ସରକାରୀ ଜମିକୁ ନେଇ ମୁହାଁମୁହିଁ ଦୁଇ ଗୋଷ୍ଠୀ; ଜବରଦଖଲକାରୀ ନିଜ ଘରେ ନିଆଁ ଲଗାଇଦେଇଥିବା ଅଭିଯୋଗ

କନକ ବ୍ୟୁରୋ : ଅନୁଗୁଳରେ ଗୋଷ୍ଠୀ ବିବାଦ । ସଦର ଥାନା ଅନ୍ତର୍ଗତ ପରତରା ଗାଁରେ ସରକାରୀ ଜାଗା ଜବରଦଖଲକୁ ନେଇ ଗୋଷ୍ଠୀ ବିବାଦ । ଗୋଷ୍ଠୀ ବିବାଦ ପରେ ଗୋଟିଏ ଗୋଷ୍ଠୀର ଘର ପୋଡ଼ି ନେଇ ଉଭୟ ପକ୍ଷର ଶହ ଶହ ଲୋକ ଥାନାର ଦ୍ୱାରସ୍ଥ । ଗାଁ ସଭାପତି ଓ ସଂପାଦକଙ୍କ କହିବା ଅନୁଯାୟୀ, ସରକାରୀ ଜାଗାରୁ ଉଠି ଅନ୍ୟ ଏକ ସ୍ଥାନରେ ଦିଆଯାଇଥିବା ଜାଗାକୁ ଯିବା ପାଇଁ ତହସିଲ ପକ୍ଷରୁ ଗୋଟିଏ ଗୋଷ୍ଠୀଙ୍କୁ ନୋଟିସ ହୋଇଥିଲା । ହେଲେ ଜାଗା ନ ଛାଡ଼ିବାରୁ ଗ୍ରାମବାସୀ ବିରୋଧ କରିଥିଲେ । ଏଥିରେ ଉତକ୍ଷିପ୍ତ ହୋଇ ଜବରଦଖଲରେ ଥିବା ଅପର ଗୋଷ୍ଠୀର ଲୋକ ନିଜ ଘରେ ନିଜେ ନିଆଁ ଲଗାଇ ଦେଇଥିଲେ ।

ଅଧିକ ପଢ଼ନ୍ତୁ : ନକ୍ସଲଙ୍କ ଆଇଇଡି ବିସ୍ଫୋରଣ; ଜଣେ ମହିଳାଙ୍କ ମୃତ୍ୟୁ, ଅନ୍ୟ ୨ ଆହତ

ତେବେ ଗ୍ରାମବାସୀ ଏନେଇ ଥାନାକୁ ଖବର ଦେଇଥିଲେ । ପରେ ପୁଲିସ ଓ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ । ଅନ୍ୟ ପକ୍ଷର ଅଭିଯୋଗ, ଗ୍ରାମବାସୀ ତାଙ୍କ ଘରକୁ ନିଆଁ ଲଗାଇ ଦେଇଛନ୍ତି । ପୁଲିସ ଘଟଣାର ଯାଞ୍ଚ କରୁଛି ।

ସେପଟେ ତ୍ରୁଟିପୂର୍ଣ୍ଣ ମାର୍କସିଟକୁ ନେଇ କେନ୍ଦ୍ରାପଡ଼ା ମହାବିଦ୍ୟାଳୟରେ ଛାତ୍ର ଅଶାନ୍ତି । ଯୁକ୍ତ ୩ ପ୍ରଥମ ବର୍ଷ ପ୍ରଥମ ସେମିଷ୍ଟରରେ ୧୧୦୦ ରୁ ପ୍ରାୟ ୪୦୦ ଛାତ୍ରଛାତ୍ରୀଙ୍କ ମାର୍କସିଟରେ ଏପରି ତ୍ରୁଟି ଦେଖିବାକୁ ମିଳିଛି । ବିଶେଷକରି କଳା ଓ ବାଣିଜ୍ୟ ବିଭାଗର ଛାତ୍ରଛାତ୍ରୀଙ୍କ ମାର୍କସିଟରେ ତ୍ରୁଟି ଘଟିଛି । ଏହାକୁ ନେଇ ଛାତ୍ରଛାତ୍ରୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଥିଲା । ମହାବିଦ୍ୟାଳୟର ମୁଖ୍ୟ ଫାଟକ ବନ୍ଦ କରି ଛାତ୍ରଛାତ୍ରୀ ମାନେ ଧାରଣରେ ବସି ପ୍ରତିବାଦ କରିଛନ୍ତି ।