ରତ୍ନ ଭଣ୍ଡାର ଗଣତି ମଣତି ପ୍ରସଙ୍ଗ ; ୨୭ରେ ବସିବ ତଦାରଖ କମିଟିର ଉଚ୍ଚସ୍ତରୀୟ ବୈଠକ

କନକ ବ୍ୟୁରୋ : ମହାପ୍ରଭୁଙ୍କ ରତ୍ନ ଅଳଙ୍କାରର ଗଣତି ମଣତିକୁ ନେଇ ଆସିଲା ବଡ଼ ଖବର, ଆସନ୍ତା ୨୭ ତାରିଖରେ ରତ୍ନଭଣ୍ଡାର ତଦାରଖ କମିଟିର ଉଚ୍ଚସ୍ତରୀୟ ବୈଠକ ବସିବ । ଅପରାହ୍ଣ ୪ଟାରେ ଗୁରୁତ୍ୱପୂର୍ଣ୍ଣ ଆଲୋଚନା ହେବ । ସେହି ବୈଠକରେ ତାରିଖ ନିର୍ଦ୍ଧାରିତ ହେଵ ଓ ଗଣତି ଓ ମଣତି ପାଇଁ ପ୍ରସ୍ତୁତ ହେବ ରୂପରେଖ । ଜାନୁଆରୀ ମାସରେ ମହାପ୍ରଭୁଙ୍କ ଅଳଙ୍କାରର ହୋଇପାରେ ମଣତି ଗଣତି । ପାଞ୍ଜି ଦେଖି ୨ଟି ତାରିଖ ନିର୍ଦ୍ଧାରିତ ହେବ ଓ ସେହି ତାରିଖକୁ ପରିଚାଳନା କମିଟିକୁ ସୁପାରିଶ କରାଯିବ । ପରିଚାଳନା କମିଟି ଗଣତିମଣିତ ତାରିଖ ଧାର୍ଯ୍ୟ କରି ରାଜ୍ୟ ସରକାରଙ୍କ ନିକଟକୁ ପଠାଇବେ । ଏହି ସୂଚନା ଦେଇଛନ୍ତି ଉଚ୍ଚସ୍ତରୀୟ କମିଟି ଅଧ୍ୟକ୍ଷ ଜଷ୍ଟିସ ବିଶ୍ୱନାଥ ରଥ । ମହାପ୍ରଭୁଙ୍କ ଅଳଙ୍କାରର ଗଣତି ପାଇଁ ସମସ୍ତ ପ୍ରସ୍ତୁତି ଶେଷ ହୋଇଛି । ଗଣତି ମଣତି ସମୟରେ ଦର୍ଶନ ବ୍ୟବସ୍ଥାକୁ ଶୃଙ୍ଖଳିତ କରାଯିବ । ସେଥିପାଇଁ ସହଯୋଗ କରିବାକୁ ଭକ୍ତଙ୍କୁ ନିବେଦନ କରିଛନ୍ତି ଜଷ୍ଟିସ ରଥ ।  

ମହାପ୍ରଭୁଙ୍କ ଅଳଙ୍କାର ;କେବେ ହେବ ମଣତି ଓ ଗଣତି? 

• ରତ୍ନଭଣ୍ଡାର ଅଳଙ୍କାର ଗଣତି ମଣତି ପ୍ରସ୍ତୁତି ଶେଷ 
• ଆସନ୍ତା ୨୭ରେ ରତ୍ନଭଣ୍ଡାର ତଦାରଖ କମିଟିର ବୈଠକ
• ଅପରାହ୍ଣ ୪ଟା ବେଳେ ଗୁରୁତ୍ୱପୂର୍ଣ୍ଣ ଆଲୋଚନା 
• ବୈଠକରେ ନିର୍ଦ୍ଧାରିତ ହେବ ଗଣତି ତାରିଖ
• ଗଣତି ମଣତି ନେଇ ରୂପରେଖ ପ୍ରସ୍ତୁତ ହେବ 
• ପାଞ୍ଜି ଦେଖି ଗଣତି ପାଇଁ ୨ ଟି ତାରିଖ ଧାର୍ଯ୍ୟ କରାଯିବ
• ସେହି ତାରିଖକୁ ମନ୍ଦିର ପରିଚାଳନା କମିଟିକୁ ସୁପାରିଶ କରାଯିବ
• ପରିଚାଳନା କମିଟି ରାଜ୍ୟ ସରକାରଙ୍କ ନିକଟକୁ ପଠାଇବ
• ଜାନୁଆରୀ ମାସରେ ହୋଇପାରେ ରତ୍ନଅଳଙ୍କାରର ଗଣତି
• ମଣତି ଗଣତି ସମୟରେ ଦର୍ଶନ ବ୍ୟବସ୍ଥାକୁ ଶୃଙ୍ଖଳିତ କରାଯିବ
• ସହଯୋଗ ପାଇଁ ଭକ୍ତଙ୍କୁ ନିବେଦନ କଲେ ଜଷ୍ଟିସ ବିଶ୍ୱନାଥ ରଥ 

ଅଧିକ ପଢ଼ନ୍ତୁ---ପରିବହନ ମନ୍ତ୍ରୀଙ୍କ ବଡ଼ ସୂଚନା ; ମାସେ ବଢ଼ିଲା ପିୟୁସିସି ଅବଧି