ନଭେମ୍ବର ୨୬ରୁ ଡିସେମ୍ବର ୨୫ ମଧ୍ୟରେ ଦେଶକୁ କରୋନା ଆସିଥିବା ଆଶଙ୍କା । ବୈଜ୍ଞାନିକଙ୍କ ଅନୁମାନ ନେଇ ଜାତୀୟ ଗଣମାଧ୍ୟମରେ ଚର୍ଚ୍ଚା, ଜାନୁୟାରୀରେ ଚୀନ୍ ଫେରନ୍ତାଙ୍କ ସଂସ୍ପର୍ଶରେ ଆସିଥିବା ଲୋକଙ୍କ ଦ୍ୱାରା ବ୍ୟାପିଥାଇପାରେ ଭୂତାଣୁ
କନକ ବ୍ୟୁରୋ : କରୋନା ପାଇଁ ଲଢେଇ କରୁଛି ଦେଶ । ଦେଶରେ ଜାନୁଆରୀ ୩୦ ତାରିଖରେ କେରଳରେ ପ୍ରଥମ କରୋନା ରୋଗୀ ଚିହ୍ନଟ ହୋଇଥିଲା । ଜାତୀୟ ଗଣମାଧ୍ୟମ ଅନୁସାରେ, ଦେଶର ବଛା ବଛା ବୈଜ୍ଞାନିକମାନେ ଅନୁମାନ କରିଛନ୍ତି ଯେ, ଭାରତରେ ନଭେମ୍ବର ଡିସେମ୍ବରରେ ହିଁ କରୋନା ପହଂଚିସାରିଥିଲା । ବୈଜ୍ଞାନିକଙ୍କ ଅନୁମାନ ୨୬ ନଭେମ୍ବରରୁ ୨୫ ଡିସେମ୍ବର ମଧ୍ୟରେ ଭାରତ ଆସିଥାଇପାରେ କରୋନା । ତେଲେଙ୍ଗାନା ଓ ଅନ୍ୟ ରାଜ୍ୟରେ ବ୍ୟାପୁଥିବା କରୋନା ଭୂତାଣୁ ନଭେମ୍ବର ବା ଡିସେମ୍ବର ମାସରେ ଆସିଥିବା ସମ୍ଭାବନା ରହିଛି ।
Kanak News is now on WhatsApp
Join and get latest news updates delivered to you via WhatsApp
ତେଣୁ ପ୍ରଶ୍ନ ଉଠୁଛି ଜାନୁୟାରୀ ପୂର୍ବରୁ ଚୀନରୁ ଭାରତ ଆସୁଥିବା ଯାତ୍ରୀଙ୍କ ଜରିଆରେ ଦେଶରେ କରୋନା ସଂକ୍ରମଣ ଆରମ୍ଭ ହୋଇଥିଲା କି ? ତେବେ ଏହାର କୌଣସି ସଠିକ ପ୍ରମାଣ ମିଳି ନାହିଁ । କାରଣ ସେହି ସମୟରେ ଭାରତରେ ବ୍ୟାପକ ଭାବେ କରୋନା ଟେଷ୍ଟିଂ ହେଉନଥିଲା । ହାଇଦ୍ରାବାଦର ସେଂଟର ଫର ସେଲୁଲାର ଆଣ୍ଡ ମଲକ୍ୟୁଲର ବାୟୋଲୋଜି ଭାରତରେ ବ୍ୟାପୁଥିବା କରୋନାର ଆସିବା ସମୟର ଅନୁମାନ କରିଛି । ଏହାଛଡା ଭାରତରେ ବ୍ୟାପୁଥିବା କରୋନା ଭୂତାଣୁର ନୂଆ ରୂପକୁ ମଧ୍ୟ ଠାବ କରିଛି, ଯାହାର ନାମ ରଖାଯାଇଛି ଏ-ଥ୍ରି ଆଇ ।
କେରଳରେ ପ୍ରଥମ ରୋଗୀଙ୍କୁ ଚିହ୍ନଟ ହୋଇଥିବା କରୋନା ଭୂତାଣୁର ଯାଂଚ ପରେ ଏହା ଚୀନର ବୁହାନର କରୋନା ଭୂତାଣୁ ସହ ମେଳ ଖାଇଥିଲା । ହେଲେ ହାଇଦ୍ରାବାଦରେ ଚିହ୍ନଟ କରୋନା ରୋଗୀଙ୍କ ଭୂତାଣୁର ଉତ୍ପତି ଚୀନ ନୁହେଁ ବରଂ ଏହା ଦକ୍ଷିଣ ପୂର୍ବ ଏସିଆରୁ ଆସିଥିବା ଅନୁମାନ କରାଯାଉଛି । ଏ-ଥ୍ରି ଆଇ କରୋନା ଭୂତାଣୁ କେଉଁ ଦେଶରୁ ଆସିଛି ଜଣାପଡିନଥିବା ବେଳେ ଏହାର ଉତ୍ପତି ଚୀନ ନୁହେଁ ବୋଲି ସ୍ପଷ୍ଟ କରିଛନ୍ତି ଭାରତୀୟ ବୈଜ୍ଞାନିକ । ଏବେ ଠାବ ହୋଇଥିବା ନୂଆ ରୁପର କରୋନା ଭୂତାଣୁ ବା ଏ-ଥ୍ରୀ-ଆଇ ବିଶେଷ କରି ତେଲେଙ୍ଗାନା, ମହାରାଷ୍ଟ୍ର, ଦିଲ୍ଲୀ ଓ ତାମିଲନାଡୁରେ ବ୍ୟାପିବାରେ ଲାଗିଛି ।