ଘନ କୁଡୁଡି,୧୮ ଜିଲ୍ଲାକୁ ୱାର୍ଣ୍ଣିଂ: ଶୀତ ସାଙ୍ଗକୁ କଲବଲ କରୁଛି କୁହୁଡ଼ି

କନକ ବ୍ୟୁରୋ: ଶୀତ ସାଙ୍ଗକୁ କୁହୁଡ଼ି କରୁଛି କଲବଲ । ସାରା ରାଜ୍ୟରେ ଏବେ ପାରଦ ତଳ ମୁହାଁ ହୋଇଥିବା ବେଳେ, କୁହୁଡ଼ିର ପ୍ରଭାବ ମଧ୍ୟ ଦେଖିବାକୁ ମିଳୁଛି । ଆଜି ଘନ କୁହୁଡି ନେଇ ୧୮ ଜିଲ୍ଲାକୁ ସତର୍କ କରିଛି ପାଣିପାଗ ବିଭାଗ । ଏସବୁ ଜିଲ୍ଲାଗୁଡିକ ହେଉଛି ମୟୂରଭଞ୍ଜ, କେନ୍ଦୁଝର, ଅନୁଗୁଳ, ଢେଙ୍କାନାଳ, ଖୋର୍ଦ୍ଧା, କଟକ, ପୁରୀ, ନୟାଗଡ଼, କେନ୍ଦ୍ରାପଡା, ଜଗତସିଂହପୁର, ବଲାଙ୍ଗୀର, ସୋନପୁର, କଳାହାଣ୍ଡି, କନ୍ଧମାଳ, କୋରାପୁଟ, ଗଞ୍ଜାମ, ଗଜପତି, ସୁନ୍ଦରଗଡ଼ । 

ଆଜି କେମିତି କଟିବ ଦିନ? ଜାଣନ୍ତୁ...

ତେବେ ଆଗାମୀ ତିନି ଦିନ ମଧ୍ୟ କୁହୁଡ଼ି ରହିବାର ସମ୍ଭାବନା ନେଇ ପାଣିପାଗ ବିଭାଗ ପକ୍ଷରୁ ସତର୍କ ସୂଚନା ମଧ୍ୟ ଜାରି ହେଇଛି । କୁହୁଡ଼ି ଯୋଗୁଁ ରାଜଧାନୀର ରାସ୍ତା କଥା କୁହନ୍ତୁ କିମ୍ବା ଜାତୀୟ ରାଜପଥ ସବୁଠି ଯାତାୟତ ବାଧା ପ୍ରାପ୍ତ ହେଉଛି । 

ସାରା ରାଜ୍ୟ ସମେତ କନ୍ଧମାଳ ଜିଲ୍ଲାରେ ଚଳିତ ବର୍ଷ ଶୀତ ଜାରି ରହିଛି । ସ୍ଥାନୀୟ ଅଞ୍ଚଳରେ ଶୀତ ତାର ପ୍ରକୋପ ଦେଖେଇବାରେ ଲାଗିଛି । ଏକ ମାସରୁ ଊର୍ଦ୍ଧ୍ବ ସମୟ ହେବ ଶୀତ ଲହରୀ ସାଙ୍ଗକୁ ଘନ କୁହୁଡି । ପାରଦ ତଳମୁହାଁ ହେବା ସହ ପ୍ରବଳ ଶୀତ କୁ ଜାଡ କଲବଲ କରୁଛି । ହାତଗୋଡ଼ କାଳ ମାରୁଛି । ସଞ୍ଜ ନଇଁଲେ ଶୀତର ପ୍ରକୋପ ବଢ଼ିବାରେ ଲାଗୁଛି । ରାତି ଯେତେ ବଢୁଛି ଜାଡ଼ ସେତେ ଅଧିକ ହେଉଛି । ମାଳୁଆ ଶୀତ ତାର ରୂପ ଦେଖେଇବାରେ ଲାଗିଛି । ଜି ଉଦୟଗିରି ସହରର ତାପମାତ୍ରା ୪.୪ଡିଗ୍ରି ରହୁଥିବା ବେଳେ ଦାରିଙ୍ଗବାଡି,ଫୁଲବାଣୀ, ବାଲିଗୁଡ଼ା,ବେଲଘର୍ ସମେତ ଜିଲ୍ଲା ତମାମ ୬ ରୁ ୮ ଡିଗ୍ରୀ ମଧ୍ୟ ରେ ତାପମାତ୍ରା ରହୁଥିବା ରେକର୍ଡ କରାଯାଇଥିବା ବେଳେ ଆହୁରି ପାରଦ ଖସିବ ଶୀତ ଜନଜୀବନ ପ୍ରଭାବିତ କରିବ ।

ସୁବର୍ଣ୍ଣପୁରରେ ପାରଦ କମିବ ସହ ଶୀତ ବଢିଛି । କେବଳ ଶୀତ ନୁହେଁ କୁହୁଡି ଯୋଗୁଁ ଜନଜୀବନ ହେଉଛି ଅସ୍ତବ୍ୟସ୍ତ । ଯଉଥିପାଇଁ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଶୀତରୁ ରକ୍ଷା ପାଇବା ପାଇଁ କିଏ ନିଆଁ ପୋଉ ଛି ତ କିଏ ଚା ପିଉଛି । ଲୋକେ ଭୋର ସକାଳୁ ଘରୁ ବାହାରିପାରୁନାହାନ୍ତି ।