କନକ ବ୍ୟୁରୋ: ଲାଗିଲା ଧାରା ୧୬୩ । ପୁଣି ଥରେ ବନ୍ଦ ହେଲା ଜଟାଧାର ମୁହାଣ ବେଳାଭୂମିରେ ବାଲିଯାତ୍ରା ମହୋତ୍ସବ । ୨୦୨୪ ରେ ପ୍ରଶାସନ ପକ୍ଷରୁ ବନ୍ଦ କରାଯାଇଥିବାବେଳେ ଚଳିତ ବର୍ଷ ମଧ୍ୟ ସମାନ ସ୍ଥିତି । ଚଳିତ ବର୍ଷ ଯଦି ଏହି ମହୋତ୍ସବ ଆୟୋଜିତ ହୁଏ ତେବେ ଆଇନ୍‌ ଶୃଙ୍ଖଳା ବିପର୍ଯ୍ୟସ୍ତ ହେବାର ଆଶଙ୍କା କରି ଅଭୟଚାନ୍ଦପୁର ଥାନା ଅଧିକାରୀ ଏକ ଚିଠି ଜିଲ୍ଲା ପ୍ରଶାସନକୁ ଦେଇଥିଲେ । ଅଭୟଚାନ୍ଦପୁର ଥାନା ଅଧିକାରୀ ତାଙ୍କ ରିପୋର୍ଟରେ ବୋସକାଲିସ୍ ପଏଣ୍ଟ ଅଞ୍ଚଳରେ ଢିଙ୍କିଆ ସରପଞ୍ଚ ପିଙ୍କି ଦାସ, ତାଙ୍କ ସ୍ଵାମୀ ନୂତନ ଦାସ, ଜେଏସଡବ୍ଲ୍ୟୁ ବିରୋଧୀ ନେତା ମୁରଲୀଧର ସାହୁ, ଦେବେନ୍ଦ୍ର ସ୍ୱାଇଁ, ପ୍ରଦୀପ୍ତ ଶତପଥି ପ୍ରମୁଖ ଜଟାଧାର ମୁହାଣ ବେଳାଭୂମିରେ ବାଲିଯାତ୍ରା ମହୋତ୍ସବ ଆୟୋଜନ କରିବା ପାଇଁ ଚେଷ୍ଟା କରୁଥିଲେ । ଅପରପକ୍ଷରେ ଜେଏସଡବ୍ଲ୍ୟୁ ସମର୍ଥକମାନେ ମଧ୍ୟ ସମାନ ସ୍ଥାନରେ ବାଲି ଯାତ୍ରା ଆୟୋଜନ କରିବାକୁ ଉଦ୍ୟମ କରୁଥିଲେ । ଯାହାକୁ ନେଇ ସେଠାରେ  ଆଇନ୍ ଶୃଙ୍ଖଳା ପରିସ୍ଥିତ ବିପର୍ଯ୍ୟସ୍ତ ହେବାର ଆଶଙ୍କା ନେଇ ନମ୍ବର-୧୩୫୧ ରେ ଚିଠି ଜିଲ୍ଲା ପ୍ରଶାସନକୁ ଚିଠି ଲେଖିଥିଲେ । 

Advertisment

ଏନଡିଏର ସଙ୍କଳ୍ପ ପତ୍ର : ୧ କୋଟି ଚାକିରି, ୧ କୋଟି ମହିଳାଙ୍କୁ ଲକ୍ଷପତି ଦିଦି କରିବାକୁ ପ୍ରତିଶ୍ରୁତି

ଏହାକୁ ଆଧାର କରି ଉପଜିଲ୍ଲାପାଳ  ବୋସକାଲିସ୍ ପଏଣ୍ଟ ଅଞ୍ଚଳରେ ତୁରନ୍ତ ଭାରତୀୟ ନାଗରିକ ସଂହିତାର ଧାରା ୧୬୩ ଜାରୀ କରିଛନ୍ତି ।  ଏକମାସ ପର୍ଯ୍ୟନ୍ତ ଏହା ବଳବତ୍ତର ରହିବ ବୋଲି ଉପଜିଲ୍ଲାପାଳଙ୍କ ପତ୍ର ସଂଖ୍ୟା ୨୯/୨୦୨୫ରୁ ଜଣା ପଡିଛି । ଉକ୍ତ ଅଞ୍ଚଳରେ ୫ ଜଣରୁ ଅଧିକ ଲୋକଙ୍କ ଏକତ୍ରିତ ହେବା ଉପରେ ରୋକ୍ ଲଗା ଯାଇଛି । ଗତ ରବିବାର ଦିନ ଉପଜିଲ୍ଲାପାଳ ପ୍ରଶାନ୍ତ କୁମାର ତରାଇଙ୍କ ପତ୍ର ସଂଖ୍ୟା ୨୮/୨୦୨୫ରେ ଢିଙ୍କିଆ ଗ୍ରାମ ପଞ୍ଚାୟତ ପଡିଆଠାରୁ ଫୁଲଖାଇ ମନ୍ଦିର ପର୍ଯ୍ୟନ୍ତ ଅଞ୍ଚଳରେ ଭାରତୀୟ ନାଗରିକ ସଂହିତାର ଧାରା ୧୬୩ ଜାରୀ କରାଯାଇଥିଲା । ଫଳରେ ଏଠାରେ କୌଣସି ସଭାସମିତି ଓ ୫ ଜଣରୁ ଅଧିକ ଲୋକ ଏକଜୁଟ୍ ହେବା ଉପରେ ରୋକ୍ ଲଗାଯାଇଥିଲା । ଏହା ୨୭ଅକ୍ଟୋବର ଠାରୁ ୨୭ ନଭେମ୍ବର ପର୍ଯ୍ୟନ୍ତ ଲାଗୁ ହୋଇଛି ।