କନକ ବ୍ୟୁରୋ : ସୁସ୍ଥ ଜୀବନଶୈଳୀ ପାଇଁ ଡ୍ରାଇ ଫ୍ରୁଟ୍ସ ଅତ୍ୟନ୍ତ ଭଲ ବୋଲି କୁହାଯାଏ । ସମସ୍ତ ଡ୍ରାଇ ଫ୍ରୁଟ୍ସ ନିଜ ନିଜ ଉପାୟରେ ଶରୀର ପାଇଁ ଲାଭଦାୟକ ହୋଇଥାଏ । ଏହି କ୍ରମରେ ଆଜି ଆମେ ଜାଣିବା କିସ୍‌ମିସ୍ ବିଷୟରେ । ଫେମସ୍‌ ଡାକ୍ତର ତଥା ଯୋଗଗୁରୁ ହଂସାଜୀ ଏହାର ସେବନ କରିବାର ଉପାୟ କହିଛନ୍ତି, ଯାହା ଶରୀରକୁ ଅନେକ ଲାଭ ଦେବ । ସେ କହିଛନ୍ତି, କିସ୍‌ମିସ୍‌ରେ କାର୍ବୋହାଇଡ୍ରେଟ୍, ଫାଇବର, ଆଇରନ୍, ପୋଟାସିୟମ୍, କ୍ୟାଲସିୟମ୍ ଏବଂ ଆଣ୍ଟିଅକ୍ସିଡାଣ୍ଟ ମିଳିଥାଏ ଯାହା ଶରୀରର ଅନେକ ସମସ୍ୟାକୁ ଦୂର କରିଥାଏ ।

Advertisment

କିସ୍‌ମିସ୍ ପାଣି-

ଡାକ୍ତର ହଂସାଜୀ କୁହିଛନ୍ତି ଯେ ସକାଳେ ଉଠି ଭିଜା କିସ୍‌ମିସ୍ ପାଣି ପିଇବା ଅତ୍ୟନ୍ତ ଲାଭଦାୟକ ହୋଇଥାଏ । ଏହାର ସେବନ ଦ୍ୱାରା ହଜମ ଶକ୍ତି ବୃଦ୍ଧି ପାଇବା ସହିତ ରକ୍ତ ମଧ୍ୟ ପରିଷ୍କାର ହୋଇଥାଏ। ଏହା ବ୍ୟତୀତ, ଯେଉଁମାନେ କୋଷ୍ଠକାଠିନ୍ୟ, ଥକ୍କାପଣ, ଡେଡ୍‌ ସ୍କିନ୍ ଏବଂ ଏସିଡିଟି ଭଳି ସମସ୍ୟାର ସମ୍ମୁଖୀନ ହେଉଛନ୍ତି, ସେମାନେ ନିଶ୍ଚିତ ଭାବରେ କିସ୍‌ମିସ୍ ପାଣି ପିଇବା ଉଚିତ୍ ।

କିସ୍‌ମିସ୍ ପାଣିର ଲାଭ-

୧- ପ୍ରତିଦିନ କିସ୍‌ମିସ୍ ପାଣି ପିଇବା ଦ୍ୱାରା ହଜମ ଶକ୍ତିରେ ଉନ୍ନତି ଆସିଥାଏ । ଭିଜା କିସ୍‌ମିସ୍‌ରେ ଭଲ ମାତ୍ରାରେ ଫାଇବର ମିଳିଥାଏ ଯାହା ପେଟକୁ ସଫା କରିବାରେ ସାହାଯ୍ୟ କରେ । ଏହା ବ୍ୟତୀତ, ଖାଲି ପେଟରେ ଏହି ପାଣି ପିଇବା ଦ୍ୱାରା ଏସିଡିଟି ଏବଂ ବ୍ଲୋଟିଙ୍ଗ୍ ଭଳି ସମସ୍ୟାରୁ ମଧ୍ୟ ଆରାମ ମିଳିଥାଏ ।

୨- କିସ୍‌ମିସ୍ ପାଣି ଏକ ହାଲୁକା ଏବଂ ପ୍ରାକୃତିକ ଲିଭର୍ ଟନିକ୍ ଭାବରେ କାମ କରିବା ସହିତ ବାଇଲ୍ ଉତ୍ପାଦନ ବଢାଇଥାଏ । ଯାହା ଫଳରେ ଲିଭର୍ ସଠିକ୍ ଭାବରେ କାମ କରେ ଏବଂ ଶରୀରରେ ଶକ୍ତିର ସ୍ତର ବଢିଥାଏ ଏବଂ ଚର୍ମ ମଧ୍ୟ ସଫା ରୁହେ ।

୩- ଯେଉଁ ମହିଳାମାନେ ରକ୍ତହୀନତା ଭଳି ସମସ୍ୟାର ସମ୍ମୁଖୀନ ହେଉଛନ୍ତି, ସେମାନେ ନିଶ୍ଚିତ ଭାବରେ କିସ୍‌ମିସ୍ ପାଣି ପିଇବା ଉଚିତ୍ । ଏଥିରେ ପ୍ରଚୁର ମାତ୍ରାରେ ଆଇରନ୍ ଥାଏ । ଯାହା କି ରକ୍ତ ବଢାଇବାରେ ସାହାଯ୍ୟ କରେ ଏବଂ ରକ୍ତହୀନତା ସମସ୍ୟା ମଧ୍ୟ ଦୂର କରିଥାଏ ।

୪- କିସ୍‌ମିସ୍ ପାଣି ରକ୍ତକୁ ସଫା କରିବା ସହିତ ଅନ୍ତନଳୀ କ୍ଷେତ୍ରରେ ଉନ୍ନତି ଆଣିବାରେ ସାହାଯ୍ୟ କରେ । ଏହା ଦ୍ୱାରା ଶରୀରରୁ ବିଷାକ୍ତ ପଦାର୍ଥ ବାହାରିଯାଏ ଏବଂ ଚର୍ମ ବାହାରୁ ପରିଷ୍କାର ଓ ଉଜ୍ଜ୍ୱଳ ଦେଖାଯାଏ । ବିଶେଷ କରି ଯେଉଁମାନଙ୍କ ଚର୍ମ ଅତ୍ୟନ୍ତ ଶୁଖିଲା ଦିଶେ , ସେମାନେ କିସ୍‌ମିସ୍ ପାଣି ସେବନ କରିବା ଦ୍ୱାରା ଲାଭ ମିଳେ ।

ଏହା ମଧ୍ୟ ପଢ଼ନ୍ତୁ--ଉଠିଲେନି ଛୁଆ… ବ୍ୟାଣ୍ଡପାର୍ଟି ଡାକିଦେଲା ମାଆ

କିସ୍‌ମିସ୍ ପାଣି କିପରି ପ୍ରସ୍ତୁତ କରିବେ ?

ପ୍ରଥମେ ୧୫-୨୦ଟି କିସ୍‌ମିସ୍ ନିଅନ୍ତୁ ଏବଂ ହାଲୁକା ହାତରେ ଧୋଇ ଦିଅନ୍ତୁ । ଏହା ପରେ ଅଧା କପ୍ ପାଣିରେ ଏହି କିସ୍‌ମିସ୍‌ଗୁଡ଼ିକୁ ଭିଜାଇ ରଖନ୍ତୁ । ସକାଳକୁ ଏହି ପାଣି ଟିକେ ଗାଢ଼ ରଙ୍ଗର ହୋଇଯାଥିବ । ଏହି ପାଣିକୁ ପିଇ କିସ୍‌ମିସ୍‌ଗୁଡ଼ିକୁ ଖାଇ ଦିଅନ୍ତୁ ।