ପାକିସ୍ତାନରେ ଦୁଇ ମୁସଲିମ୍ ଭଉଣୀଙ୍କୁ ଭେଟିଲେ ଶିଖ୍ ଭାଇ, ତିନିଜଣଙ୍କ ଆଖିରେ ଥିଲା ମିଳନର ଆନନ୍ଦାଶ୍ରୁ: ଦେଶ ବିଭାଜନ ସମୟରେ ଅଲଗା ହୋଇଯାଇଥିଲେ
ପିଲାଦିନୁ ଅଲଗା ହୋଇଯାଇଥିବା ତିନି ଭାଇଭଉଣୀ ପରସ୍ପରକୁ ଭେଟିବାର ସୁଯୋଗ ପାଇଛନ୍ତି । ପାକିସ୍ତାନର ବାସିନ୍ଦା ଦୁଇ ମୁସଲମାନ ଭଉଣୀ ସେମାନଙ୍କର ଶିଖ୍ ଭାଇକୁ ପାକିସ୍ତାନର ଗୁରୁଦ୍ୱାରା ଜନମ୍ ଆସ୍ଥାନ ନାନକ ସାହିବଠାରେ ମିଳିତ ହେବାର ସୁଯୋଗ ପାଇଛନ୍ତି । ଭାଇଭଉଣୀ ପରସ୍ପରକୁ ଦୀର୍ଘ ବର୍ଷ ପରେ ଭେଟିବା ଏକ ଆବେଗପୂର୍ଣ୍ଣ ପରିବେଶ ସୃଷ୍ଟି କରିଥିଲା । ତିନିଜଣଙ୍କ ଆଖିରେ ଥିଲା ମିଳନର ଆନନ୍ଦାଶ୍ରୁ ।
Kanak News is now on WhatsApp
Join and get latest news updates delivered to you via WhatsApp
ଉଲଫତ୍ ବିବି ଓ ମୈରାଜ ବିବି ଦୀର୍ଘ ୩ ଦଶନ୍ଧି ପରେ ନିଜର ଭାଇ ବିୟନ୍ତ ସିଂଙ୍କୁ ପାଖରେ ପାଇ କୁଣ୍ଢାଇ ଧରି ଆନନ୍ଦରେ କାନ୍ଦି ଉଠିବାର ଦୃଶ୍ୟ ଖୁବ୍ ହୃଦୟସ୍ପର୍ଶୀ ଥିଲା । ଅଭିଭକ୍ତ ଭାରତର ପଞ୍ଜାବର ପରାଚା ଗ୍ରାମର ଏକ ପରିବାର ଦେଶ ବିଭାଜନ ସମୟରେ ଦେଖାଦେଇଥିବା ହିଂସା ସମୟରେ ପରସ୍ପରଠାରୁ ଅଲଗା ହୋଇଯାଇଥିଲେ ।
ଏହାପରେ ତିନି ଭାଇ-ଭଉଣୀଙ୍କ ମା’ ଭାରତରେ ଥିବା ତାଙ୍କର ପଡ଼ୋଶୀମାନଙ୍କ ସହ ଯୋଗାଯୋଗ କରି ବେଶ୍ କିଛି ବର୍ଷ ପରେ ପୁଅ ବିୟନ୍ତର ଠିକଣା ଖୋଜି ପାଇଥିଲେ । ଏହାପରେ ବିୟନ୍ତଙ୍କର ତାଙ୍କ ମା’ ଓ ଦୁଇ ଭଉଣୀଙ୍କ ସହ ଯୋଗାଯୋଗ ସ୍ଥାପନ ହୋଇଥିଲା । ପରସ୍ପର ଭିତରେ ଚିଠି ଦିଆନିଆ ଆରମ୍ଭ ହୋଇଥିଲା । ଏହାପରେ ଫୋନ୍ ଯୋଗେ ବାର୍ତ୍ତାଳାପ ହେଉଥିଲା ।