ବୃଦ୍ଧାଙ୍କ ମୃତ୍ୟୁ ପରେ ୨୦ ଘଣ୍ଟା ହେଲା ପଡ଼ିରହିଛି ମୃତଦେହ; ସାମାଜିକ ବାସନ୍ଦ ଉଠାଇବାକୁ ଅଡ଼ିବସିଛନ୍ତି ମୃତକଙ୍କ ପରିବାର

କନକ ବ୍ୟୁରୋ : ଗଞ୍ଜାମ ଜିଲ୍ଲା ଧରାକୋଟରେ ଏକ ଅଭାବନୀୟ ଘଟଣା ସାମ୍ନାକୁ ଆସିଛି । ବୃଦ୍ଧାଙ୍କ ମୃତ୍ୟୁ ପରେ ୨୦ ଘଣ୍ଟା ହେଲା ପଡ଼ିରହିଛି ମୃତଦେହ । ମୃତକଙ୍କ ପରିବାରକୁ ଗାଁଲୋକେ ସାମାଜିକ ବାସନ୍ଦ କରିଥିବାରୁ ବାସନ୍ଦ ଉଠାଇବାକୁ ଅଡ଼ିବସିଛନ୍ତି ପରିବାର ଲୋକେ । ଧରାକୋଟ ଥାନା କମାଶାସନ ଗାଁରେ ଏଭଳି ଚିତ୍ର ସାମ୍ନାକୁ ଆସିଛି ।

ଅଧିକ ପଢ଼ନ୍ତୁ : ଯୌତୁକ ପାଇଁ ମାରି ଟାଙ୍ଗିଦେଲେ: ଥାନାରେ ପରିବାର ଲୋକଙ୍କ ଅଭିଯୋଗ

କମାଶାସନ ଗାଁର ୬୫ ବର୍ଷୀୟ ବୃଦ୍ଧା ଏସ୍. ରତ୍ନାଲୁ ରେଡ୍ଡୀଙ୍କ ଦେହାନ୍ତ ହୋଇଛି । ତାଙ୍କର ସ୍ଵାମୀ ଓ ଦୁଇ ପୁଅଙ୍କର ପୂର୍ବରୁ ଦେହାନ୍ତ ହୋଇଥିଲା । ଏବେ ପାଖରେ ଅଛନ୍ତି ଦୁଇ ଝିଅ । ଶବ ସତ୍କାର କରିବା ପାଇଁ ଗାଁ ଲୋକ ରାଜି ହେଉଛନ୍ତି । ହେଲେ ତାଙ୍କ ପରିବାରୁ କାହିଁକି ବାସନ୍ଦ କରାଯାଇଛି ତାହାର ସମାଧାନ ନ ହେବା ପର୍ଯ୍ୟନ୍ତ ଶବ ଉଠିବନି ବୋଲି ଝିଅ ମାନେ ଅଡ଼ି ବସିଛନ୍ତି । ଏହି ଘଟଣା ନେଇ ଧରାକୋଟ ଥାନାରେ ପୂର୍ବରୁ ଅନେକବାର ଅଭିଯୋଗ ବି ହୋଇଛି ।