କନକ ବ୍ୟୁରୋ: ପାରାଦୀପରୁ ଆସିଲା ଏକ ଚାଞ୍ଚଲ୍ୟକର ଘଟଣା । ଯୌତୁକ ପାଇଁ ଝିଅକୁ ମାରି ଦେଇଥିବା ଅଭିଯୋଗ । ବିବାହର ୭ ବର୍ଷ ପରେ ବୋହୂକୁ ଯୌତୁକ ପାଇଁ ମାରି ଟାଙ୍ଗି ଦେଇଥିବା ଅଭିଯୋଗ ଆଣିଲେ ପରିବାର ଲୋକେ । ଏଭଳି ଏକ ଘଟଣା ଘଟିଛି କୁଜଙ୍ଗ ବ୍ଳକ ବଗଦିଆ ଗ୍ରାମର କରୁଣାକର ସାହୁଙ୍କ ଘରେ । 

Advertisment

ଦିନକ ପରେ ସଂସଦର ଶୀତ ଅଧିବେଶନ: ପ୍ରସଙ୍ଗ ଧରି ବିରୋଧୀ ପ୍ରସ୍ତୁତ, ସରକାର ତୟାର

ସୂଚନା ମୁତାବକ କେନ୍ଦ୍ରାପଡା ଜିଲ୍ଲା ପାଟକୁରା ଅଞ୍ଚଳ ର ସୁବାସ ଚନ୍ଦ୍ର ସାହୁଙ୍କ ଝିଅ ମିନତୀ ସହିତ କୁଜଙ୍ଗ ବ୍ଲକ ବଗଦିଆ ଗ୍ରାମର କରୁଣାକର ସାହୁଙ୍କ ପୁଅ ପୁଷ୍କର ଙ୍କର ୭ ବର୍ଷ ତଳେ ବିବାହ ସମ୍ପନ୍ନ ହୋଇଥିଲା । ବିବାହ ପରେ ପୁଷ୍କର ବାହାର ରାଜ୍ୟ ରେ ଚାକିରି କରୁଥିବା ବେଳେ ଘରେ ଶାଶୁ, ଶ୍ୱଶୁର ବୋହୁ ମିନତୀକୁ ଅଧିକ ଯୌତୁକ ପାଇଁ ଦାବି କରୁଥିଲେ । ଏପରିକି ମିନତୀକୁ ଶାରିରିକ ଓ ମାନସିକ ନିର୍ଯାତନା ଦିଆଯାଉଥିବା ବେଳେ ଅନେକ ସମୟରେ ଏହାକୁ ନେଇ ଉଭୟ ପରିବାରଙ୍କ ମଧ୍ୟରେ ବହୁ ଥର ଆପୋଷ ସମାଧାନ କରାଯାଇଥିଲା । ଗତକାଲି ସନ୍ଧ୍ୟାରେ ପୁଷ୍କର ମୁମ୍ବାଇ ପଳାଇଥିଲେ । ରାତିରେ ପରିବାର ପକ୍ଷରୁ ଫୋନ କରି ମିନତି ଗୁରୁତର ଥିବା କହିବା ସହିତ ତୁରନ୍ତ ପହଁଚିବାକୁ କହିଥିଲେ । ଝିଅ ର ଭାଇ ଓ ପରିବାର ଆସି ପହଞ୍ଚି ଝିଅ ବେକରେ ରଶିରେ ଝୁଲୁଥିବା ଦେଖିଥିଲେ । ତେବେ ଝିଅ କୁ ଶାଶୁଘର ଲୋକ ମାରି ଟାଙ୍ଗି ଦେଇଥିବା ପରିବାର ପକ୍ଷରୁ ଅଭୟଚାନ୍ଦପୁର ଥାନାରେ ଅଭିଯୋଗ ହୋଇଥିବା ବେଳେ ପୁଲିସ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହିତ ଅଧିକ ତଦନ୍ତ ଆରମ୍ଭ କରିଛି ।