ଜମ୍ମୁ-କାଶ୍ମୀରରେ ସାମ୍ବାଦିକଙ୍କ ଘରଭଙ୍ଗା ନେଇ ରାଜନୀତି, ପ୍ରତିଶୋଧ ପରାୟଣ ହୋଇ ଭାଙ୍ଗିଥିବା ଅଭିଯୋଗ

କନକ ବ୍ୟୁରୋ:  ଜମ୍ମୁ-କାଶ୍ମୀରରେ ସାମ୍ବାଦିକଙ୍କ ଘର ଭଙ୍ଗା ଘଟଣା ନେଇ ରାଜନୀତି ଜୋର୍ ଧରିଛି । ସାମ୍ବାଦିକ ଅରଫାଜ୍ ଅହମ୍ମଦ ଅଭିଯୋଗ କରିଛନ୍ତି, ସୀମାରେ ଡ୍ରଗ୍ସ ଚୋରା ଚାଲାଣ ସମେତ ଅନେକ ସମ୍ବେଦନଶୀଳ ଘଟଣା ଉପରେ ରିପୋର୍ଟିଂ କରିଥିବାରୁ ତାଙ୍କୁ ଟାର୍ଗେଟ୍ କରାଯାଇଛି। କର୍ତ୍ତୃପକ୍ଷ ଏହାକୁ ଅବୈଧ ନିର୍ମାଣ ବୋଲି ଦର୍ଶାଇଛନ୍ତି । ପ୍ରତିଶୋଧ ପରାୟଣ ହୋଇ ତାଙ୍କ ଘର ଭାଙ୍ଗି ଦିଆଯାଇଛି । ଏହି ସମ୍ପୂର୍ଣ୍ଣ ଘଟଣାକ୍ରମ ମଧ୍ୟରେ ଏକ ମାନବିକତାର ବାର୍ତ୍ତା ଦେଖିବାକୁ ମିଳିଛି ।

ଅଧିକ ପଢନୁ : ଜମ୍ମୁ-କାଶ୍ମୀରର ପ୍ରଥମ ବ୍ୟକ୍ତି ବିସିସିଆଇ ଦାୟିତ୍ୱ ନେଲେ: ମିଥୁନ ମନହାସ ହେଲେ ନୂଆ ସଭାପତି

ସାମ୍ବାଦିକ ଅରଫାଜ୍ ଅହମ୍ମଦଙ୍କୁ ତାଙ୍କ ପଡ଼ୋଶୀମାନେ ସମର୍ଥନ ଜଣାଇବା ସହ ସେ ପୁଣିଥରେ ଘର ତିଆରି କରିବା ପାଇଁ ଜମି ଉପହାର ଦେଇଛନ୍ତି । ସାମ୍ବାଦିକଙ୍କ ଘର ଭଙ୍ଗା ଯାଇଥିବା ଅଞ୍ଚଳରେ ଅନେକ ହିନ୍ଦୁ ଏବଂ ମୁସଲମାନ ବାସ କରୁଛନ୍ତି । ସାମ୍ବାଦିକଙ୍କ ଘର ଅବୈଧ ନିର୍ମାଣ ଦର୍ଶାଇ ପ୍ରଶାସନ ଭାଙ୍ଗି ଦେଇଛି । ଘର ଭଙ୍ଗାଯିବା ପରେ ରାଜନୈତିକ ଦଳଗୁଡ଼ିକ ଗଣତନ୍ତ୍ରରେ ଗଣମାଧ୍ୟମର ସ୍ୱାଧୀନତା ଉପରେ ପ୍ରଶ୍ନ ଉଠାଇଛନ୍ତି । ଉପ-ରାଜ୍ୟପାଳଙ୍କ ଉପରେ ଦୋଷ ଠେଲିଛନ୍ତି ମୁଖ୍ୟମନ୍ତ୍ରୀ । ଉପ-ରାଜ୍ୟପାଳ କହିଛନ୍ତି, ଘର ଭାଙ୍ଗିବାକୁ ସେ ଆଦେଶ ଦେଇ ନାହାନ୍ତି ।