ଅଟୋକୁ ଧକ୍କା ଦେଲା ବସ୍ : ଜଣେ ମୃତ, ୬ ଗୁରୁତର
କନକ ବ୍ୟୁରୋ : ବ୍ରହ୍ମପୁର ସଦର ଥାନା ଅନ୍ତର୍ଗତ ଆମ୍ବଗଡ଼ରେ ସଡ଼କ ଦୁର୍ଘଟଣା । ଏହି ଦୁର୍ଘଟଣାରେ ଜଣେ ମହିଳାଙ୍କର ମୃତ୍ୟୁ ଘଟିଥିବା ବେଳେ ୬ ଜଣ ଗୁରୁତର ହୋଇଥିବା ଖବର ମିଳିଛି । ମିଳିଥିବା ସୂଚନା ଅନୁଯାୟୀ, ଗୁଣସଗାରରୁ ଗୋଟିଏ ପରିବାରର ୭ ଜଣ ସଦସ୍ୟ ଅଟୋରେ ମାଣ୍ଡିଆପଲିରେ ଥିବା ଶିରିଡ଼ି ସାଇ ମନ୍ଦିରକୁ ଯାଉଥିଲେ । ଆମ୍ବଗଡ଼ ନିକଟରେ ସ୍ୱପ୍ନସାଗର ନାମକ ଏକ ଯାତ୍ରୀବାହୀ ବସ୍ ଉକ୍ତ ଅଟୋକୁ ଧକ୍କା ଦେଇଥିଲା । ଫଳରେ ସେଥିରେ ଥିବା ସମସ୍ତେ ଗୁରୁତର ହୋଇପଡ଼ିଥିଲେ । ସେହି ଅଟୋରେ ଥିବା ରଞ୍ଜିତା ଦଳେଇ ନାମ୍ନୀ ଜଣେ ମହିଳାଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଏଥିରେ ଅଟୋ ଡ୍ରାଇଭରଙ୍କ ସମେତ ଅନ୍ୟ ଛଅ ଜଣଙ୍କର ଅବସ୍ଥା ସଂକଟାପନ୍ନ ବୋଲି କୁହାଯାଉଛି । ସେମାନଙ୍କ ଭିତରୁ ଜଣେ ୭ ବର୍ଷର ବାଳକକୁ କଟକର ଏସସିବିକୁ ସ୍ଥାନାନ୍ତରିତ କରାଯାଇଥିବା ଜଣାଯାଇଛି । ପରେ ଖବର ପାଇ ପୁଲିସ୍ ଘଟଣାସ୍ଥଳରେ ପହଞ୍ଚି ବସ୍କୁ ଜବତ କରିଥିଲା ଏବଂ ଘଟଣାର ତଦନ୍ତ କରୁଥିବା ଜଣାଯାଇଛି ।