କନକ ବ୍ୟୁରୋ:  ଢେଙ୍କାନାଳ ପରଜଙ୍ଗ ଥାନା ଆମ୍ବପଳାସ ଗାଁରେ ମୁଖାପିନ୍ଧା ଗ୍ୟାଙ୍ଗ ଦ୍ୱାରା ସଶସ୍ତ୍ର ଡକାୟତି । ବନ୍ଧୁକ ଓ ମାରଣାସ୍ତ୍ର ଦେଖାଇ ଦୁଇ ଜଣଙ୍କ ଘରୁ ଲୁଟିନେଲେ ଲକ୍ଷାଧିକ ଟଙ୍କା ଓ ସୁନା ଅଳଙ୍କାର ।  

Advertisment

ଆହୁରି ପଢ଼ନ୍ତୁ : ନୀଳଗିରିରେ ବେଫିକର୍ ଲୁଟେରା ; ବେଧଡ଼କ ଚାଲିଛି ଲୁଟ୍‌ପାଟ

ସୂଚନା ଅନୁସାରେ ଆମ୍ବପଳାସ ଗାଁର ରମେଶ ମହାପାତ୍ରଙ୍କ ଘରେ ସ୍ତ୍ରୀ ଏକା ଥିବାବେଳେ ଆଠରୁ ଦଶ ଜଣ ମୁଖାପିନ୍ଧା ଦୁର୍ବୃତ୍ତ କବାଟ ଭାଙ୍ଗି ଘରେ ପଶିଥିଲେ । ଘରର ବାହାରୁ ସିସିଟିଭି ତାର କାଟିଥିବାବେଳେ ରମେଶଙ୍କ ସ୍ତ୍ରୀଙ୍କୁ ବନ୍ଧୁକ ଦେଖାଇ ଭୟଭୀତ କରାଇଥିଲେ ।  

ଆହୁରି ପଢ଼ନ୍ତୁ: ଆଇନଜୀବୀଙ୍କ ଘରୁ କଳାକନା ବୁଲାଇଲେ ଦୁର୍ବୃତ୍ତ ; ୩ ଲକ୍ଷ ଟଙ୍କା ସହ  ୧୦ ଭରି ସୁନା ଗହଣା ଲୁଟ୍‌

ପରେ ମାରଣାସ୍ତ୍ର ଦେଖାଇ ତାଙ୍କ ଘରୁ ଲକ୍ଷାଧିକ ଟଙ୍କା ଓ ବହୁ ମୂଲ୍ୟବାନ ସୁନାଗହଣା ଲୁଟି ନେଲେ । ପରେ ସେହି ଗାଁର ଗଗନ ମହାପାତ୍ରଙ୍କ ଘରେ ପଶି ତାଙ୍କ ମାଙ୍କୁ ସମାନ ଭାବେ ଭୟଭୀତ କରାଇ ସେ ପିନ୍ଧିଥିବା ସୁନା କାନଫୁଲ ଓ ଘରୁ ଟଙ୍କା ଲୁଟି ନେଇଛନ୍ତି ଲୁଟେରା ଗ୍ୟାଙ୍ଗ । ଏହି ସମୟରେ କିଛି ସ୍ଥାନୀୟ ଲୋକ ଖବର ପାଇଯିବାରୁ ଡକାୟତ ଗ୍ୟାଙ୍ଗ ସେଠାରୁ ଫେରାର ହୋଇ ଯାଇଥିଲେ। ଖବର ପାଇ ପରଜଙ୍ଗ ପୁଲିସ୍ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।