ମହଙ୍ଗା ପଡିଲା ସୋସିଆଲ ମିଡିଆରେ କରୋନା ନେଇ ମିଛ ପ୍ରଚାର : ତାଳଚେରର ଯୁବକ ଗିରଫ,କରୋନାରେ ଅନୁଗୁଳର ଜଣେ ଯୁବକଙ୍କ ମୃତ୍ୟୁ ହୋଇଥିବା ନେଇ ଫେସବୁକ ଆକାଉଣ୍ଟରେ କରିଥିଲେ ଉଲ୍ଲେଖ
କନକ ବ୍ୟୁରୋ : ମହଙ୍ଗା ପଡିଲା ସୋସିଆଲ ମିଡିଆରେ କରୋନା ଗୁଜବ । ମିଛ ଖବର ଭାଇରାଲ ଅଭିଯୋଗରେ ତାଳଚେରର ଜଣେ ଯୁବକଙ୍କୁ ଗିରଫ କରାଯାଇଛି । ତାଳଚେର ଜଣେ ଯୁବକ ତାଙ୍କ ଫେସବୁକ ଆକାଉଂଟରେ ଅନୁଗୁଳର ଜଣେ ଯୁବକ କରୋନାରେ ପ୍ରାଣ ହରାଇଥିବା ଲେଖିଥିଲେ । ଏହାକୁ ନେଇ ଉତ୍ତର କେନ୍ଦ୍ରାଞ୍ଚଳ ଆଇଜି ନରସିଂହ ଭୋଳ ତାଙ୍କୁ ସଠିକ ତଥ୍ୟ ଦେବାକୁ କହିଥିଲେ ।
Kanak News is now on WhatsApp
Join and get latest news updates delivered to you via WhatsApp
ହେଲେ ସଂପୃକ୍ତ ଯୁବକ ଜଣକ ଏନେଇ କୌଣସି ସଠିକ ତଥ୍ୟ ଦେଇପାରିନଥିବା ବେଳେ ଘଟଣାରେ କୌଣସି ସତ୍ୟାସତ୍ୟ ନଥିବା ଜଣାପଡିଥିଲା । ଏହା ପରେ ମିଛ ଗୁଜବ ପ୍ରଚାର କରୁଥିବା ଅଭିଯେଗରେ ପୁଲିସ ତାଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି ।
ସେପଟେ ବିଦେଶ ଫେରନ୍ତାଙ୍କ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅପିଲ । ବିଦେଶରୁ ଫେରିଥିଲେ ପହଞ୍ଚିବାର ୨୪ ଘଂଟା ମଧ୍ୟରେ ବାଧ୍ୟତାମୂଳକ ଭାବେ ଟ୍ରୋଲ ଫ୍ରି ନମ୍ବର ୧୦୪ କିମ୍ବା ଅନଲାଇନ ମାଧ୍ୟମରେ ପଞ୍ଜିକରଣ କରିବାକୁ ଅପିଲ କରିଛନ୍ତି ନବୀନ । ଆପଣଙ୍କ ସହଯୋଗ ହିଁ ନିଜ ପରିବାର ଓ ଓଡିଶାକୁ ସୁରକ୍ଷିତ ରଖିବ ।