ସ୍ପଷ୍ଟକଲେ ବାଚସ୍ପତି, ଫେବ୍ରୁଆରି ୧ରେ କେନ୍ଦ୍ର ବଜେଟ୍‌

କନକ ବ୍ୟୁରୋ : ୨୦୨୬-୨୭ ଆର୍ଥିକବର୍ଷର ବଜେଟ୍‌ ଆସନ୍ତା ଫେବ୍ରୁଆରି ୧ ତାରିଖରେ ଉପସ୍ଥାପିତ ହେବ । ଲୋକସଭା ବାଚସ୍ପତି ଓମ୍‌ ପ୍ରକାଶ ବିର୍ଲା ସୋମବାର ଏହା ସ୍ପଷ୍ଟ କରିଛନ୍ତି ବୋଲି ଟାଇମ୍ସ ଅଫ୍‌ ଇଣ୍ଡିଆ ରିପୋର୍ଟ କରିଛି । କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କର ଏହା ହେବ ୯ମ ବଜେଟ୍‌ ।

ଉଲ୍ଲେଖଯୋଗ୍ୟ ସଂସଦର ବଜେଟ୍‌ ଅଧିବେଶନ ଚଳିତମାସ ୨୮ ତାରିଖରୁ ଆରମ୍ଭ ହେବ ବୋଲି ନିକଟରେ କେନ୍ଦ୍ର ସଂସଦୀୟ ବ୍ୟାପାର ମନ୍ତ୍ରୀ କିରଣ ରିଜିଜୁ ସୂଚନା ଦେଇଥିଲେ । ବଜେଟ୍‌ ଅଧିବେଶନ ଆସନ୍ତା ଏପ୍ରିଲ ୨ ପର୍ଯ୍ୟନ୍ତ ଦୁଇଟି ପର୍ଯ୍ୟାୟରେ ଚାଲିବ । ପ୍ରଥମ ପର୍ଯ୍ୟାୟ ଫେବ୍ରୁଆରି ୧୩ରେ ଶେଷ ହେବ । ଦ୍ୱିତୀୟ ପର୍ଯ୍ୟାୟ ଅଧିବେଶନ ମାର୍ଚ୍ଚ ୯ରୁ ଆରମ୍ଭ ହୋଇ ଏପ୍ରିଲ ୨ ପର୍ଯ୍ୟନ୍ତ ଚାଲିବ । ବଜେଟ୍‌ ଅଧିବେଶନର ପ୍ରଥମ ଦିନ ରାଷ୍ଟ୍ରପତି ଦ୍ରୌପଦୀ ମୁର୍ମୁ ସଂସଦର ମିଳିତ ଅଧିବେଶନକୁ ସମ୍ବୋଧିତ କରିବେ ।

ଅଧିକ ପଢ଼ନ୍ତୁ : 

ସେପଟେ ଡିସେମ୍ବର ମାସରେ ଦେଶର ଖୁଚୁରା ମୁଦ୍ରାସ୍ଫୀତି ୧.୩୩ ପ୍ରତିଶତକୁ ବୃଦ୍ଧି ପାଇଛି । ଗତ ୩ ମାସ ମଧ୍ୟରେ ଏହା ସର୍ବାଧିକ । ନଭେମ୍ବରରେ ଦେଶର ଖୁଚୁରା ମୁଦ୍ରାସ୍ଫୀତି ୦.୭୧ ପ୍ରତିଶତ, ଅକ୍ଟୋବରରେ ୦.୨୫ ପ୍ରତିଶତ ଭଳି ନିମ୍ନସ୍ତରରେ ରହିଥିଲା । ତାହା ପୂର୍ବରୁ ସେପ୍ଟେମ୍ବର ମାସରେ ଖୁଚୁରା ମୁଦ୍ରାସ୍ଫୀତି ୧.୪୪ ପ୍ରତିଶତ ସ୍ତରରେ ଥିଲା ।