ସଙ୍କଟରେ ବାବା ଲୋକନାଥଙ୍କ ପୀଠ : ସପ୍ତାହେ ହେବ ମନ୍ଦିର ପରିସର ଓ ଗମ୍ଭୀରାରେ ଜମିରହିଛି ପାଣି ନ୍ୟୁଜ୍ By Pranjna Parimita Behera On Sep 10, 2019 - 12:28 PM Last updated Sep 10, 2019 - 12:34 PM 654 Share କନକ ବ୍ୟୁରୋ : ଆଜିକୁ ୬ ଦିନ ହେଲା ଅଂଟାଏ ପାଣିରେ ବୁଡିରହିଛି ଲୋକନାଥ ମନ୍ଦିର । ସଙ୍କଟରେ ବାବା ଲୋକନାଥଙ୍କ ପୀଠ । ମନ୍ଦିରର ଗମ୍ଭୀରାରେ ବର୍ଷା ଜଳ ଲହଡି ମାରୁଛି । ମନ୍ଦିର ପରିସରରେ ମଧ୍ୟ ଆଣ୍ଠୁଏ ଉଚ୍ଚର ପାଣି ଜମା ହୋଇରହିଛି । ଫଳରେ ଗମ୍ଭୀରାରୁ ଥାଇ ଦିଅଁକୁ ଦର୍ଶନ କରିପାରୁନାହାନ୍ତି ଭକ୍ତ । ଶିବଲିଙ୍ଗ ରଖି ବାହାରେ ପୂଜା କରାଯାଉଥିବା ବେଳେ ମନ୍ଦିର ଭିତରକୁ ଯିବା ସମ୍ଭବପର ହୋଇପାରୁନାହିଁ । ଏପଟେ ମନ୍ଦିର ମଧ୍ୟରୁ ପ୍ରଶାସନ ପକ୍ଷରୁ ଜଳ ନିଷ୍କାସନ ବ୍ୟବସ୍ଥା କରାଯାଉନଥିବା ଅଭିଯୋଗ ହୋଇଛି । Kanak News is now on WhatsApp Join and get latest news updates delivered to you via WhatsApp Join Now କିଛି ମାସ ପୂର୍ବରୁ ଲଘୁଚାପ ବର୍ଷାରେ ଲୋକନାଥଙ୍କ ପାର୍ବତୀ ସାଗର ପୁଷ୍କରିଣୀର ଉତରପାର୍ଶ୍ୱ ପାଚେରୀ ଭୁଶୁଡି ପଡିଥିଲା । ତାହା ମଧ୍ୟ ସଠିକ ଭାବେ ପୁନରୁଦ୍ଧାର କରାଯାଇନଥିବାରୁ ପାର୍ବତୀ ସାଗରକୁ ଅବାଧରେ ବାହାର ପାଣି ପ୍ରବେଶ କରୁଛି । ଫଳରେ ମନ୍ଦିର ଭିତରକୁ ପାଣି ପଶଇ ଗମ୍ଭୀରା ସହ ଅଗଣା ଓ ସମଗ୍ର ମନ୍ଦିରରେ ପାଣି ଜମି ରହିଛି । ଉପଜିଲ୍ଲାପାଳ ଏକଥାକୁ ସ୍ୱୀକାର କରିଥିବା ବେଳେ ଅଗ୍ନିଶମ ବିଭାଗ ପକ୍ଷରୁ ପାଣି ନିଷ୍କାସନ କରାଯିବ ବୋଲି ଉପଜିଲ୍ଲାପାଳ କହିଛନ୍ତି । 654 Share FacebookTwitterGoogle+WhatsAppTelegramEmailPrint