ନୂଆବର୍ଷର ପହିଲି ଦିନରେ ସାରା ବିଶ୍ୱରେ ଜନ୍ମନେଲେ ୩୮୬୦୦୦ ଶିଶୁ : ଭାରତରେ ସର୍ବାଧିକ , ଫିଜିରେ ଜନ୍ମ ନେଲା ପ୍ରଥମ ଶିଶୁ
କନକ ବ୍ୟୁରୋ : ନୂଆବର୍ଷର ପହିଲି ଦିନରେ ସାରା ବିଶ୍ୱରେ ଜନ୍ମନେଲେ ୩୮୬୦୦୦ ଶିଶୁ । ଫିଜିରେ ଜନ୍ମନେଲା ପ୍ରଥମ ଶିଶୁ । ୟୁନିସେଫ୍’ ଆକଳନ ଅନୁସାରେ, ଜାନୁଆରି ୧ ତାରିଖରେ ଭାରତରେ ପ୍ରାୟ ୬୯,୦୦୦ ଜଣ ଶିଶୁ ଜନ୍ମ ଗ୍ରହଣ କରିଛନ୍ତି । ଦ୍ୱିତୀୟରେ ଅଧିକ ଶିଶୁ ଜନ୍ମ ନେଇଥିବା ଦେଶ ହେଲା ଚୀନ୍ । ନୂଆବର୍ଷରେ ସର୍ବାଧିକ ଲୋକସଂଖ୍ୟା ଥିବା ରାଷ୍ଟ୍ର ଚୀନରେ ୪୪,୭୬୦ ଶିଶୁ ଜନ୍ମ ନେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସମଗ୍ର ବିଶ୍ୱରେ ଯେତେ ଶିଶୁ ଜନ୍ମ ହେଉଛନ୍ତି, ଭାରତ, ଚୀନ ସମେତ ଅନ୍ୟ ୬ଟି ଦେଶରେ ପ୍ରାୟ ଅର୍ଦ୍ଧେକ ଶିଶୁ ଜନ୍ମ ନେଇଛନ୍ତି । ଅଧିକ ଶିଶୁ ଜନ୍ମ ହେଉଥିବା ଅନ୍ୟ ୬ଟି ଦେଶ ହେଉଛି- ନାଇଜେରିଆ (୨୦,୨୧୦ ), ପାକିସ୍ତାନ (୧୪,୯୧୦), ଇଣ୍ଡୋନେସିଆ (୧୩,୩୭୦), ଯୁକ୍ତରାଷ୍ଟ୍ର ଆମେରିକା (୧୦, ୪୫୨), ଇଥିଓପିଆ (୯,୦୨୦) ବାଙ୍ଗଲାଦେଶ ୮,୩୭୦।
ୟୁନିସେଫ୍ ଆକଳନ ଅନୁସାରେ, ଭାରତରେ ପ୍ରତିଦିନ ୬୯ ହଜାର ପିଲା ଜନ୍ମ ନିଅନ୍ତି । ଜନ୍ମର ପହିଲି ଦିନରେ ମା’ ଓ ପିଲା ପାଇଁ ବିପଦପୂର୍ଣ୍ଣ ଥାଏ । କାରଣ ଏହି ଦିନ ଅଧିକ ମୃତ୍ୟୁ ହାର ପଞ୍ଜିିକୃତ ହୋଇଥାଏ । ଅନ୍ୟପଟେ ୪୦ ପ୍ରତିଶତ ଶିଶୁ ଜନ୍ମ ଗ୍ରହଣ କରିଥିବା ଦିନ ହିଁ ଜୀବନ ହାରିଥାଆନ୍ତି । ଭାରତରେ ପ୍ରତି ବର୍ଷ ୫୦ ଲକ୍ଷ ଶିଶୁ ଘରେ ଜନ୍ମଗ୍ରହଣ କରନ୍ତି ।