ବାରଣାସୀରେ ପାକିସ୍ତାନ ବିରୋଧରେ ଗର୍ଜିଲେ ମୁସଲିମ୍ ସଂପ୍ରଦାୟ : ପାକିସ୍ତାନ ମୁର୍ଦ୍ଦାବାଦ ନାରାରେ କମ୍ପିଲା ଶୋଭାଯାତ୍ରା
କନକ ବ୍ୟୁରୋ : ଉତ୍ତରପ୍ରଦେଶରେ ଜୋର ଧରିଛି ପାକିସ୍ତାନ ବିରୋଧୀ ସ୍ୱର । ବାରଣାସୀରେ ଆଜି ଶତାଧିକ ମୁସଲିମ୍ ସଂପ୍ରଦାୟର ଲୋକ ପାକିସ୍ତାନ ବିରୋଧରେ ଶୋଭାଯାତ୍ରା କରିଛନ୍ତି । ଶୋଭାଯାତ୍ରାରେ ପାକ୍ ବିରୋଧୀ ନାରା ଦେଇଛନ୍ତି ମୁସଲିମ୍ ସଂପ୍ରଦାୟର ଲୋକ । ପାକିସ୍ତାନ ଏବେ ବିଶ୍ୱ ପାଇଁ ବିପଦ ବୋଲି ସମସ୍ତେ ମତ ରଖିଛନ୍ତି । ପିଲା ଠାରୁ ଆରମ୍ଭ କରି ମହିଳା ସମସ୍ତ କହିଛନ୍ତି ସମସ୍ତଙ୍କ ପାଇଁ ପାକ୍ ଏବେ ବିପଦ । ପାକିସ୍ତାନ ପାଇଁ ହିଁ ଲୋକେ ମୁସଲମାନମାନଙ୍କୁ ଭିନ୍ନ ଚକ୍ଷୁରେ ଦେଖୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଜାମ୍ମୁକାଶ୍ମୀରରୁ ଧାରା ୩୭୦ ଉଛେଦ ପରେ ପାକିସ୍ତାନ ଭାରତ ବିରୋଧରେ ବିଷୋଦଗାର କରି ପରମାଣୁ ଅସ୍ତ୍ର ବ୍ୟବହାର କରିବାର ଧମକ ଦେଇଛି । ଶୋଭାଯାତ୍ରା କରିବା ସହ ଲୋକମାନେ ପାକିସ୍ତାନର ଗଜନିଭ୍ ଓ ଘୋରୀ ମିଜାଇଲର କୁଶପୁତଳିକା ଦାହ କରିଛନ୍ତି । ମିଳିତ ଜାତିସଂଘର ଏକ ପ୍ରତିନିଧି ଦଳ ପାକିସ୍ତାନ ଗସ୍ତ କରି ଏହାର ପରମାଣୁ ଅସ୍ତ୍ର ଯାଂଚ କରିବା ଦରକାର ବୋଲି ଦାବି ହୋଇଛି ।