ଆଜି ତାଜମହଲ ଯିବେ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ! ସଫେଇ ଅଭିଯାନରେ ହେବେ ସାମିଲ୍
କନକ ବ୍ୟୁରୋ : ଆଜି ତାଜମହଲ ଯିବେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ତାଜମହଲକୁ ନେଇ ଗତ କିଛି ଦିନ ଅନେକ ବିବାଦ ଲାଗିରହିଥିବା ଆଜି ଉତ୍ତରପ୍ରଦେଶ ମୁଖ୍ୟମନ୍ତ୍ରୀଙ୍କ ଏହି ଗସ୍ତ ବେଶ ଗୁରୁତ୍ୱ ବହନ କରୁଛି । ଆଜି ତାଜମହଲ ଗସ୍ତ ସମୟରେ ସେ ତାଜମହଲ ଆଖପାଖ ଅଂଚଳରେ ସଫେଇ ଅଭିଯାନରେ ବି ସାମିଲ ହେବେ । ତାଜମହଲ ନିକଟ ଶାହଜାହାନ ପାର୍କରେ ମଧ୍ୟ ଭ୍ରମଣ କରିବେ ଯୋଗୀ । ଏହାସହ ତାଜମହଲରୁ ଆଗ୍ରା ଦୁର୍ଗ ପର୍ଯ୍ୟନ୍ତ ପର୍ଯ୍ୟଟକ ମାର୍ଗର ଶିଳାନ୍ୟାସ ମଧ୍ୟ କରିବେ ।
Kanak News is now on WhatsApp
Join and get latest news updates delivered to you via WhatsApp
ଆଗ୍ରାରେ ପର୍ଯ୍ୟଟନର ବିକାଶ ପାଇଁ ଉତ୍ତରପ୍ରଦେଶ ସରକାର ୩୭୦କୋଟି ଟଙ୍କା ଖର୍ଚ୍ଚ କରିବେ । ପର୍ଯ୍ୟଟନ ବିଭାଗ ପୁସ୍ତକରେ ତାଜମହଲକୁ ସ୍ଥାନ ନମିଳିବାକୁ ନେଇ ବିବାଦ ଆରମ୍ଭ ହୋଇଥିଲା । ଏହାପରେ ବିଜେପି ବିଧାୟକ ସଙ୍ଗୀତ ସୋମ କହିଥିଲେ ଯେ, ତାଜମହଲ ବଳାକ୍ରାରୀଙ୍କ ଦ୍ୱାରା ନିର୍ମିତ ହୋଇଛି ଏବଂ ଏହାକୁ ପର୍ଯ୍ୟଟନସ୍ଥଳୀରେ ସ୍ଥାନ ଦେବା ଉଚିତ ନୁହେଁ ବୋଲି । ସେପଟେ ଗତ ସପ୍ତାହରେ ହିନ୍ଦୁ ବାହୀନିର ଯୁବ କର୍ମୀ ତାଜମହଲରେ ଶିବ ଚାଳିଶା ପାଠ କରିଥିଲେ । ଯାହାକୁ ନେଇ ଚର୍ଚ୍ଚା ଜୋର ଧରିଥିଲା । ତେବେ ପୂର୍ବରୁ ସେଠାରେ ଶିବ ମନ୍ଦିର ଥିଲା ଏବଂ ସେଠାରେ ଶିବ ଚାଳିଶା ପାଠ କରିବାରେ କୌଣସି ଆପତି ନାହିଁ ବୋଲି ବିଜେପି ରାଜ୍ୟସଭା ବିନୟ କଟିୟାର ମନ୍ତବ୍ୟ ଦେଇଥିଲେ । ଏହାକୁ ନେଇ ବିବାଦ ଲାଗିରହିଛି । ସେପଟେ ଏପରି ସମୟରେ ମୁଖ୍ୟମନ୍ତ୍ରୀଙ୍କ ଗସ୍ତର ଗୁରୁତ୍ୱ ରହିଛି ।