଗୀଙ୍କ ମଧ୍ୟରେ ଭୋଟ୍ ଲାଞ୍ଚ ଅଭିଯୋଗକୁ ନେଇ ରାଜ୍ୟ ରାଜନୀତିରେ ନୂଆ ଝଡ଼ ସୃଷ୍ଟି ହୋଇଛି । ଏଇଠି କହି ରଖୁଛୁ, ନୀଲେଶ ରାଣେ କୁଡ଼ାଲରୁ ଶିବସେନା ସିନ୍ଦେ ଗୋଷ୍ଠୀର ବିଧାୟକ ଥିବାବେଳେ ଭାଇ ନୀତେଶ ରାଣେ ବିଜେପି ଟିକେଟରେ  କଙ୍କାବଳୀ ବିଧାୟକ ଅଛନ୍ତି । ସେହିପରି  ବାପା ନାରାୟଣ ରାଣେ ମହାରାଷ୍ଟ୍ର ରାଜନୀତିର ଜଣେ ତୁଙ୍ଗନେତା ଓ ପୂର୍ବରୁ ମୁଖ୍ୟମନ୍ତ୍ରୀ ଥିଲେ । ବର୍ତ୍ତମାନ ରତ୍ନଗିରି ଲୋକସଭା ଆସନରୁ ଜିତି ସାଂସଦ ଅଛନ୍ତି ।