ଟ୍ରାଫିକ୍ ପୋଷ୍ଟ ପାଖରେ ପ୍ରଶଂସକଙ୍କ ସହ ସେଲ୍ଫି ନେବା ପଡ଼ିଲା ମହଙ୍ଗା ! ବରୁଣ ଧାୱନଙ୍କୁ ଚେତାବନୀ ଦେଲା ମୁମ୍ବାଇ ପୋଲିସ୍
ସିନେ ତାରକା ମାନେ ତାଙ୍କ ଦାୟତ୍ୱକୁ ଭଲରେ ବୁଝିବା ଦରକାର । ନା କେବଳ ପ୍ରଶଂସକଙ୍କ ପ୍ରତି ସମାଜ ପ୍ରତି ମଧ୍ୟ ସଚେତନ ହେବା ଉଚିତ୍ । ପ୍ରସଂଶକଙ୍କ କୌଣସି ପ୍ରକାର ଦାବିକୁ ପୂରୁଣ କରିବା କିଛି ଆବଶ୍ୟକ ନୁହେଁ କାରଣ ଏପରି କରିବା ଦ୍ୱାରା ତାଙ୍କର ସୁରକ୍ଷା ପ୍ରତି ବିପଦ ସୃଷ୍ଟି ହୋଇପାରେ । ଏହିପରି କିଛି ହୋଇଛି ‘ଜୁଡ଼ୱା-୨’ ର ଷ୍ଟାର ବରୁଣ ଧୱନଙ୍କ ସହ । ଯାହା ତାଙ୍କୁ ଅଡ଼ୁଆରେ ମଧ୍ୟ ପକାଇଛି । ସୂଚନା ଅନୁସାରେ ଏକ ଟ୍ରାଫିକ ସିଂଗନାଲ ପାଖରେ ତାଙ୍କର ଜଣେ ପ୍ରସଂଶକଙ୍କ ଅନୁରୋଧ ଟାଳି ନପାରି, ବରୁଣ ସେଲ୍ଫି ନେବା ପାଇଁ ରାଜି ହୋଇଯାଇଥିଲେ । ତାଙ୍କ ଏହି କାରନାମାକୁ ଦେଖିନେଇଥିଲେ ମୁମ୍ବାଇ ପୋଲିସ୍ । ଏବଂ ଏଥିପାଇଁ ବରୁଣଙ୍କ ବିରୋଧରେ ଅନ୍ୟ ସାଧାରଣ ଲୋକଙ୍କ ପରି ମୁମ୍ବାଇ ପୋଲିସ୍ ପରି ଚାଲାଣ କାଟିଥିଲେ । ଭବିଷ୍ୟତରେ ଏପରି ଭୁଲ ନକରିବା ପାଇଁ ତାଙ୍କୁ ଚେତାବନୀ ମଧ୍ୟ ଦେଇଥିଲେ । କେବଳ ଏତିକି ନୁହେିଁ, ଏକଥା ନିଜେ ମୁମ୍ବାଇ ପୋଲିସ୍ ଟ୍ୱିଟରରେ ସେୟାର କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମୁମ୍ବାଇ ପୁଲିସର ଅଧିକାରୀ ଟୁଇଟର ହେଣ୍ଡେଲରେ ଏକ ପତ୍ରିକାରେ ପ୍ରକାଶିତ ହୋଇଥିବା ଖବରକୁ ସ୍ନାପସଟ୍ ମାରି ସେୟାର କରିଛନ୍ତି । ଯେଉଁଥିରେ ବରୁଣ ତାଙ୍କ ପ୍ରସଂଶକଙ୍କ ସହ ଫୋଟ ଉଠାଇଥିବା ଦେଖାଯାଇଛି । ବରୁଣ ନିଜ କାରର ବାହାରକୁ ଆସି ଏକ ମହିଳା ପ୍ରସଂଶକ ସହ ଏକ ଅଟୋ ସାମ୍ନାରେ ଫୋଟ ଉଠାଉଥିବା ଦେଖାଯାଇଛି । ଟ୍ୱଟରରେ କୁହାଯାଇଛି କୁହଯାଇଛି ଏପରି କିରବା ଦ୍ୱାରା ବରୁଣ ନିଜର ଓ ପ୍ରଶଂସକଙ୍କ ଜୀବନକୁ ବିପଦରେ ପକାଇଛନ୍ତି । ପୁନର୍ବାର ଏପରି କଲେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିବେ ବୋଲି ପ୍ରକାଶ କରିଛନ୍ତି ମୁମ୍ବାଇ ପୋଲିସ୍ ।