କନକ ବ୍ୟୁରୋ: ଆନ୍ଧ୍ରପ୍ରଦେଶ କାଶୀବୁଗା ଭେଙ୍କେଟେଶ୍ବର ମନ୍ଦିର ଦଳାଚକଟାରେ ଜଣେ ଓଡ଼ିଆ ଯୁବତୀଙ୍କ ମୃତ୍ୟୁ । ମୃତକ ହେଲେ ଗଞ୍ଜାମ ଜିଲ୍ଲା ପାତ୍ରପୁର ବ୍ଲକ୍‌ ଗୁଡ଼ିପଦର ଗ୍ରାମର ଆର. ଦିଲେଶଙ୍କ ଝିଅ ଆର ରୁପା । ରୁପା ଓଡ଼ିଶାର ବାସିନ୍ଦା ହୋଇଥିବା ବେଳେ ତାଙ୍କୁ ଆନ୍ଧ୍ରପ୍ରଦେଶ ସରକାର ନିଜର ବୋଲି ଦାବି କରିଛନ୍ତି । ଆନ୍ଧ୍ର ସରକାର ନିଜର ସରକାରୀ ବିଜ୍ଞପ୍ତିରେ ଏହା ସୂଚନା ଦେଇଛନ୍ତି । ଯାହାକୁ ନେଇ ଦ୍ବନ୍ଦ୍ବ ଦେଖା ଦେଇଛି । ସୂଚନା ଅନୁସାରେ, ଓଡ଼ିଶା ଓ ଆନ୍ଧ୍ର ସୀମାନ୍ତ ଗ୍ରାମରେ ଆର ରୁପାଙ୍କ ଜନ୍ମ ହୋଇଥିଲା ।

Advertisment

ତିରୁପତି ମନ୍ଦିର ଦଳାଚକଟାରେ ୬ ମୃତ, ୪୦ ଆହାତ । ଶ୍ରଦ୍ଧାଳୁ ବଖାଣିଲେ ଟୋକେନ କାଉଣ୍ଟରର ସତ

 ରୁପା ଯେଉଁ ଗାଁରେ ଜନ୍ମଗ୍ରହଣ କରିଥିଲେ, ତାକୁ ଓଡ଼ିଶାର ଗଂଜାମ ଜିଲ୍ଲା ପାତ୍ରପୁର ବ୍ଲକ ଗୁଡ଼ିପଦର କୁହାଯାଉଛି । କିନ୍ତୁ ଆନ୍ଧ୍ର ସରକାର ମଧ୍ୟ ଏହି ଗାଁକୁ ନିଜର ମାନଚିତ୍ରରେ ରଖିଛି। ସେଠାକାର ସରକାର ଏହି ଗ୍ରାମକୁ ଶ୍ରୀକାକୁଲମ ଜିଲ୍ଲା ମାଣ୍ଡାସା ମଣ୍ଡଳର ଗୁଡିଭଦ୍ରା ଗ୍ରାମରେ ସ୍ଥାନ ଦେଇଛି ।

ଆନ୍ଧ୍ରପ୍ରଦେଶ ଶ୍ରୀକାକୁଲମରେ ବଡ଼ ଅଘଟଣ; ମନ୍ଦିରରେ ମୃତ୍ୟୁର ତାଣ୍ଡବ

ସୀମା ବିବାଦ ଯୋଗୁଁ ଏହି ଗାଁର ଲୋକେ ଦୁଇଟି ରାଜ୍ୟର ନାଗରିକତା ହାସଲ କରିଛନ୍ତି । ଉଭୟ ଓଡ଼ିଶା ଏବଂ ଆନ୍ଧ୍ର ପ୍ରଦେଶ ସରକାରଙ୍କ ଯୋଜନାରୁ ଲାଭ ଉଠାଇ ଥାନ୍ତି । ନିର୍ବାଚନ ସମୟରେ ଦୁଇ ରାଜ୍ୟରେ ଭୋଟ୍‌ ଦେଇଥାନ୍ତି । ସୀମାନ୍ତ ଗାଁର ବିବାଦ ଥିଲେ ବି ରୁପାଙ୍କର ମୃତ୍ୟୁରେ ପରିବାରରେ କଳାବାଦଳ ଘୋଟି ଯାଇଛି ।