ବିଶ୍ୱବ୍ୟାଙ୍କରୁ ଭାରତ ପାଇଁ ଆଶ୍ୱସ୍ତିକର ଖବର ! ୨୦୧୮ରେ ଦେଶର ଅବିବୃଦ୍ଧି ହାର ୭ ଦଶମିକ ୩ ପ୍ରତିଶତ ଆକଳନ
କନକ ବ୍ୟୁରୋ : ୱାସିଂଟନରୁ ଆସିଲା ଭାରତ ପାଇଁ ଖୁସି ଖବର । ଭାରତୀୟ ଅର୍ଥନୀତି ପାଇଁ ଆଶ୍ୱସ୍ତି ଆଣିବା ଭଳି ଖବରଟିଏ ଆସିଛି ବିଶ୍ୱବ୍ୟାଙ୍କରୁ । ୨୦୧୮ ବର୍ଷ ପାଇଁ ଭାରତର ଅଭିବୃଦ୍ଧି ହାର ୭ ଦଶମିକ୍ ୩ ପ୍ରତିଶତ ଆକଳନ କରିଛି ବିଶ୍ୱବ୍ୟାଙ୍କ । ଭାରତ ସରକାରଙ୍କ ମହତକାଂକ୍ଷୀ ସଂସ୍କାରକୁ ପ୍ରଶଂସା କରିବା ସହ ଭାରତର ବିଶାଳ ଅଭିବୃଦ୍ଧି କ୍ଷମତା ଥିବା ବିଶ୍ୱବ୍ୟାଙ୍କ ପକ୍ଷରୁ କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଅର୍ଥନୈତିକ ଅଭିବୃଦ୍ଧିରେ ଆଗୁଆ ଥିବା ରାଷ୍ଟ୍ରଗୁଡ଼ିକ ସହ ତୁଳନା କରି ବିଶ୍ୱ ବ୍ୟାଙ୍କ ପକ୍ଷରୁ ସୂଚନା ଦିଆଯାଇଛି, ଚଳିତ ବର୍ଷ ଭାରତର ଅଭିବୃଦ୍ଧି ହାର ୭ ଦଶମିକ୍ ୩ ପ୍ରତିଶତ ରହିବାର ସଂଭାବନା ରହିଛି । ସେହିପରି ଆଗାମୀ ଦୁଇବର୍ଷ ଯାଏଁ ଏହା ୭ ଦଶମିକ ୫ ପ୍ରତିଶତ ଆକଳନ କରାଯାଇଛି । ବିମୁଦ୍ରାକରଣ ଏବଂ ଜିଏସଟି ଭଳି ବଡ ନିଷ୍ପତି ସତ୍ୱେ ଭାରତର ଅଭିବୃଦ୍ଧି ଗତବର୍ଷ ୬ ଦଶମିକ ୭ ପ୍ରତିଶତ ରହିଛି । ବିଶ୍ୱବ୍ୟାଙ୍କ ରିଲିଜ୍ କରିଥିବା ଗ୍ଲୋବାଲ ଇକୋନୋମିକ୍ସ ପ୍ରୋସପେକ୍ଟରେ ଭାରତ ନେଇ ଏଭଳି ଏକ ଆକଳନ କରାଯାଇଛି ।
ଆଗାମୀ ୧୦ ବର୍ଷରେ ଅର୍ଥନୈତିକ ଅଭିବୃଦ୍ଧିରେ ଆଗୁଆ ଥିବା ରାଷ୍ଟ୍ରଗୁଡ଼ିକ ତୁଳନାରେ ଭାରତର ଅଭିବୃଦ୍ଧି ଢ଼େର ଅଧିକ ରହିବ । ସ୍ୱଳ୍ପକାଳୀନ ଭିତିରେ ନୁହେଁ ବରଂ ଦୀର୍ଘକାଳୀନ ଭିତରେ ଏକ ବଡ ଲମ୍ଫ ମାରିବା ପାଇଁ ଭାରତର କ୍ଷମତା ରହିଛି ବୋଲି କହିଛନ୍ତି, ବିଶ୍ୱବ୍ୟାଙ୍କର ଡେପଲମେଂଟ୍ ପ୍ରୋସପେକ୍ଟର ନିର୍ଦ୍ଦେଶକ ୟାହାନ୍ କୋସେ । ଚାଇନା ସହ ତୁଳନା କରି ସେ କହିଛନ୍ତି, ଭାରତ କ୍ରମାଗତ ଭାବରେ ଆଗାଉଥିବା ବେଳେ ଚାଇନାର ଗତି ମନ୍ଥର ହେଉଛି । ବିଗତ ୩ବର୍ଷରେ ଭାରତର ଅଭିବୃଦ୍ଧି ହାର ସୁସ୍ଥ ରହିଥିବା ସେ ସୂଚନା ଦେଇଛନ୍ତି ।
୨୦୧୭ରେ ଚୀନର ଅଭିବୃଦ୍ଧି ହାର ୬ଦଶମିକ ୮ ପ୍ରତିଶତ ଥିବା ବେଳେ ଭାରତ କେବଳ ଶୂନ ଦଶମିକ୍ ୧ ପ୍ରତିଶତ ପଛୁଆ ଥିଲା । ତେବେ ଦେଶରେ ମହିଳା ଶ୍ରମ ବିକାଶ କ୍ଷେତ୍ରରେ ଭାରତକୁ ଗୁରୁତ୍ୱ ଦେବାର ଆବଶ୍ୟତା ରହିଛି ବୋଲି କୋସେ କହିଛନ୍ତି । ଅଭିବୃଦ୍ଧିରେ ଆଗୁଆ ଥିବା ରାଷ୍ଟ୍ରଗୁଡ଼ିକରେ ମହିଳା ଶ୍ରମଙ୍କ ଯୋଗଦାନ ଥିବା ବେଳେ ଭାରତରେ ଏହା ତୁଳନାତ୍ମକ ଦୃଷ୍ଟିରୁ କମ୍ ବୋଲି କୁହାଯାଇଛି ।