କନକ ବ୍ୟୁରୋ : ସରଣ୍ଡା ଜଙ୍ଗଲରେ ନକ୍ସଲଙ୍କ ଆଇଇଡି ବ୍ଲାଷ୍ଟ୍, ଜଣେ ମହିଳାଙ୍କ ମୃତ୍ୟୁ ହୋଇଥିବା ବେଳେ ୨ଜଣ ଆହତ । ଏହି ଘଟଣା ଶୁକ୍ରବାର ଜରାଇକେଲା ଥାନା ଅଧୀନସ୍ଥ କୋଲବୋଙ୍ଗା ଅଞ୍ଚଳରେ ଘଟିଛି । ମହିଳା ମାନେ ଜାଳେଣି କାଠ ସଂଗ୍ରହ ପାଇଁ ଜଙ୍ଗଳକୁ ଯାଇଥିବା ବେଳେ ଏଭଳି ଘଟଣା ଘଟିଛି । ମୃତ ମହିଳା ଫୁଲୋ ଧନୁଆର । ସଲାମି କାଣ୍ଡୁଲନା ଏବଂ ବର୍ସି ଧନୁଆର ନାମକ ମହିଳାଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଛି ।

Advertisment

ଅଧିକ ପଢ଼ନ୍ତୁ : ଦିଲ୍ଲୀ ବିକ୍ଷୋଭରେ ନିହତ ନକ୍ସଲ ନେତା ହିଡ଼୍‌ମାକୁ ସଜାଇଲେ ହିରୋ; ପୋଷ୍ଟର ଧରି ଅମର ରହେ ସ୍ଲୋଗାନ ଦେଇ ପୁଲିସ ସହ ମୁହାଁମୁହିଁ

ସେପଟେ ବିପୁଳ ପରିମାଣରେ ବିସ୍ଫୋରକ ସାମଗ୍ରୀ ଜବତ କରିବା ସହିତ ଦୁଇ ଅଭିଯୁକ୍ତଙ୍କୁ ଗିରଫ କରିଛି ମୟୂରଭଞ୍ଜ ଜିଲ୍ଲା ଗୋରୁମହିଷାଣୀ ଥାନା ପୁଲିସ । ଗତ ୨୬ ତାରିଖ ରାତିରେ ଚଢ଼େଇ ପାହାଡି ଜଙ୍ଗଲ ରାସ୍ତାରେ ଦୁଇ ଜଣ ଯୁବକ ବାଇକରେ ବିସ୍ଫୋରକ ସାମଗ୍ରୀ ନେଇ ଯାଉଥିବା ବେଳେ ପୁଲିସ ଚଢାଉ କରିଥଲା । ଦୁଇ ଅଭିଯୁକ୍ତଙ୍କୁ କାବୁ କରିବା ସହ ସେମାନଙ୍କ ଠାରୁ ୫୮୫ ଜିଲୋଟିନ, ୧୭୫ ଡିଟୋନେଟର , ୩୦୦ ମିଟର ଇଲେକ୍ଟ୍ରି ତାର ଜବତ କରିଛି ପୁଲିସ । ଗିରଫ ଦୁଇ ଜଣ ଯାକ ତିରିଂ ଥାନା ଝରାଡିହି ଅଂଚଳର ଚନ୍ଦ୍ର କିଶୋର ନାୟକ ଓ ଜୟେସ ମାରାଣ୍ଡି । ଦୁଇ ଅଭିଯୁକ୍ତଙ୍କୁ କୋର୍ଟଚାଲାଣ କରାଯାଇଥିବା ବେଳେ ଅଧିକ ତଦନ୍ତ ଜାରି ରହିଛି । ଏତେ ପରିମାଣର ବିସ୍ଫୋରକ କେଉଁଠୁ ଆସିଲା, ଆଉ କେଉଁଠିକୁ ଯାଉଥିଲା, ତାର ଚେର ଖୋଜିବାକ ଚେଷ୍ଟା ଚାଲିଛି ।

ପୁଣି ଆତ୍ମସମର୍ପଣ କଲା ଜଣେ ବଡ଼ ମାଓ ନେତା । ଛତିଶଗଡ଼ର ଜଗଦଲପୁରର ଝିରମ ଭ୍ୟାଲି ଆକ୍ରମଣର ମାଷ୍ଟରମାଇଣ୍ଡ ନକ୍ସଲ ଚୈତୁ ଓରଫ ଶ୍ୟାମ ଦାଦା ଆତ୍ମସମର୍ପଣ କରିଛି । ଝିରମ ଭ୍ୟାଲି ହତ୍ୟାକାଣ୍ଡରେ ଶୀର୍ଷ କଂଗ୍ରେସ ନେତୃତ୍ୱ ସମେତ ୩୨ ଜଣ ପ୍ରାଣ ହରାଇଥିଲେ । ବସ୍ତର ଟାଇଗର ମହେନ୍ଦ୍ର କର୍ମାକୁ ୧୦୦ ଗୁଳି କରାଯାଇଥିଲା । ଚୈତୁ, ଓରଫ ଶ୍ୟାମ ଦାଦା ଦଣ୍ଡାକାରଣ୍ୟ ଜୋନାଲ କମିଟିର ସଦସ୍ୟ ଥିଲା । ୪୫ ବର୍ଷ ଧରି ନକ୍ସଲ ସଂଗଠନରେ ରହିବା ୩୫ ବର୍ଷ ଧରି ବସ୍ତରରେ କାମ କରିଥିଲା ଏହି ନକ୍ସଲ ଜଣକ । ଧରାଇଦେବାକୁ ୨୫ ଲକ୍ଷ ଟଙ୍କାର ପୁରସ୍କାର ଘୋଷଣା ହୋଇଥିଲା । ଚୈତୁ ସହ ଅନ୍ୟ କିଛି ନକ୍ସଲ ମଧ୍ୟ ଆତ୍ମସମର୍ପଣ କରିଛନ୍ତି ।