ଉତ୍ତରାଖଣ୍ଡରେ ଭୁସ୍ଖଳନର ଲାଇଭ ଦୃଶ୍ୟ ! ପାଣିରେ ୨୫ ମିଟର ତଳକୁ ବହିଗଲା ଯାତ୍ରୀବାହି ବସ୍

10

କନକ ବ୍ୟୁରୋ : ପାଣି ସହ ମାଟି ଧସି ବହିଗଲା ଯାତ୍ରୀବାହୀ ବସ୍ । କ୍ୟାମେରାରେ କଏଦ୍ ହେଲା ଭୂସ୍ଖଳନର ଲାଇଭ୍ ଦୃଶ୍ୟ । ଏପରି ଘଟଣା ଘଟିଛି ଉତ୍ତରାଖଣ୍ଡ ବାଗେଶ୍ୱରର । ଯେଉଁଠି ପ୍ରବଳ ବର୍ଷା ଯୋଗୁ ହୋଇଛି ଭୂସ୍ଖଳନ । ଆଉ ଅଚାନକ ଆସିଥିବା ଏହି ଭୂସ୍ଖଳନରେ ଏକ ଯାତ୍ରୀବାହୀ ବସ୍ ରାସ୍ତା ଉପରୁ ମାଟି ଅତଡା ସହ ପ୍ରାୟ ୨୫ ମିଟର ତଳକୁ ଖସି ଯାଇଥିଲା । ବସରେ ମୋଟ ୨୦ ଜଣ ଯାତ୍ରୀ ଥିଲେ । ସମସ୍ତଙ୍କୁ ସୁରକ୍ଷିତ ଉଦ୍ଧାର କରାଯାଇଛି ।

ବାଗେଶ୍ୱରରୁ ଅଲମୋଡା ଯାଉଥିବା ବେଳେ ପାହାଡିଆ ରାସ୍ତାରେ ବସଟି ଏହି ଅଘଟଣର ଶିକାର ହୋଇଥିଲା । ରାସ୍ତା ଉପରୁ ଧିରେ ଧିରେ ବସଟି ତଳକୁ ଖସୁଥିବା ବେଳେ ଭିତରେ ଥିବା ଯାତ୍ରୀମାନେ ପ୍ରାଣ ଭୟରେ ଆତଙ୍କିତ ହୋଇ ପଡିଥିଲେ । ତେବେ ଡ୍ରାଇଭର ଜଣକ ବସକୁ ସାହସର ସହ ନିୟନ୍ତ୍ରଣ କରିଥିଲେ । ଯେଉଁଥି ପାଇଁ ଏକ ନିଶ୍ଚିତ ମୃତ୍ୟୁମୁଖରୁ ଅଳ୍ପକେ ବଂଚି ଯାଇଛନ୍ତି ଯାତ୍ରୀ ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.