ପାରାଦୀପ ବନ୍ଦରରେ ଅଘଟଣ: ଜାହାଜରେ ଲାଗିଲା ନିଆଁ

କନକ ବ୍ୟୁରୋ: ଜାହାଜରେ ଲାଗିଲା ନିଆଁ । ପାରାଦୀପ ବନ୍ଦରର ଏକ ଜାହାଜରେ କୋଇଲା ବୋଝେଇ ସମୟରେ ନିଆଁ ଲାଗିଯାଇଛି ।  ଜୋରରେ ଧୂଆଁ ବାହାରୁଥିବା ଦେଖିବାକୁ ମିଳିଛି । ପାରାଦ୍ଵୀପ ବନ୍ଦରର ଚେନ୍ନାଇ ରାଧା ବର୍ଥରେ ଘଟିଛି ଏଭଳି ଅଘଟଣ । ଇକୋ କଲୋନେଲ ମନୋରଭିଆ ନାମକ ଏହି ଜାହାଜରେ କୋଇଲା ଲୋଡିଂ ସମୟରେ ନିଆଁ ଲାଗିଛି । ଚେନ୍ନାଇ ରାଧା ବର୍ଥରେ କନଭର ବେଲ୍ଟ ଦ୍ବାରା ଜାହାଜରେ ଲୋଡିଂ ହେଉଥିଲା ଥର୍ମାଲ କୋଇଲା । ନିଆଁ ଲାଗିବାରୁ ଜାହାଜକୁ ସିକ୍ୟୁ-୨ ବର୍ଥକୁ ଅଣାଯାଇ ଜାହାଜରୁ କୋଇଲା କଢାଯାଇ ପାଣି ସ୍ପ୍ରେ କରାଯାଇଛି । ଥର୍ମାଲ କୋଇଲାଗୁଡ଼ିକ ସାଧାରଣତଃ ଗରମ ରହିଥାଏ । ସେଗୁଡ଼ିକୁ ଜାହାଜରେ ଲୋଡିଂ ସମୟରେ ପାଣି ମାରି ଲୋଡିଂ କରାଯାଇଥାଏ । ତେବେ ବିଳମ୍ବିତ ରାତିରେ କୋଇଲା ଲୋଡିଂ ସମୟରେ ପାଣି ମରାଯାଇନଥିବାରୁ ଏଭଳି ଅଘଟଣ ଘଟିଥିବା ଅନୁମାନ କରାଯାଉଛି । 

ଆହୁରି ପଢ଼ନ୍ତୁ : ଭଦ୍ରକ ବିଜେଡିରେ କମ୍ପନ: ଥରକେ ଛାଡ଼ିଲେ ୩ ବ୍ଲକ୍‌ ଅଧ୍ୟକ୍ଷ