ଉଇଣ୍ଡୋଜ ୧୦ର ନୂତନ ଫିଚର ! ଆଖି ସାହାଯ୍ୟରେ ଚଳାଇପାରିବେ କମ୍ପ୍ୟୁଟର
ମାଇକ୍ରୋସଫ୍ଟ ଉଇଣ୍ଡୋଜ ୧୦ ପାଇଁ ଆଣିଛି ନୂତନ ଆଇ ଟ୍ରାକିଂ ସୁବିଧା । ତେବେ ଏହା ବିଶେଷକରି ଶାରୀରିକ ଅକ୍ଷମ ଲୋକମାନଙ୍କ ପାଇଁ ନିର୍ମାଣ କରାଯାଇଥିବା ଜଣାପଡ଼ିଛି । ଏହା ବର୍ତ୍ତମାନ ପାଇଁ ବିଟା ଭର୍ସନରେ ଉପଲବ୍ଧ ରହିଛି ଏବଂ କମ୍ପାନୀ ଖୁବ୍ ଶିଘ୍ର ଏହାକୁ ଅପ୍ଡ଼େଟ କରି ସମସ୍ତ ଓ୍ୱିଣ୍ଡୋଜ ୧୦ ବ୍ୟବହାରକାରୀ ମାନଙ୍କ ପାଇଁ ଜାରି କରିପାରେ । କମ୍ପ୍ୟୁଟରର ଆଭ୍ୟନ୍ତରୀଣ ଭାଗର ପ୍ରି-ଭ୍ୟୁ ବିଲ୍ଡ଼ରେ ଆଇ ଟ୍ରାକିଂ ଫିଚର ବେଶ ଲାଭଦାୟକ ସାବ୍ୟସ୍ତ ହେବ। ଏଥିପାଇଁ ଟୋବି ଆଇ ଟ୍ରାକର ୪ସି ବ୍ୟବହାର କରିବାକୁ ପଡ଼ିବ । ଏହାପରେ ବ୍ୟବହାରକାରୀ ନିଜ ଆଖି ସହାୟତାରେ କମ୍ପ୍ୟୁଟର ଚଳାଇପାରିବେ । ଏଥିରେ ଆଖିଦ୍ୱାରା ଅନ୍ ସ୍କ୍ରିନ ମାଉସ ଏବଂ କିବୋଡ଼ ମଧ୍ୟ ଚଳାଇହେବ ।
Kanak News is now on WhatsApp
Join and get latest news updates delivered to you via WhatsApp
କମ୍ପାନୀ ତରଫରୁ ଦିଆଯାଇଥିବା ସୂଚନା ମୁତାବକ, ଏହି ଫିଚର ଟୋବି ଆଇ ଟ୍ରାକର ୪ସି ସହାୟତାରେ କାମ କରିବ । ଏହାକୁ ବ୍ୟବହାର କରିବା ପୂର୍ବରୁ ଉଇଣ୍ଡୋ-୧୦ କମ୍ପ୍ୟୁଟରରୁ ଏହି ଫିଚରକୁ ଷ୍ଟାଟ କରିବାକୁ ପଡ଼ିବ । ଆରମ୍ଭ ହେବା ପରେ ସ୍କ୍ରିନ ଉପରେ ଏକ ଲଂଚପ୍ୟାଡ଼ ଦେଖାଯିବ ଯେଉଁଥିରେ ମାଉସ୍, କିବୋର୍ଡ଼ ଏବଂ ଟେକ୍ସ ଟୁ ସ୍ପିଚ୍ ଫିଚର ରହିବ । ଏପରି କରିବା ପାଇଁ ବ୍ୟବହାରକାରୀଙ୍କୁ କେବଳ କମ୍ପ୍ୟୁଟରକୁ ସେତେବେଳେ ପର୍ଯ୍ୟନ୍ତ ଚାହିଁବାକୁ ପଡ଼ିବ, ଯେତେବେଳ ପର୍ଯ୍ୟନ୍ତ ଆକ୍ଟିଭେଟ ନହେବ । ପରେ ଏହାକୁ ବ୍ୟବହାର କରି ଆଖି ସାହାଯ୍ୟରେ କମ୍ପ୍ୟୁଟର ଚଳାଇହେବ ।