ଦୁନିଆରେ ଅନେକ ଏପରି ପରମ୍ପରା ଅଛି ଯାହା ବିଷୟରେ ଜାଣି ଆଶ୍ଚର୍ଯ୍ୟ ହେବା ସ୍ୱଭାବିକ । ବିଭିନ୍ନତାରେ ଏକତା ଭାରତୀୟ ସଂସ୍କୃତିର ଏକ ମହତ୍ତ୍ୱପୂର୍ଣ୍ଣ ଅଙ୍ଗ । ଏମିତି କିଛି ବିଲକୁଲ ଅଲଗା ପରମ୍ପରା ଦେଖିବାକୁ ମିଳେ ରାଜସ୍ଥାନରେ । ରାଜସ୍ଥାନ ଉଦୟପୁରର ସିରୋହୀ ଓ ପାଲି ଜିଲ୍ଲାରେ ଗରାସିୟା ନାମକ ଏକ ଜନଜାତି ରୁହନ୍ତି ଏବଂ ସେଠାରେ ଦେଖିବା ପାଇଁ ମିଳେ ଏକ ନିଆରା ତଥା ଅତି ଅଦ୍ଭୁତ ପରମ୍ପରା ।
Kanak News is now on WhatsApp
Join and get latest news updates delivered to you via WhatsApp
ଗରାସିଆ ସମାଜରେ ଦାମ୍ପତ୍ୟ ଜୀବନର ଏକ ନିଆରା ପରମ୍ପରା ଦେଖିବା ପାଇଁ ମିଳେ ଯାହା ଆଧୁନିକ ଯୁଗର ଲିଭ ଇନ ସଂମ୍ପର୍କ ପରି । କିନ୍ତୁ ଭାରତୀୟ ସମାଜରେ ଏବେ ବି ଏହି ପରମ୍ପରାକୁ ଗ୍ରହଣ କରିନାହାନ୍ତି । ଗରାସିୟା ସମାଜରେ ବିବାହ ପୂର୍ବରୁ ପ୍ରଥମେ ଦାମ୍ପତ୍ୟ ଜୀବନ ଆରମ୍ଭ ହୋଇଯାଏ । ଏହି ସମାଜର ପ୍ରଥା ଅନୁସାରେ ଯୁବକ-ଯୁବତୀଙ୍କ ସହମତି ପରେ ପୁଅ ଘର ଲୋକ କିଛି ରାଶି ପ୍ରଦାନ କରନ୍ତି ଝିଅ ଘରକୁ ।
ଏହା ପରେ ଉଭୟ ଯୁବକ ଓ ଯୁବତୀ ବିବାହ ନକରି ସ୍ୱାମୀ-ସ୍ତ୍ରୀ ପରି ରହିବାରେ ଲାଗନ୍ତି । ଅନେକ ଦିନ ପରେ ହେଉ କିମ୍ବା ସେମାନେଙ୍କ ଶିଶୁ ଜନ୍ମ ପରେ ହେଉ ନିଜର ସୁବିଧା ଦେଖି ସେମାନେ ବିବାହ ବନ୍ଧନରେ ବାନ୍ଧି଼ ହୁଅନ୍ତି । ଏହି ପରମ୍ପରାର ଆଉ ଏକ ଗୁରୁତ୍ୱପୁର୍ଣ୍ଣ କଥା ହେଲା ଏପରି ରହିବା ପରେ ମଧ୍ୟ ଯହି ଉଭୟଙ୍କର କୌଣସି ପିଲାପିଲି ନହେଲା ସେମାନେ ଅଲଗା ହୋଇଯାଆନ୍ତି । ଏହା ପରେ ପୁଣି ଆଉ ଜଣଙ୍କ ସହ ରହି ପିଲାଜନ୍ମ କରିବା ପାଇଁ ଚେଷ୍ଟା କରନ୍ତି ।