ଭାରତ ବିଭିନ୍ନତାର ଦେଶ । କୁହାଯାଏ ପ୍ରତି କିଲୋମିଟରେ ଭାରତର ଭାଷା ଓ ପରମ୍ପରା ବଦଳିଯାଏ । ଏତେ ଅଲଗା ହେବା ପରେ ମଧ୍ୟ ଆମ ଦେଶ ଭାରତ ପ୍ରେମ ଓ ଏକତାର ସୂତ୍ରରେ ବାନ୍ଧି ହୋଇଛି । ସମସ୍ତେ ଜାଣନ୍ତି ଅଲଗା ଅଲଗା ଜାତି ଓ ଧର୍ମକୁ ମାନୁଥିବା ଏହି ଦେଶରେ ବିବାହକୁ ନେଇ ମଧ୍ୟ ଅନେକ ଅଦ୍ଭୁତ ପରମ୍ପରା ରହିଛି ।
Kanak News is now on WhatsApp
Join and get latest news updates delivered to you via WhatsApp
୧. ହିନ୍ଦୁ ଶାସ୍ତ୍ରରେ ଅନେକ ଜାଗାରେ ବିବାହ ପୂର୍ବରୁ କନ୍ୟାକୁ ବରର ଗାଧୁଆ ପାଣି ପଠାଯାଏ ଏବଂ ସେଇ ପାଣିରେ କନ୍ୟା ଗାଧୋଇବା ସହ ସାରାଜୀବନ ସ୍ୱାମୀ ଉପରକୁ ଆସୁଥିିବା ବିପଦରୁ ରକ୍ଷା କରିବା ପାଇଁ ବଦ୍ଧ ପରିକର ହୋଇଥାଏ ।
୨. ବିବାହରେ ବରଯାତ୍ରୀ ଯିବା ପୂର୍ବରୁ ବରର ମା ପୁଅକୁ ବରଯାତ୍ରୀ ସହ ଯିବା ପାଇଁ ମନା କରିଥାଏ ନହେଲେ ସେ କୂଅକୁ ଡେଇଁ ପଡିବ ବୋଲି ଧମକ ଦିଏ । ସେତେବେଳେ ଯାଏ ମା ପୁଅ ଉପରେ ରାଗ କରେ, ଯେତେବେଳ ପର୍ଯ୍ୟନ୍ତ ପୁଅ ମାକୁ କଥା ଦିଏନି କି ସେ ସ୍ତ୍ରୀ ଆସିବା ପରେ ମଧ୍ୟ ମା’ର ପୁରା ଧ୍ୟାନ ନେବ ।
୩. ମଧ୍ୟପ୍ରଦେଶର କିଛି କିଛି ଆଦିବାସୀ ପରିବାରରେ ବିବାହ ପୂର୍ବରୁ ପୁଅଘର ଲୋକ ଝଅ ଘରକୁ ସାପ ଥିବା ପେଟି ପଠାନ୍ତି ଏବଂ ଝିଅ ଘର ସେହି ପେଟିକୁ ଜଙ୍ଗଲରେ ଝାଡି ଆସନ୍ତି । ଏମିତି କରିବା ପଛରେ ମାନ୍ୟତା ରହିଛି କି ଝିଅକୁ ଆପଣାଉଥିବା ଘରଲୋକ ତାଙ୍କ ମନରୁ ସବୁ ପ୍ରକାର ବିଷ ଦୂର କରିଦିଅନ୍ତି, ଯାହାଦ୍ୱାରା ବରବଧୂ ସାରାଜୀବନ ଖୁସିରେ ରହିବେ ।
୪. କିଛି ସ୍ଥାନରେ କନ୍ୟାର ବିବାହ ବାକ୍ସ ସହ ଝାଡୁ ରଖିବାର ପରମ୍ପରା ରହିଛି । ଏପରି କରିବା ଦ୍ୱାରା ଲକ୍ଷ୍ମୀ କେବେ ବି ଘର ଝାଡି ଯିବେନି ବୋଲି ମାନ୍ୟତା ରହିଛି ।
୫. କିଛି ପାହାଡି ଅଞ୍ଚଳରେ ପରମ୍ପରା ଅନୁସାରେ ବର କନ୍ୟାର ନଖ ଛୁଇଁ ପ୍ରତିଶ୍ରୁତି ଦେଇଥାଏ ସେ ତା’ର କିଛି ବି କ୍ଷତି ହେବାକୁ ଦେବନି ।
୬. ବିିବାହର ଚତୁର୍ଥୀ ରାତିରେ ଯେବେ ବରକନ୍ୟା ମିଳନ୍ତି, ତାଙ୍କ ତକିଆ ତଳେ ଏକ ଛୁରି ରଖାଯାଏ । ଏପରି କରିବା ଦ୍ୱାରା ସେମାନଙ୍କ ସମ୍ପର୍କକୁ କେହି ନଜର ଲଗାଇପାରିବେ ନାହିଁ ବୋଲି ବିଶ୍ୱାସ ରହିଛି ।
୭. ରାଜସ୍ତାନର କିଛି ଅଞ୍ଚଳରେ କନ୍ୟା ବରକୁ ବାଡିରେ ମାରିଥାଏ । ଏହି ପ୍ରଥା ପୁଅର ଧୈର୍ଯ୍ୟ ପରୀକ୍ଷା ପାଇଁ କରାଯାଏ ।