ହଂକଂରେ ଭୟଙ୍କର ଅଗ୍ନିକାଣ୍ଡ, ମୃତ୍ୟୁସଂଖ୍ୟା ୧୩୦କୁ ବୃଦ୍ଧି

କନକ ବ୍ୟୁରୋ : ହଂକଂରେ ଭୟଙ୍କର ଅଗ୍ନିକାଣ୍ଡରେ ମୃତ୍ୟୁସଂଖ୍ୟା ୧୩୦କୁ ବୃଦ୍ଧି । ଘଟଣାରେ ଦେଖାଦେଇଛି ନୂଆ ମୋଡ଼ । ଆପାର୍ଟମେଣ୍ଟ ଲୋକଙ୍କ ଅନୁଯାୟୀ,ବର୍ଷେ ତଳୁ ସେମାନେ ପ୍ରଶାସନକୁ ଆପାର୍ଟମେଣ୍ଟର ନବୀକରଣ ସହ ଅଗ୍ନି ନିରାପତ୍ତା ବ୍ୟବସ୍ଥା  ସର୍ମ୍ପକରେ ଜଣାଇଥିଲେ। ହେଲେ ପ୍ରଶାସନ କିଛି ଶୁଣିନଥିଲା । ବର୍ତ୍ତମାନ ପ୍ରତି ଆପାର୍ଟମେଣ୍ଟରେ ଅଗ୍ନିଶମ କର୍ମଚାରୀ ପହଞ୍ଚିଛନ୍ତି । ହଂକଂ ଇତିହାସରେ ସବୁଠାରୁ ଭୟଙ୍କର ଅଗ୍ନିକାଣ୍ଡ ଭାବରେ ପରିଗଣିତ ହୋଇଥିବା ଏହି ଘଟଣାରେ ମୃତ୍ୟୁସଂଖ୍ୟା ବଢ଼ି ୧୩୦ରେ ପହଞ୍ଚିଛି ।

ଅଧିକ ପଢନ୍ତୁ : ହଂକଂରେ ଭୟଙ୍କର ଅଗ୍ନିକାଣ୍ଡ,  ହଂକଂର ତାଇପୋ ଅଞ୍ଚଳର ସରକାରୀ କମ୍ପ୍ଲେକ୍ସ୍‌ରେ ନିଆଁ ଲାଗି ୪୪ ମୃତ

 ତାଇପୋ ଜିଲ୍ଲାର ଆପାର୍ଟମେଣ୍ଟ କମ୍ପ୍ଲେକ୍ସର ୭ଟି ବ୍ଲକକୁ ନିଆଁ ବ୍ୟାପିଯିବାରୁ ମର୍ମନ୍ତୁଦ ଦୁର୍ଘଟଣା ଘଟିଛି । ଦୁଇଦିନ ପରେ ମଧ୍ୟ ଅଗ୍ନିଶମ କର୍ମଚାରୀମାନେ ଜୀବିତ ଥିବା କୌଣସି ବ୍ୟକ୍ତିଙ୍କୁ ଉଦ୍ଧାର ଓ ମୃତଦେହ ଠାବ କରିବା ପାଇଁ ଖୋଜାଖୋଜିକୁ ଜୋର୍ କରିଛନ୍ତି । ସୂଚନା ଅନୁଯାୟୀ, ଅଗ୍ନିକାଣ୍ଡ ସମୟରେ ବିଲ୍ଡିଂଗୁଡ଼ିକର ବାହାରେ ମରାମତି ଚାଲିଥିଲା । ବାଉଁଶ ମଞ୍ଚା ଏବଂ ଅତ୍ୟଧିକ ଫୋମ୍ ପ୍ୟାନେଲ ଲାଗିଥିବାରୁ ନିଆଁ ଅତି ଶୀଘ୍ର ଗୋଟିଏ ଟାୱାରରୁ ଅନ୍ୟ ଟାୱାରକୁ ବ୍ୟାପିଥିଲା । ୨୦୦ରୁ ଅଧିକ ଲୋକ ଏବେ ବି ନିଖୋଜ ଥିବା କୁହାଯାଉଛି । ଏହି ଘଟଣାରେ ପୁଲିସ୍ ୧୧ ଜଣଙ୍କୁ ଗିରଫ କରିଛି ।