ହାଫିଜ ବିରୋଧରେ ପାକ କାର୍ଯ୍ୟାନୁଷ୍ଠାନକୁ ଆମେରିକାର ସନ୍ଦେହ : ଆତଙ୍କବାଦୀର ଗିରଫଦାରୀକୁ ଲୋକଦେଖାଣିଆ କହିଲା ଟ୍ରମ୍ପ ପ୍ରଶାସନ
କନକ ବ୍ୟୁରୋ : ଆତଙ୍କବାଦୀ ହାଫିଜ୍ ସୟିଦକୁ ଗିରଫ କରି ଗୋଟିଏ ପଟେ ପାକ୍ ନିଜ ଛବି ସୁଧାରିବା ପାଇଁ ଆପ୍ରାଣ ଚେଷ୍ଟା କରୁଛି । ହେଲେ ପାକିସ୍ତାନ ଉପରେ କିନ୍ତୁ ଟ୍ରମ୍ପ ପ୍ରଶାସନର ଭରସା ନାହିଁ । ବିଶ୍ୱ ଆତଙ୍କବାଦୀ ହାଫିଜର ଗିରଫଦାରୀକୁ ନେଇ ଖୁସି ନୁହେଁ ଆମେରିକା । ପାକିସ୍ତାନର କାର୍ଯ୍ୟାନୁଷ୍ଠାନକୁ ନେଇ ସନ୍ଦେହ ପ୍ରକାଶ କରିଛି ଟ୍ରମ୍ପ ପ୍ରଶାସନ । କାରଣ ୨୦୦୧ ଡିସେମ୍ବରରୁ ପାକିସ୍ତାନରରେ ୭ ଥର ଗିରଫ ହେଲାଣି ଏହି ଆତଙ୍କୀ ସର୍ଦ୍ଦାର । ଭାରତୀୟ ସଂସଦ ଉପରେ ଆକ୍ରମଣ ପରେ ଭାରତର ଦାବି ମୁତାବକ ପ୍ରଥମେ ହାଫିଜକୁ ଜେଲ ହାଜତକୁ ପଠାଇଥିଲା ଇସଲାମାବାଦ୍ । ଏହା ପରଠୁ ବାରମ୍ବାର ଗୃହ ବନ୍ଦୀ ଓ ନଜର ବନ୍ଦୀ ହୋଇଥିଲେ ବି କୋର୍ଟରୁ ମୁକୁଳିଆସିଛି ।
Kanak News is now on WhatsApp
Join and get latest news updates delivered to you via WhatsApp
ତେଣୁ ପାକ ପ୍ରଧାନମନ୍ତ୍ରୀ ଇମରାନ ଖାନଙ୍କ ଆମେରିକା ଗସ୍ତ ପୂର୍ବରୁ ହାଫିଜକୁ ଗିରଫ କରି ଟ୍ରମ୍ପଙ୍କୁ ପ୍ରଭାବିତ କରିବାକୁ ଚେଷ୍ଟା କରୁଛି ପାକିସ୍ତାନ । ହେଲେ ଆମେରିକା ସ୍ପଷ୍ଟ କରିଦେଇଛି, ଆତଙ୍କବାଦ ବିରୋଧରେ ଠୋସ ପଦକ୍ଷେପ ନେଉ ପାକିସ୍ତାନ । ଏପରିକି ପାକିସ୍ତାନ ମାଟିରେ ଲସ୍କର ଇ ତୋଇବା , ଜୈଓ ଏ ମହମ୍ମଦ ଓ ଫଲାନ ଇ ଇନସାନିଅତ ଭଳି ଆତଙ୍କବାଦୀ ସଂଗଠନ ଉପରେ ସମ୍ପୂର୍ଣ୍ଣ ରୋକ ନଲାଗିବା ଯାଏଁ ପାକିସ୍ତାନ ଉପରେ ବିଶ୍ୱାସ କରିହେବନି ବୋଲି ଆମେରିକା କହିଛି ।