ଦିନକ ପରେ ସଂସଦର ଶୀତ ଅଧିବେଶନ: ପ୍ରସଙ୍ଗ ଧରି ବିରୋଧୀ ପ୍ରସ୍ତୁତ, ସରକାର ତୟାର

କନକ ବ୍ୟୁରୋ:  ସୋମବାରଠାରୁ ସଂସଦର ଶୀତ ଅଧିବେଶନ ଆରମ୍ଭ ହେଉଛି । ଏଥିପାଇଁ ସରକାର ଆସନ୍ତାକାଲି ରବିବାର ସର୍ବଦଳୀୟ ବୈଠକ ଡାକିଛନ୍ତି । ବୈଠକରେ ଉଭୟ ଗୃହର ନେତାମାନଙ୍କ ସହିତ କେନ୍ଦ୍ର ସଂସଦୀୟ ବ୍ୟାପର ମନ୍ତ୍ରୀ କରିଣ ରିଜିଜୁ ଆଲୋଚନା କରିବେ । ଲୋକସଭା ଓ ରାଜ୍ୟସଭାକୁ ସୁରୁଖୁରୁରେ ଚଳାଇବା ପାଇଁ ସରକାର ବିରୋଧୀ ଦଳଙ୍କ ସହଯୋଗ କମନା କରିବେ ।

 ଅଧିକ ପଢନ୍ତୁ : ନଭେମ୍ବର ୨୭ରୁ ବିଧାନସଭା ଶୀତ ଅଧିବେଶନ! ବିଧାନସଭାକୁ ସମ୍ବୋଧିତ କରିପାରନ୍ତି ରାଷ୍ଟ୍ରପତି

ଡିସେମ୍ବର ୧ ତାରିଖ ସୋମବାରଠାରୁ ଆରମ୍ଭ ହେଉଥିବା ସଂସଦର ଶୀତ ଅଧିବେଶନ ଡିସେମ୍ବର ୧୯ ତାରିଖ ପର୍ଯ୍ୟନ୍ତ ଚାଲିବ । ସଂସଦରେ ବିରୋଧୀ ଦଳଗୁଡ଼ିକ ବିଭିନ୍ନ ପ୍ରସଙ୍ଗ ଉଠାଇବାକୁ ସ୍ଥିର କରିଥିବା ବେଳେ ସରକାର ଆଲୋଚନା କରିବାକୁ ପ୍ରସ୍ତୁତ ଅଛନ୍ତି । ସଂସଦର ଶୀତ ଅଧିବେଶନକୁ ସୁରୁଖୁରୁରେ ଚଳାଇବା ପାଇଁ କେନ୍ଦ୍ର ସଂସଦୀୟ ବ୍ୟାପାର ମନ୍ତ୍ରୀ କିରଣ ରିଜିଜୁ ସାମାଜିକ ଗଣମାଧ୍ୟମରେ ପୋଷ୍ଟ କରି ସମସ୍ତଙ୍କ  ସହଯୋଗ ଲୋଡ଼ିଛନ୍ତି । 

ସୋମବାରଠାରୁ ସଂସଦର ଶୀତ ଅଧିବେଶନ
ଆସନ୍ତାକାଲି ସର୍ବଦଳୀୟ ବୈଠକ ଡାକିଲେ ସରକାର
ସବୁ ନେତାଙ୍କ ସହ ଆଲୋଚନା କରାଯିବ 
ଆଲୋଚନା କରିବେ ସଂସଦୀୟ ବ୍ୟାପାର ମନ୍ତ୍ରୀ
ସମସ୍ତଙ୍କ ସହଯୋଗ ଲୋଡ଼ିଲେ ସରକାର 
ଉଭୟ ଗୃହକୁ ସୁରୁଖୁରୁରେ ଚଳାଇବା ପାଇଁ ଉଦ୍ୟମ   
ନିଜନିଜ ପ୍ରସଙ୍ଗ ନେଇ ବିରୋଧୀ ପ୍ରସ୍ତୁତ
ଆଲୋଚନା ପାଇଁ ପ୍ରସ୍ତୁତ ଅଛନ୍ତି ସରକାର