ଭାରତ-ରୁଷ୍ ବୈଠକ ଉପରେ ନଜର

କନକ ବ୍ୟୁରୋ : ରୁଷ୍ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ଭାରତ ଗସ୍ତର ଆଜି ଦ୍ୱିତୀୟ ତଥା ଶେଷ ଦିନ । ଗୁରୁବାର ସନ୍ଧ୍ୟାରେ ଦିଲ୍ଲୀରେ ପହଞ୍ଚିବା ପରେ ତାଙ୍କୁ ଭବ୍ୟ ସମ୍ବର୍ଦ୍ଧନା ଦିଆଯାଇଥିଲା । ବିମାନ ବନ୍ଦରରେ ପହଞ୍ଚିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କୁ ସ୍ୱାଗତ କରିଥିଲେ । ଏହି ସମୟରେ ପିଏମ୍ ହାଉସରେ ଏକ ଘରୋଇ ରାତ୍ରିଭୋଜନ ହେବ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ପୁଟିନଙ୍କ ମଧ୍ୟରେ ଥିବା ବିଶେଷ ସମ୍ପର୍କ ବିଶ୍ୱର ଅନେକ ଦେଶ ପାଇଁ ଗର୍ବର ବିଷୟ ହେବ । ଆଜି ମଧ୍ୟ ପୁଟିନ ଦିଲ୍ଲୀରେ ରହିବେ । ଭାରତ ଗସ୍ତର ଦ୍ୱିତୀୟ ଦିନ ମଧ୍ୟ ବ୍ୟସ୍ତବହୁଳ ରହିବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ମଧ୍ୟ ତାଙ୍କର ଆଲୋଚନା ହେବାର କାର୍ଯ୍ୟକ୍ରମ ରହିଛି ।

Advertisment

ଅଧିକ ପଢ଼ନ୍ତୁ : ଦିଲ୍ଲୀରେ ପହଞ୍ଚିଲେ ରୁଷ୍ ରାଷ୍ଟ୍ରପତି ଭ୍ଲାଦିମିର ପୁଟିନ; ପାଲମ ବିମାନବନ୍ଦରରେ ଭବ୍ୟ ସ୍ୱାଗତ ସମ୍ବର୍ଦ୍ଧନା ଦେଲେ ପ୍ରଧାନମନ୍ତ୍ରୀ ମୋଦୀ

ପୁଟିନଙ୍କ କାର୍ଯ୍ୟସୂଚୀ

ରାଷ୍ଟ୍ରପତି ଭବନରେ ପୁଟିନଙ୍କୁ ଭବ୍ୟ ସମ୍ବର୍ଦ୍ଧନା ଦିଆଯିବ ।
ତିନି ସେନା ପକ୍ଷରୁ ତାଙ୍କୁ ଗାର୍ଡ ଅଫ୍ ଅନର ପ୍ରଦାନ କରାଯିବ ।
ରାଜଘାଟ ଯାଇ ମହାତ୍ମା ଗାନ୍ଧୀଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିବେ ।
ହାଇଦ୍ରାବାଦ ହାଉସ୍‌ରେ ଦ୍ୱିପାକ୍ଷିକ ଓ ପ୍ରତିନିଧି ସ୍ତରୀୟ ଆଲୋଚନା କରିବେ ।
ବୈଠକରେ କିଛି ପ୍ରମୁଖ ବ୍ୟବସାୟୀ ମଧ୍ୟ ଯୋଗଦେବାର ସମ୍ଭାବନା ।
ପ୍ରତିରକ୍ଷା ସହଯୋଗ ବୃଦ୍ଧି, ବାହ୍ୟ ଚାପରୁ ଦ୍ୱିପାକ୍ଷିକ ବାଣିଜ୍ୟକୁ ସୁରକ୍ଷିତ କରିବା ଉପରେ ଗୁରୁତ୍ବ ।
ଛୋଟ ‘ମଡ୍ୟୁଲାର ରିଆକ୍ଟର’ କ୍ଷେତ୍ରରେ ସମ୍ଭାବ୍ୟ ସହଯୋଗିତା ଉପରେ ଗୁରୁତ୍ୱ ।
ଆଲୋଚନା ଉପରେ ପାଶ୍ଚାତ୍ୟ ଦେଶମାନେ ତୀକ୍ଷ୍ଣ ନଜର ରଖିବେ ।
ହାଇଦ୍ରାବାଦ ହାଉସ୍‌ରେ ପୁଟିନ ଓ ତାଙ୍କ ପ୍ରତିନିଧିଙ୍କ ପାଇଁ ମଧ୍ୟାହ୍ନ ଭୋଜନର ଆୟୋଜନ କରିବେ ପ୍ରଧାନମନ୍ତ୍ରୀ ।
ଫେଡେରେସନ୍ ଅଫ୍ ଇଣ୍ଡିଆନ୍ ଚାମ୍ବର୍ସ ଅଫ୍ କମର୍ସ ଆଣ୍ଡ୍ ଇଣ୍ଡଷ୍ଟ୍ରୀ (ଫିକି) ଏବଂ ରସ୍ କଂଗ୍ରେସର ମିଳିତ ଆୟୋଜନରେ ବ୍ୟବସାୟିକ କାର୍ଯ୍ୟକ୍ରମରେ ମୋଦି ଓ ପୁଟିନ ଯୋଗଦେବେ ।
ପୁଟିନ ରୁଷ୍‌ର ସରକାରୀ ପ୍ରସାରକଙ୍କ ଭାରତ ଚ୍ୟାନେଲ ଆରମ୍ଭ କରିବେ ।
ସନ୍ଧ୍ୟାରେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଦ୍ୱାରା ଆୟୋଜିତ ନୈଶ ଭୋଜିରେ ଯୋଗଦେବେ ।
ରାତି ୯ଟାରେ ମସ୍କୋ ଫେରିଯିବେ ପୁଟିନ୍ ।

୨୩ତମ ଭାରତ-ରୁଷ ଶିଖର ସମ୍ମିଳନୀ ପରେ ଦୁଇ ଦେଶ ମଧ୍ୟରେ ବାଣିଜ୍ୟ ସମେତ ଅନେକ କ୍ଷେତ୍ରରେ ଗୁରୁତ୍ୱପୂର୍ଣ୍ଣ ରାଜିନାମା ସ୍ୱାକ୍ଷରିତ ହେବାର ସମ୍ଭାବନା ରହିଛି । ୟୁକ୍ରେନରେ ଯୁଦ୍ଧର ଅବସାନ ପାଇଁ ଆମେରିକାର ନୂତନ ପ୍ରୟାସ ମଧ୍ୟରେ ରୁଷୀୟ ନେତା ଭାରତ ଗସ୍ତରେ ଆସୁଛନ୍ତି । ତେଣୁ ଏହି ପ୍ରସଙ୍ଗରେ ମଧ୍ୟ ଶିଖର ସମ୍ମିଳନୀରେ ଆଲୋଚନା ହେବାର ସମ୍ଭାବନା ରହିଛି । ଏହି ସମ୍ମିଳନୀରେ ଭାରତ ରୁଷୀୟ ଅଶୋଧିତ ତୈଳର ବ୍ୟାପକ କ୍ରୟ ଯୋଗୁ ବୃଦ୍ଧି ପାଉଥିବା ବାଣିଜ୍ୟ ନିଅଣ୍ଟ ପ୍ରସଙ୍ଗ ଉଠାଇବାର ସମ୍ଭାବନା ରହିଛି । ରୁଷରୁ ଅଶୋଧିତ ତୈଳ କିଣିବା ପାଇଁ ଭାରତ ଉପରେ ଆମେରିକାର କଟକଣା କିଭଳି ପ୍ରଭାବ ପକାଇବ ସେ ନେଇ ମଧ୍ୟ ଏହି ସମ୍ମିଳନୀରେ ଆଲୋଚନା ହେବାର ସମ୍ଭାବନା ରହିଛି ।

ଭାରତ- ରୁଷ୍ ମଧ୍ୟରେ ହେବ ବଡ଼ ଡିଲ୍

ପ୍ରତିରକ୍ଷା ସମ୍ପର୍କର ସମୀକ୍ଷା ସମ୍ଭାବନା
ଏସ୍-୪୦୦ ବକେୟା ୟୁନିଟ୍ ହସ୍ତାନ୍ତର
ଋଷିଆଠାରୁ ନୂଆ ଏସ୍-୫୦୦ ମିସାଇଲ ଡିଫେନ୍ସ ସିଷ୍ଟମ କିଣିବ ଭାରତ
ରୁଷୀୟ ସୁଖୋଇ-୫୭ ଯୁଦ୍ଧ ବିମାନ ଯୋଗାଇବା ନେଇ ଆଲୋଚନା
ସୁଖୋଇ-୩୦ ଯୁଦ୍ଧ ବିମାନର ଆଧୁନିକୀକରଣ ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ସାମରିକ ଉପକରଣ କିଣିବା ନେଇ ଆଲୋଚନା
ବ୍ୟବସାୟିକ ସମ୍ପର୍କକୁ ନୂଆ ଶିଖରକୁ ନେବା ଲାଗି ଆଲୋଚନା ହୋଇପାରେ
ରୁଷକୁ ଭାରତୀୟ ସାମଗ୍ରୀ ରପ୍ତାନୀ ବୃଦ୍ଧି କରିବାର ସମ୍ଭାବନା
ଆମେରିକୀୟ ଡଲାର ଉପରେ ନିର୍ଭରଶୀଳତା ଶେଷ କରିବା ଉପରେ ଆଲୋଚନା
ଭାରତ ଓ ରୁଷ୍‌ ନିଜସ୍ବ ମୁଦ୍ରାରେ ବାଣିଜ୍ୟ ବ୍ୟବସ୍ଥା ଲାଗୁ କରିବା ଉପରେ ବିଚାର କରିପାରନ୍ତି
ଦୁଇ ଦେଶ ୧୦ ଲକ୍ଷ ଭାରତୀୟ କୁଶଳୀ ପ୍ରଫେସନାଲଙ୍କୁ ନିଯୁକ୍ତି ଦେବା ପାଇଁ ଏକ ଲେବର ମୋବିଲିଟି ଚୁକ୍ତି କରିପାରନ୍ତି
ଶକ୍ତି, ଜଳବାୟୁ ପରିବର୍ତ୍ତନ, ନୂତନ ଶକ୍ତି, ବିପର୍ଯ୍ୟୟ ପରିଚାଳନା ନବୀକରଣ ହୋଇପାରେ
ଶିକ୍ଷା କ୍ଷେତ୍ରରେ ରୁଷ୍ ସହିତ ଅନେକ ନୂଆ ଚୁକ୍ତି କିମ୍ବା ପୁରୁଣା ଚୁକ୍ତିକୁ ନବୀକରଣ କରାଯାଇପାରେ