ଗୁଗଲ ଆପଣଙ୍କ ସ୍ମୃତି ଶକ୍ତି କମ୍ କରୁଛି ! ବିଶ୍ୱାସ ହେଉନି ତ ଗୁଗଲ କରନ୍ତୁ
ଗୁଗଲ ବ୍ୟବହାର କରୁଛନ୍ତି କି ? ଆପଣ ଭାବୁଥିବେ ଏ କିପରି ପ୍ରଶ୍ନ । କାରଣ ଆଜିକା ସମୟରେ ବୋଧହୁଏ ଏପରି ଲୋକ ଥିବେ ଯିଏ ଲୋକପ୍ରିୟ ସର୍ଚ୍ଚ ଇଞ୍ଜିନ୍ ଗୁଗୁଲ ଗୁଗୁଲ ବ୍ୟବହାର କରୁନଥିବ । କିଛି ବି ତଥ୍ୟ ଜଣାନଥିଲେ ଆମେ ଗୁଗଲ ବ୍ୟବହାର କରୁ । ବର୍ତ୍ତମାନ ସମୟରେ ଆମେ ବହି ପଢ଼ିବା ଅପେକ୍ଷା ଗୁଗଲରୁ ତଥ୍ୟ ସଂଗ୍ୟହ କରିବା ପାଇଁ ଅଧିକ ପସନ୍ଦ କରୁଛୁ । ତେବେ ଜାଣନ୍ତି କି ଗୁଗୁଲ ବ୍ୟବହାର କରିବା ଦ୍ୱାରା ଆପଣଙ୍କ ସ୍ମୃତିଶକ୍ତି ହ୍ରାସ ପାଉଛି ।
Kanak News is now on WhatsApp
Join and get latest news updates delivered to you via WhatsApp
ନିକଟରେ ହୋଇଥିବା ଏକ ଅଧ୍ୟୟନ ଅନୁସାରେ ବିଶେଷଜ୍ଞ କହିଛନ୍ତି, ଗୁଗଲ ବ୍ୟବହାର କରୁଥିବା ଲୋକଙ୍କ ସ୍ମୃତିଶକ୍ତି ଉପରେ ବିପଦ ମାଡ଼ି ଆସୁଛି । ଆମେ କୌଣସି ତଥ୍ୟ ପାଇଁ ନିଜେ ଚିନ୍ତା କରିବା ପରିବର୍ତ୍ତେ ଗୁଗଲ ସର୍ଚ୍ଚ କରିବା ଦ୍ୱାରା ସ୍ମୃତିଶକ୍ତି ଦୁର୍ବଳ ହେବାର ଆଶଙ୍କା ରହିଛି । ସେମାନଙ୍କୁ ଭୁଲିବାର ରୋଗ ହୋଇପାରେ । ବିଶେଷଜ୍ଞଙ୍କ କହିବା ଅନୁସାରେ ମସ୍ତିସ୍କ ଉପରେ ଜୋର ଦେଇ କୌଣସି ତଥ୍ୟ ବିଷୟରେ ଜାଣିବା ଶରୀର ପାଇଁ ଲାଭପ୍ରଦ । କିନ୍ତୁ ଇଂଟରନେଟ୍ ଯୁଗରେ ଅଧାରୁ ଅଧିକ କାମ ଇଂଟରନେଟ୍ ହିଁ କରିଦେଉଛି । ଆମକୁ କିଛି ପରିଶ୍ରମ କରିବା ପାଇଁ ପଡ଼ୁନି । କିଛି ତଥ୍ୟ ଜାଣିବା ପାଇଁ ଚାହିଁଲେ ସଙ୍ଗେ ସଙ୍ଗେ ଆମେ ଗୁଗଲ କରୁଛୁ ।
ବର୍ତ୍ତମାନ ସମୟରେ ଆମେ ଯଦି କିଛି ଜାଣିବା ପାଇଁ ଚାହୁଁଛୁ, ଆମେ ଉକ୍ତ ସମ୍ମନ୍ଧୀୟ ଜ୍ଞାନ ଆହରଣ ପାଇଁ ଇଂଟରନେଟରେ ଖୋଜୁଛନ୍ତି । ୨୦୧୫ରେ ହୋଇଥିବା ଅନୁମାନ ଅନୁସାରେ ସ୍ମୃତି ଶକ୍ତି ହରାଇଥିବା ରୋଗୀ ସଂଖ୍ୟା ସାଢ଼େ ୪ କୋଟି ପର୍ଯ୍ୟନ୍ତ ପହଞ୍ଚି ଯାଇଛି । ୧୯୯୦ ତୁଳନାରେ ଦୁଇ ଗୁଣ ବୃଦ୍ଧି ପାଇଛି । ଆଧୁନିକ ଜୀବନଶୈଳୀ ମଧ୍ୟ ଏପରି ରୋଗ ବୃଦ୍ଧି କରୁଛି । ବ୍ୟାୟାମ ନକରିବା ଦ୍ୱାରା, ଜଙ୍କ୍ ଫୁଡ଼୍ ସେବନ, ନିଶା ଦ୍ରବ୍ୟ ସେବନ ଆଦି ଯୋଗୁଁ ମସ୍ତିସ୍କ ଉପରେ କୁପ୍ରଭାବ ପଡ଼ୁଛି । ଏବଂ ସ୍ମୃତି ଶକ୍ତି ହରାଉଛନ୍ତି ଲୋକେ ।